1 Samuel 1:3 - Qullan Arunaka DC

³ Elcaná chachasti sapa maraw wila masinakapamp chika Siló chiqar sarirïna, taqi ch'aman Tatitur yupaychiri, ukhamarak wilañchanak luqtiri. Uka markansti, Elí sat sacerdoten Hofní, Finees, uka pani yuqapaw ukankapxäna, jupanakasti Tatitun sacerdotenakaparakïnwa.

Aymar Bibliia 1986

³ Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.

Qullan Arunaca

³ Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.

1 Samuel 1:3 Jak'a apnaqawi uñst'ayäwi

Salmos 78:60

ukat Siló chiqan utjäwip jaytanukxäna, jaqinak taypin qullan utjäwip apanukxäna.

Éxodo 23:14

“Nayar jach'añchañatakisti maran kimsa kutiw uruyañ uru luräta.

Éxodo 23:17

“Taqpach chachanakaw Tatitun nayraqatapan maran kimsa kuti uñstapxani.

Éxodo 34:23

“Chachanakasti taqiniw maran kimsa kuti Israelan Tatit Diosap nayraqatan uñstapxani.

Lucas 2:41

Jesusan awkipampi taykapampix sapa maraw Jerusalenar sarapxirïna, Pascua urutaki.

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

Josué 18:1

Israel markax taqiniw Siló chiqan tantachasipxäna, uka chiqan Tatitump Jikisiñ Carpa sayt'ayañataki, ukapachatakix uraqix niyaw katuntatäxäna,

Jueces 18:31

Micaías chachan lurata idolox ukawjan jupanak taypinkäna, Tatitun qullan utapax Siló chiqankkän uka urunakana.

Jueces 21:19

Ukampisa, Tatitun kusisiñ urupax niyaw jak'anki, ukasti Siló chiqan sapa maraw uruyasi, Betel markat amsta tuqina, Siquem chiqat Betel markar sarki uka thakhit inti jalsu tuqina, Leboná markat aynach tuqina” sasa.

1 Samuel 1:21

Qhipa marasti, Elcaná chachax taqpach wila masinakapampiw Siló sat chiqar saräna, arsutap phuqhiri ukhamarak wilañcha luqtiri,

1 Samuel 1:9

Mä kutiwa, Siló chiqankkasina, Anax manq'añ tukutat Tatitun utapar mayisir saräna. Tatitun utapar mantañ punku jak'ansti, Elí sacerdotex mä qunuñan qunt'atäskänwa.

1 Samuel 14:3

Efod isi apiristi Ahitub jaqin Ahías yuqapänwa, Icabod jaqin sobrinopa, ukasti Finees jaqin yuqapänwa, Elí chachan allchhiparaki, khititix Siló chiqan Tatitun sacerdotepäkän uka. Jaqinakasti Jonatanan sarxatap janiw yatipkataynati.

1 Samuel 2:19

Taykapasti sapa maraw mä suma isi lurarapirïna, ukatsti kunapachatix chachapamp wilañcha luqtir sarirïkan ukkhaw uka isi aparapirïna.

1 Samuel 2:34

Kuntix Hofní, Finees sat wawanakamampi luraskani ukax, mä uñacht'äwïniwa: jupanakax mä urukiw panpachan jiwapxani.

1 Samuel 3:13

Jupax kunjämtix wawanakapax nayar ñanqhachapkitu uk yatïnwa; janiw kunsa wawanakapar kamsaskiti. Ukat jichhax wila masinakapar mutuyäxa, janiw khitisa, janirakiw kunas jark'kitaniti.

1 Samuel 4:11

Ukatsti, filisteonakax Diosan arust'äwi arcap katuntasipxäna, ukatxa Elí sacerdoten Hofní, Finees sat yuqanakaparus jiwayapxarakïnwa.

1 Samuel 4:4

Ukatsti, Israel markax mä qawqha jaqinakaruw Siló chiqar khithäna Tatitun arust'äwi arcap aptaniñataki, Tatitusti uka arcan querubines sat chhiqhaninak taypinkänwa. Elí sacerdoten Hofní, Finees sat yuqanakapasti Tatitun arust'äwi arcap chikäskarakïnwa.