1 Pedro 4:2 - Qullan Arunaka DC

² jan janchin munañaparjama, jan ukax Diosan munañaparjam taqi jakäwipan jakxañapataki.

Aymar Bibliia 1986

² Diosan munañaparjam take jacäwipana jacjjañapataqui, jan janchin munañaparjam jaysañataquejja.

Qullan Arunaca

² Diosan munañaparjam take jacäwipana jacjjañapataqui, jan janchin munañaparjam jaysañataquejja.

1 Pedro 4:2 Jak'a apnaqawi uñst'ayäwi

Salmos 143:10

Munañam lurañ yatichita, nayan Diosaxätam layku. Munasir ajayumax chiqa thakhinjamay irpitpan.

Oseas 6:7

“Ukampis markaxaxa, Adanjamarakiw arust'äwixarux jan phuqkiti, janirakiw nayatak chiqa chuymanïpkiti.

Mateo 12:50

Khititix alaxpachankir Awkixan munañap lurki, jupaw nayan jilaxasa, kullakaxasa, taykaxasa —sasa.

Mateo 20:4

Jupanakarusti sänwa: ‘Jumanakax uva yapuxar irnaqir sarasipkam, qawqhatix wakiski ukkha churapxarakïma’ sasa. Jupanakasti sarapxänwa.

Mateo 21:31

Uka paninitxa, ¿kawkïris awkin munañap luränxa? —sasa. Jupanakasti sapxänwa: —Nayrïrïkis ukawa —sasa. Jesusasti jupanakarux sänwa: —Qhanak sapxsma, Romatak qullqi apthapirinakampi, walja chachanakampi sarnaqir warminakampiw jumanakat nayraqat Diosan qhapaq markapar mantapxani.

Mateo 7:21

“Janiw taqi khitinakatix: ‘Tatay, Tatay’ siskitu ukanakax alaxpach markar mantkaniti, jan ukasti khitinakatix Awkixan munañap lurki ukanakakiw mantani.

Marcos 3:35

Khitinakatix Diosan munañap phuqhapki ukanakaw jilaxasa, kullakaxasa, taykaxasa —sasa.

Marcos 7:21

Jaqin chuymapatsti jan wali amuyunakaw mistu: wachuqa jucha luraña, jaqi jiwayaña,

Juan 1:13

Jupanakasti janiw jaqin munañapat janchin yuritäpkiti, jan ukasti Diosan wawanakapäxiwa.

Juan 7:17

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Romanos 12:2

Janiy jumanakax jichha pacha saräwinakarjam jakxapxamti; jan ukasti, amtañanakam mayjt'ayapxam, ukhamat jumanakan jakäwiman sumäxañapataki, ukat Diosan munañap yatiñataki, kunatix askïki, kunatix munkañäki, kunatix chiqäki ukanaka.

Romanos 14:7

Janiw khitis jupa pachpatak jakkiti, janirakiw khitis jupa pachpatak jiwkiti.

Romanos 6:11

Ukhamarakiy jumanakax juchatak jiwatäpxatam amuyasipxam, ukampis Diosatak jakapxam, Cristo Tatitump mayakïpxatam layku.

Romanos 6:2

¡Janiw ukhamäkaspati! Jiwasax juchatakix jiwatäxtanwa; ¿kamisarak juchan jakaskakiñänisti?

Romanos 7:4

Munat jilatanaka, ukhamarakiw jumanakax Cristonkxasax jupamp chikaw kamachitakix jiwatäxapxta, khititix jiwatanak taypit jakatatawayki jupampi mayakïxañataki. Ukhamat jiwasanakax suma luräwinak Diosatak lursna.

2 Corintios 5:15

Cristox taqinitakiw jiwawayi, khitinakatix jakasipki ukanakax jan jupanakpachatak jakañapataki, jan ukasti Cristotak jakapxañapataki, jupaw jupanak layku jiwasin jaktawayi.

Efesios 2:3

Taqi jiwasanakax uka kipkarakiw nayrapachax jakäyätan, ñanqha amtäwinakasar arkasa, janchisan munañanakaparjama, amtäwinakasarjam phuqhasa. Uka laykusti, Diosan axsarkañ mutuyäwip mayninakjam katuqañasaw wakisïna.

Efesios 4:17

Ukhamasti ak jumanakar Tatitun sutipxar iwxt'apxsma: Janiy juk'ampi Diosar jan uñt'irinakjam jakxapxamti, jupanakax pantjat amuyunakaparjamakiw jakapxi,

Efesios 5:17

Jan kunsa luqhir uñtat lurapxamti; kunäkitix Tatitun munañapax uk amuyt'añatak ch'amachasipxam.

Efesios 6:6

Janiy uywiriman uñjkatakix lurapxamti, ukhamat jupanakampi sumat uñt'ayasiñatakiki, jan ukasti Criston irnaqirinakapjamax Diosan munañap taqi chuyma lurapxam.

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

Colosenses 3:3

Jumanakasti akapachatakix jiwxapxtawa, jichhasti, Diosax Cristo tuqiw chiqpach jakañ churxapxtam.

Colosenses 4:12

Epafras jilata, khititix Criston luqtiripäki, jumanakat maynïrïkaraki, jupas aruntanipxtamwa. Jupasti jumanakatakix walipuniw Diosat mayiski, Diosan munañap phuqhirinakjam thuruñchat sayt'asipxañamataki.

1 Tesalonicenses 5:18

Taqi kunat Diosar yuspagarapxam, jupax Cristo Jesusankirïpxatamat ukham muni.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.

1 Pedro 1:14

Ist'asir wawanakjamaxa, jan munañanakamarjam sarnaqapxamti, kunjämtix Tatitur janïra uñt'kasax sarnaqapkäyäta ukhama.

1 Pedro 2:1

Ukalayku, jumanakax apanukupxam: taqi jan wali luräwinaka, taqi sallqjasiñanaka, q'uma q'um tukuñanaka, munapayañanaka, jaqxat parlasiñanaka.

1 Juan 2:17

Ukampis akapachax jan wali munañanakapampiw tukusiski; ukatsipana, Diosan munañap luririx wiñayatakiw jaki.