1 Juan 3:7 - Qullan Arunaka DC

⁷ Munat wawanakaxa, janiy khitis jumanakar k'arintpati: khititix chiqapar uñjki ukax askiwa, kamisatix jupax askïki ukhama,

Aymar Bibliia 1986

⁷ Wawanacajja, jan qhitimpis c'arintayasipjjamti; asqui lurirejja asquiraquiwa, cunjämatejj Tatitojj asquïqui uqhama.

Qullan Arunaca

⁷ Wawanacajja, jan qhitimpis c'arintayasipjjamti; asqui lurirejja asquiraquiwa, cunjämatejj Tatitojj asquïqui uqhama.

1 Juan 3:7 Jak'a apnaqawi uñst'ayäwi

Salmos 106:3

Chiqa kankañar yäqirinakax kusisiñaniwa, chiqapar uñjirinakas kusisiñaniwa.

Salmos 45:7

7 (8) Aski kankañarux munastawa, ñanqharusti uñistawa. Ukat Diosamax jumar ajllistam, masinakam taypin kusisiñampiw phuqhanttam.

Mateo 5:20

“Nayax sapxsmawa: Janitix sarnaqäwinakamax kamachi yatichirinakata, fariseonakat sipan askïkchi ukaxa, janiw Diosan qhapaq markapar mantapkätati.

Lucas 1:75

q'uma kankañampi, chiqa kankañampi, jupan nayraqatapan jupatak jakañasataki.

Hechos 10:35

Jupasti kawki markansa katuqakiwa, jupar axsarir jaqinakampiru, aski luririnakampiruxa.

Romanos 2:13

Diosan nayraqatapansti, janiw kamachi ist'atapampik askïpkiti, jan ukasti uka kamachirjam phuqhirinakaw askixa.

1 Corintios 6:9

¿Janit yatipkta chiqapar jan uñjirinakan alaxpachar jan mantañapxa? Janiy sallqjayasipxamti, wachuq juchan sarnaqirinakax, janiw Diosan markapar mantapkaniti, janirakiw yaqha diosar yupaychirinakasa, wachuq jucha luririnakasa, q'iwsanakasa, chacha pura, jan ukax warmi pura q'añusirinakasa, lunthatanakasa, mich'anakasa, machirinakasa, ñanqhachirinakasa, lunthatanakas mantapkaniti.

Efesios 5:6

Jan khitis jumanakarux k'ari arunakapampi sallqantkpati, chiqpachansa ukham tuqiw Diosan axsarkay mutuyäwipax juti, khitinakatix Diosar jan jaysapki ukanakataki.

Efesios 5:9

uka qhanax khuyapayasiña, chiqapar sarnaqaña, chiqa kankañ utjayi.

Filipenses 1:11

Jesucriston yanapapampix askinakpun lurapxäta, ukhamat mayninakan Diosar yupaychas jach'añchapxañapataki.

Hebreos 1:8

Ukampis Yuqapat siwa: “Juman qhapaq qunuñamax Dios Tata, wiñayatakiwa, Reyi kankañamas chiqapar uñjañawa.

Hebreos 7:2

Abrahamasti nuwasïwit apaqankatayna ukanakat sapa tunkat maya churäna. Melquisedec sutix “Chiqapar uñjir reyi” sañ muni, ukampis Salem markan reyipat uñt'atarakïnwa, ukasti “Sumankayir reyi” sañ munaraki.

Santiago 1:22

Ukampis jan aliq isch'ukirinakakïpxamti, jan ukasti luririnakäpxam, jan lurapkät ukasti, jumanakpachakiw sallqjasisipkasma.

Santiago 2:19

Jumasti mä sapa Diosan utjatap iyawstaxa, uk iyawsasasti walik lurasktaxa; ukampis supayanakax ukham iyawsaraki, axsarañatsti khathatipxarakiwa.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

1 Juan 2:1

Munat wawanakaxa, jumanakan juch jan lurapxañamatakiw taqi akanak qillqanipxsma. Ukampis maynitix juchar purchixa, Awkisan nayraqatapan mä arxatiriw utjistu, jupasti chiqapar uñjir Jesucristowa.

1 Juan 2:26

Khitinakatix jumanakar pantjasiyañ munapxtam ukanakxat qillqanipxsma.

1 Juan 2:29

Jumanakatix Tatit Jesucriston chiqapar uñjirïtap yatipxstaxa, jumanakax yatipxañamarakiwa, kunatix askïki uk lurapki ukanakax Diosan wawanakapawa.

1 Juan 3:18

Munat wawanakaxa, jiwasan munasiñasax janiw lakakïñapäkiti; jan ukasti luräwinak tuqiw uñacht'ayasiñapa.

1 Juan 3:3

Khitinakatix Jesucriston suyt'äwinïki ukax jupa pachpaw q'umachasi, kamisatix Jesucristox q'umäki ukhama.

1 Juan 4:17

Ukham tuqiw chiqpach munasiñax jiwasan phuqhasi, ukhamat taripäwi urun jan axsarañasataki, jiwasasti akapachan kunjämäkitix Jesucristox ukhampachätanwa.