1 Juan 4:2 - Qullan Arunaka DC

² Jumanakax akham tuqikiw maynin Diosan Ajayunïtap yatipxasma: Khititix siski: “Jesucristox janchir tukusaw juti” sasa, ukax Diosan Ajayupaniwa.

Aymar Bibliia 1986

² Aqhamatwa jumanacajj uñt'apjjäta maynejj Diosan Ajayupanïtapjja: Qhititejj sisqui —“Jesucristojj janchin juti” sasa, uquïristi Diosanquiriwa.

Qullan Arunaca

² Aqhamatwa jumanacajj uñt'apjjäta maynejj Diosan Ajayupanïtapjja: Qhititejj sisqui —“Jesucristojj janchin juti” sasa, uquïristi Diosanquiriwa.

1 Juan 4:2 Jak'a apnaqawi uñst'ayäwi

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

1 Corintios 12:3

Ukat jichhax yatipxañam munta, janiw khitis Diosan Ajayupan ch'amapampix siskaspati: “Jesusax ñanqhachatäpan” sasa. Janirakiw khitis jan Qullan Ajayun ch'amapampix siskaspati: “Jesusax Tatituwa” sasa.

1 Timoteo 3:16

Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.

1 Juan 1:2

Aka jakañ Arusti uñstawayiwa: nanakasti uk uñjapxta, ukarak arsupxta; ukatsti jumanakaruw aka wiñay jakañat yatiyapxsma, khititix Awkimpiskäna ukat jiwasanakar uñstarakistu.

1 Juan 2:23

Khitinakatix Yuqar jan uñt'ir tukupki ukaxa, janirakiw Awkirux uñt'kiti; ukampis khititix Yuqar katuqki ukax Awkirux katuqarakiwa.

1 Juan 4:15

Khititix “Jesusax Diosan Wawapawa” sas arski ukax Diosan jaki, Diosasti jupan jakaraki.

1 Juan 4:3

Ukampis khititix siski: “Jesucristox janiw janchir tukus jutkiti” sasa, ukax janiw Diosan Ajayupanïkiti, jan ukasti anticriston ajayupaniwa. Jumanakax uka ajayun jutañapat ist'apxtawa; jichhasti niyaw akapachankxi.

1 Juan 5:1

Taqi khititix Jesusan Cristötap iyawski ukaxa, Diosan wawapawa; khititix awkir munaski ukax uka awkin wawanakaparux munasirakiwa.

2 Juan 1:7

Ukampis walja sallqjirinakaw akapachan sarnaqi, jupanakax janiw Tatit Jesucriston chiqpach jaqir tukus jutatap iyawsapkiti. Ukham jan iyawsirinakax sallqanakawa, anticristorakiwa.