1 Pedro 1:5 - Qullan Arunaka DC

⁵ Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.

Aymar Bibliia 1986

⁵ Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.

Qullan Arunaca

⁵ Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.

1 Pedro 1:5 Jak'a apnaqawi uñst'ayäwi

Job 19:25

Nayax Diosaxan jakaskatap yattwa, jupaw aka uraqin nayan arxatirixäni.

Salmos 37:28

Tatitux aski kankañar muniriwa, arkirinakaparusti janiw jaytanukkiti; jucharar jaqinakarux tukjiwa, jan wawanakanirak jayti.

Proverbios 2:8

Jupaw chiqap sarnaqir jaqirux uñji, taqi chuyma jupar iyawsirirux imaraki.

Isaías 45:17

Ukampis Israel markarux Tatituw qhispiyi, wiñayatakiw qhispiyi, janirakiw jupax p'inqachatasa, jisk'achatas uñjaskxaniti.

Isaías 51:6

“Alaxpach tuqi uñtapxam, aka uraq tuqirus uñtapxarakim: alaxpachax jiwq'ir uñtatakiw chhaqtxani, uraqisti mä isir uñtatakirakiw mirq'stxani, ukan jakir jaqinakasti chhichhillankhanakar uñtataw jiwarapxani. Ukampis nayax wiñayatakiw qhispiyä, chiqa kankañaxasti janiw tukuskaniti.

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Isaías 66:22

Tatitux sarakiwa: “Kunjämatix machaq alaxpachasa, machaq uraqisa, kunanaktix nayax lurktxa ukanakax wiñayatakïnixa, ukhamarakiw wawanakamasa, sutimas wiñayatakirakïni.

Jeremías 23:4

Awatirinak jupanakar awatiñapatak uskurapï, jan kunsa axsarapxañapataki, janirak maynis chhaqhañapataki. Naya, Tatituw uk arsta.”

Jeremías 32:40

Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Juan 12:48

Khititix nayar jisk'achkitu, ukatsti janirak arunakaxarjam lurki ukatakixa, niyaw juchañchiripax utjxi; kawkïr arunaktix nayax arskta ukanakaw qhipa urun jupar juchañchaskani.

Juan 17:15

Janiw akapachat jupanakar apsuñamatak mayksmati, jan ukasti Supayat imañamatakiw maysma.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 5:24

“Qhanak sapxsma, khititix nayan arsutaxar ist'ki, khithankitu ukarus iyawskaraki ukax, wiñay jakañaniwa; janiw juchañchatäkaniti, jan ukasti jiwañat jakañaruw sarakipxi.

Romanos 11:20

Walikïskiwa, jupanakax jan iyawsañanïtap laykuw qhuchhuqatäpxäna, jumasti iyawsañanïtam laykukiw ukankasktaxa. Ukhamasti jan jach'a jach'a tukumti, jan ukasti axsart'añamax utjpan.

Romanos 8:18

Jichhür t'aqhisiñanakax janiw kunäkisa, Diosan qhapaq kankañap uñjkañän ukampi kikipaysna ukaxa.

1 Corintios 1:21

Diosax yatiñ kankañap uñachaykäna ukapachaxa, janiw akapachankirinakax jaqin yatiñ kankañap tuqi Diosar uñt'apkänti, ukat Diosax munasiñapan jupar iyawsirinakarux yatiyäwip tuqi qhispiyañ amtäna, uka yatiyäwix luqhi kankañar uñtatäpasaya.

2 Corintios 1:24

Janiw nanakax iyawsäwinakam apnaqañ munapkti; nanakax jumanakar yanapt'añak munapxsma, ukhamat kusisiñaman utjañapataki, jumanakasti iyawsañan niy thurt'atäxapxtawa.

Gálatas 2:20

Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.

Efesios 2:8

Diosan munasiñapat jumanakax, iyawsañ tuqi qhispiyasiñ katuqapxtaxa. Aksti janiw jumanak pachpat jikxatapktati, jan ukasti Diosan churäwipawa.

Efesios 3:17

Cristox chuymanakaman iyawsañ tuqi jakpan, munasiñasti jakäwinakaman saphipäpan, utt'äwiparakïpan.

Filipenses 1:6

Diosaw suma luräwinakap jumanakampix qalltawayi, ukanakasti Jesucriston jutañapkamax juk'amp sumaw tukuskani.

Filipenses 4:7

Ukkhakiw Diosax jumanakarux samarañap churapxätam, uka samarañapasti jaqitakix jan amuyt'kayawa; uka samarañarakiw jumanakan chuymanakama, amuyunakamsa imani Cristonkapxatam layku.

2 Timoteo 3:15

Ukhamarus jumax wawatpach Tatitun arunakap yattaxa, uka arunakaw yatichätam, Cristo Jesusar iyawsatam laykuw qhispiyasiñar irparakïtam.

Tito 2:13

ukatsti kusiskañ suyt'äwimpi jakañas yaticharakistu, jach'a Qhispiyir Tatit Jesucriston kutt'aniñap suyasa.

Hebreos 6:12

Janiw jayra tukupxañam munapkti, jan ukasti, khitinakatix iyawsañ tuqi Diosan arsut churäwipa katuqapki taqi jupanakat yatiqasipxam.

Hebreos 9:28

Ukhamarakiw Cristox mä kutik taqinin juchap pampachañatak t'aqhisis luqtasïna. Uka qhipatsti wasitat uñstanini, janiw juchanak pampachiriti, jan ukasti, jupar suyt'irinakar qhispiyiriw uñstanini.

1 Pedro 1:13

Ukatpï jilatanaka, kuntix lurapkäta ukanakat wal amuyt'asipxam, mä suma jakañan sarnaqapxarakim. Taqi chuyma suyt'apxam, kuntix Diosax khuyapayasiñapan jumanakar churapkätam Jesucristox jutkani ukkhaxa.

1 Pedro 4:13

Jan ukasti Jesucristjam t'aqhisipxatanakamat kusisipxam, ukhamat kunapachatix jupax qhapaq kankañapamp jutkan ukkhax kusisiñan phuqt'atäpxañamataki.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

2 Pedro 1:3

Tatituw jach'a ch'amapampi churistu taqi kuntix jakañatak munktan ukanakxa, jupar munañsa churarakistu, khititix jach'a ch'amapampi, muspharkañ luräwinakapampi jawskistu ukar uñt'ayasa.

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Judas 1:1

Nayax Judas, Jesucriston luqtiripätwa, Santiagon jilaparakïtwa, khitinakarutix Dios Awkix munki, jawskaraki, taqi jumanakaruw aka arunak qillqanipxsma, jumanakasti Jesucriston imatäpxaraktawa.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.

1 Samuel 2:9

Tatituw jupar jaysirinakarux imi, jan jaysasirinakasti llakisiñat jiwapxi, ¡inamayatakikiw ch'amapasa!