1 Pedro 4:1 - Qullan Arunaka DC

¹ Ukatpï jilatanaka, kunjämtix Cristox janchipan t'aqhisiwayixa, jumanakax jank'akïpxañamaw ukham t'aqhisiñatakixa. Janchin t'aqhisirixa, juch apanukuwayxi,

Aymar Bibliia 1986

¹ Ucatpï jilatanaca, cunjämtejj Tatitojj janchipan t'akhesiwayejja, jumanacajj janc'aquïpjjañamaraquiwa t'akhesiñataquejja. Ucatwa uca janchin t'akhesirejja, juchjja apanucuwayjje,

Qullan Arunaca

¹ Ucatpï jilatanaca, cunjämtejj Tatitojj janchipan t'akhesiwayejja, jumanacajj janc'aquïpjjañamaraquiwa t'akhesiñataquejja. Ucatwa uca janchin t'akhesirejja, juchjja apanucuwayjje,

1 Pedro 4:1 Jak'a apnaqawi uñst'ayäwi

Isaías 1:16

“¡Jariqasipxam, q'umachasipxarakim! ¡Uka ñanqha lurañanakamsti nayraqataxat jayar apapxam! ¡Ñanqha lurañanaksti apanukupxarakim!

Ezequiel 16:41

Utanakamsti ninampiw phichkatapxani, ukatsti taqi warminak nayräxan jumar juchañchapxätam. Nayaw jichhax uka wachuqa jucha lurañanakam tukusiyä, janirakiw mayampis waynanakamarux uka wachuqa jucha luratanakamat qullqi churkxätati.

Marcos 3:3

Jesusasti ampar pharsut jaqirux sänwa: —Sartam, aka taypir sayt'asim —sasa.

Romanos 6:11

Ukhamarakiy jumanakax juchatak jiwatäpxatam amuyasipxam, ukampis Diosatak jakapxam, Cristo Tatitump mayakïpxatam layku.

Romanos 6:2

¡Janiw ukhamäkaspati! Jiwasax juchatakix jiwatäxtanwa; ¿kamisarak juchan jakaskakiñänisti?

Romanos 6:7

Kunapachatix maynix jiwixa, juchax janiw jupxar munañanïkxiti.

Gálatas 2:20

Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.

Gálatas 5:24

Tatit Jesucristonkirinakax, janchin munañanakapar wayusir chuymap ch'akkatxapxiwa, ñanqha amtañanakampiru, munañanakapampiru.

Efesios 6:13

Ukalayku, Diosax churapktam uka nuwasiñ yänak katxarupxam, ukhamat jan wali urunakar saykatañataki, ukham sum wakicht'asisasti ch'aman sayt'asipxam.

Deuteronomio 27:10

Ukhamasti, jupar jaysapxam, jichhürun sapksma uka kamachi arunakaparjamaw sarnaqapxäta.”

Filipenses 2:5

Kunjäm amuyunïkäntix Cristox uka pachpa amuyunïpxarakim:

Hebreos 12:3

Ukalayku, Jesusan aski sarnaqäwipat lup'ipxam, jupasti juchararanakan amparapan wal t'aqhisïna; janipun qarjasipxamti, janirak mayjt'asipxamsa.

Hebreos 4:10

khititix Diosan samarañapar mantkani ukaxa, irnaqäwipat samarani, kunjämtix Diosax irnaqäwipat samarkän ukhama.

1 Pedro 2:21

Ukatakipï Diosax jawsapxtamxa, Cristox jumanak laykuw t'aqhisiwayi, jumanakar mä suma uñacht'äwi jaytasa, ukhamat kayup arkapxañamataki.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,