1 Pedro 2:4 - Qullan Arunaka DC

⁴ Jesucristor jak'achasipxam, jupax jaqinakan apanukut jakkir qalawa, ukampis Diosatakix mä suma ajllit wali jila alan qalawa.

Aymar Bibliia 1986

⁴ Tatiturojj jac'achasipjjamaya mä jacquir kaläcaspas uqhama. Jakenacajj jisc'achasaw apanucupjjaraqui uca kaljja, ucampis Diosataquejj mä suma ajllit kalawa, wali asquiraquiwa.

Qullan Arunaca

⁴ Tatiturojj jac'achasipjjamaya mä jacquir kaläcaspas uqhama. Jakenacajj jisc'achasaw apanucupjjaraqui uca kaljja, ucampis Diosataquejj mä suma ajllit kalawa, wali asquiraquiwa.

1 Pedro 2:4 Jak'a apnaqawi uñst'ayäwi

Isaías 28:16

Ukat Tatitux saraki: “Nayawa Jerusalén markatakix mä suma ajllit jila alan qala tukurakï, jach'a wakiskir qaläyäwa, uta qalltan mä wakiskir qalapjamäyäwa. Khititix nayar katuyasis jakanixa, jakäwipax sumakipunïniwa.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Daniel (hebreo) 2:34

Juma reyix uka jach'a jaqi uñch'ukiskäyätaxa, ukchañkamaw qullut mä qalax jan khitin nukt'atak qurumt'anïna, ukatsti uka jach'a jaqin kayunakapar jaqkattasaw t'unjäna.

Daniel (hebreo) 2:45

Uk sañ muni, qullut jan khitinsa nukt'kat qurumt'ankäna, jach'a jaqir t'unjkarakïna uka qalaxa. Jach'a ch'aman Diosaw juma reyirux uñacht'aytam kunatix akat qhiparu utjkani ukanaka. Uka samkax chiqawa, qhanañchäwipas chiqarakiwa.”

Zacarías 3:9

Nayasti Josué chachan nayraqataparux paqallqu k'achinakan mä qala uchta, naya pachparakiw uka qalarux mä aru qillqä. Ukatsti, mä urunak aka markan juchanakap apaqarakï.

Zacarías 4:7

¿Khitïtas jumax jach'a qullu? ¡Zorobabelan nayraqatapan pampar tukutaw uñjasïta! Jupaw qallta qalxa uchantani, nayan utax wasitat lurañataki, markaxax kusisiñat arnaqasini: ‘¡Kunja sumas akaxa! ¡Kunja sumasa!’ ” sasa.

Mateo 11:28

Taqi qarjatanaka, llakimpi atipjatanaka, nayar jutapxam, nayaw samarayapxäma.

Mateo 12:18

“¡Uñkatapxam nayan ajllitaxaru, khitirutix nayar luqtañapatak jawsaskta ukaru! Nayax juparux wal munasta, jupasti nayarux kusisiyituwa. Nayan Ajayuxsti jupxaruw uchä, jupasti chiqa kankañax taqi markanakar yatiyani.

Mateo 21:42

Jesusasti jupanakarux sänwa: —¿Janipunit kunapachas qillqatanak ullarapkta? Uka qillqatanakasti siwa: ‘Utachirinakan apanukut qalax aski qalaruw tukxi. Tatituw ukham luri, ukat muspharat uñjasipxtan’ sasa.

Juan 14:19

Mä juk'ampjarux akapachankirinakax janiw juk'amp uñjkxapxitaniti; ukampis jumanakax uñjasipkitätawa, nayan jakaskatax laykux jumanakax jakasipkätawa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 5:26

Kunjämatix Awkix jupa pachpa jakañanixa, uka pachparakiw Yuqaparux pachpa jakañanïñap churi,

Juan 5:40

jumanakax jakañanïñatakix janiw nayan ukar jutañ munapktati.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Juan 6:57

Khithankitu uka Awkix jakañaniwa, nayasti jupïpan jakaskta; uka pachparakiw khititix nayat manq'ki ukax nayïpan jakani.

Romanos 5:10

Kunapachatix Diosan uñisiripäkäyätan ukkhaw Wawapan jiwatap tuqi jupampi sumankthapxtan, ukatarak jakañap tuqi qhispiyatäñäni, jichhasti jupampi sumankthapitäxtanwa.

1 Corintios 3:11

janiw khitis uta qallta uchatarux yaqha qalltxa uchkaspati, nayrïr uta qallta uchatäki ukax Jesucristowa.

Colosenses 3:4

Pachpa Cristow jumanakan jakañamaxa. Kunapachatix jupax uñstankan ukkhasti, jumanakax jupamp chikaw qhapaq kankañapan phuqt'at uñstapxarakïta.

1 Pedro 1:19

jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Pedro 2:7

Jumanakax Tatituruw iyawsapxta, ukat uka qalax aski qalar tuku; ukampis jan iyawsirinakatakix, kunatix Tatitun arupan siski ukaw phuqhasiski: “Uta luririnakan apanukut qalaxa, mä jach'a wakiskir qalaw tukuwayxi.”

2 Pedro 1:1

Nayax Simón Pedro, Jesucriston luqtiripätwa, apostoluparakïtwa. Aka qillqatsti, khitinakatix nanakjam mä suma iyawsañ jikxatapktas ukanakaruw qillqanipxsma, Qhispiyiri Jesucristo Tatitusan chiqätap layku.

2 Pedro 1:4

Ukanak tuqiw arsüwinakapsa churistu, uka arsüwinakapasti wali jach'anakawa, wali askirakiwa, ukhamat jumanakax Tatitun arsüwinakap tuqi, akapach q'añu luräwinakat jaltxasin Diosan aski kankañap katuqapxañamataki.