1 Juan 5:3 - Qullan Arunaka DC

³ Diosar munasiñax kamachinakapar phuqhañawa; kamachinakapasti janiw ch'amäkiti,

Aymar Bibliia 1986

³ Diosar munañajja camachinacar phokhañawa; camachinacapasti janiraquiw jan phokhañjamäquiti,

Qullan Arunaca

³ Diosar munañajja camachinacar phokhañawa; camachinacapasti janiraquiw jan phokhañjamäquiti,

1 Juan 5:3 Jak'a apnaqawi uñst'ayäwi

2 Reyes 18:6

Jupasti chiqa chuymanïnwa, janipuniw kunapachas Tatitut saraqtkänti, jan ukasti kuna kamachinaktix Tatitux Moisesar churkatayna ukanak phuqhänwa.

Salmos 119:140

Arsutamax wali yant'ataw uñjasi; uywatamasti arsutamaruw munasi.

Salmos 119:45

Ukhamat jan khitin kamsat jakä, arsutanakamar arkatax layku.

Éxodo 20:6

ukampis nayar munirinakaru, kamachi arunakaxar phuqhirinakarux wawanakapan wawanakaparuw khuyapt'ayta.

Proverbios 3:17

Jupan sarnaqäwipar arkañax kusiskayawa, thakhinakapanjam sarnaqañasti suman jakañawa.

Daniel (hebreo) 9:4

Tatitu Diosaxaruw mayista, juparusti akanak arsusta: “ ‘Tatay, jach'a ch'aman Diosay, arsutanakam phuqhapuntawa, kamachi arunakam phuqhirinakarusa, jumar munirinakarus munasiñam uñacht'ayapuntawa.

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Mateo 23:4

Jupanakax jan phuqkay lurañanakampiw jaqinakar t'aqhisiyapxi, ukarusti janiw mä luk'anampis llamkt'añ munapkiti.

Juan 14:15

“Jumanakatix munapxchistaxa, kamachinakax phuqhapxam.

Juan 15:10

Nayan kamachinakaxtix phuqhapxätaxa, nayan munasiñaxan sarnaqapxäta, kamisatix nayax Awkixan arsutanakap phuqkta, ukatsti jupan munasiñapan sarnaqarakta ukhama.

Juan 15:14

Kuntix nayax jumanakar sapksma uktix lurapxätaxa, nayan jila masinakaxäpxätawa.

Romanos 7:12

Saraksnawa, kamachix Diosat juti, kamachin arunakapasti askiwa, chiqaparakiwa.

Romanos 7:22

Chuymax manqhansti Diosan kamachip wal munta,

Deuteronomio 5:10

ukampisa munasiñampiw uñjarakta, khitinakatix nayar munasipkitu, kamachi arunakaxsa phuqhapkaraki jupanakan waranqa mita wawanakan saraqirinakaparusa.

Deuteronomio 7:9

Yatipxam, Tatit Diosax chiqa Diosawa, jupakirakiw arust'äwipsa munasiñampi wawanakapana, wawanakapamp phuqharaki, jupar taqi chuymampi munasirinakaru, kamachi arunakapsa phuqhirinakaru.

Hebreos 8:10

Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.

1 Juan 2:3

Diosan kamachinakaptix phuqhañän ukkhaxa, jupar uñt'atas yatisipxtan.

2 Juan 1:6

Munasiñax Diosan kamachinakaparjam sarnaqañawa, uka kamachinaksti niyaw qalltatpach ist'apxtaxa, ukasti munasiñan sarnaqapxañamatakiwa.