1 Corintios 8:1 - Qullan Arunaka DC

¹ Jichhasti yaqha diosanakar luqtat manq'anakat parlapxäma. Chiqpachansa sistanwa: taqiniw chiqpach yatiñ kankañanïtan; ukampis uka yatiñ kankañax jach'a jach'a tukuyi, munasiñasti Diosan markaparux jiltayiwa.

Aymar Bibliia 1986

¹ Jichhajj yakha diosanacar sacrificion churatäquis uca aychanac mank'añanacjjat parlapjjaraquïma. Chekpachansa takeniw aca toketjja yattanjja. Ucampis uca yatitasajja jach'a jach'wa tucuyistu, munasiñasti ajayu tokenwa jiltayaraquistu.

Qullan Arunaca

¹ Jichhajj yakha diosanacar sacrificion churatäquis uca aychanac mank'añanacjjat parlapjjaraquïma. Chekpachansa takeniw aca toketjja yattanjja. Ucampis uca yatitasajja jach'a jach'wa tucuyistu, munasiñasti ajayu tokenwa jiltayaraquistu.

1 Corintios 8:1 Jak'a apnaqawi uñst'ayäwi

Isaías 47:10

Jumax ñanqha lurañaman wali sum amuyasïyätaxa, sarakïyätawa: ‘Janiw khitis uñjkituti’ sasa. Yatiñ kankañamasa, ch'ikhi kankañamasa jumarux k'arintapxtamwa. Chuymamansti sarakïyätawa: ‘Nayakïtwa, nayat sipan yaqhax janiw utjkiti’ sasa.

Isaías 5:21

¡Ay, kunakïkan jumanakatakixa, khitinakatix taqi kuns yatir yatiri tukupkta, wali ch'ikhïpkasmas ukham amuyasipkta ukanakatakixa!

Números 25:2

uka warminakasti diosanakapar wilañchanak luqtäwiruw jupanakarux jawsapxäna. Israelitanakax uka manq'äwinakapat manq'apxäna, moabitanakan diosanakapatakiw killt'asipxäna,

Hechos 15:10

Jichhasti, ¿kunatarak Diosar yant'apxtasti, jan phuqkay kamachinak iyawsirinakar wayt'añ munasinsti, kuntix jiwasasa, nayra awkinakasas jan phuqhirjamäpktan ukanaksti?

Hechos 15:29

Idolonakar luqtat animalanakan aychap jan manq'apxamti; janirak wilsa manq'apxamti, kunkat jaychjat jiwayat uywanaksa jan manq'apxamti, Moisesan kamachipan jark'atäki uka wachuq jucha lurañanak apanukupxam. Uka lurañanaktix apanukupxätaxa, walikisipkätawa. Ukhamasti aruntanipxsmawa” sasa.

Hechos 21:25

Jan judío iyawsirinakarusti nanakax amtapkta uka qillqat apayapxta, akham sasa: “Idolonakar luqtat animalanakan aychap jan manq'apxamti; janirak wilap umapxamti, kunkat jaychjat jiwayat uywanaksa jan manq'apxamti, janirak kuna wachuq jucha lurañanakansa sarnaqapxamti” sasa.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 12:16

Jumanak taypin mä amtanik jakasipxam. Jan jach'a jach'a tukupxamti, jan ukasti, llamp'u chuymaninakjamäpxam. Janirak wali yatiñanjamas tukupxamti.

Romanos 14:10

Jumasti, ¿kunatarak jilamar k'umtasti? Jan ukax, ¿kunatarak jisk'achtasti? Taqpachaniw Diosan nayraqatapan taripatäñatak uñstañäni.

Romanos 14:14

Cristor arkirjamax taqi ukanak sum nayax amuyta: Janiw kuna manq'asa ñanqhäkaspati; ukampis maynitix mä kunan ñanqhätap amuychixa, jupatakix ñanqhäskapuniwa.

Romanos 14:19

Ukhamasti kunatix sumankañar irpki, maynit maynikam ch'amañchasiñar irpki uk thaqtapxañäni.

Romanos 14:22

Juman iyawsäwimax utjki uksti, Tatit nayraqatan juma pachpa imasim. ¡Kusisiñaniwa khititix kun lurañatakis jan juchañchaski ukaxa!

Romanos 14:3

Ukampis taqi kun manq'irix janiw jan taqi kun manq'irirux jisk'achañapäkiti; taqi kun jan manq'iris janirakiw taqi kun manq'irirux jisk'achañapäkiti; Diosasti juparux katuqxiwa.

Romanos 15:14

Munat jilatanaka, nayax amuytwa, jumanakax munasiñampi, taqi yatiñ kankañampi phuqt'atäxapxatama, maynit maynikam iwxt'asiñsa yatxapxatama;

1 Corintios 1:5

Jupa tuqiw Diosax ajay tuqin qamirïñ churapxtam, aru tuqina, yatiñ tuqina,

1 Corintios 10:15

Nayax amuyt'ir jaqinakarjamaw parlapxsma: kuntix sapksma uk jumanak pachpa amuyt'apxam.

1 Corintios 10:28

Ukampis maynitix sapxätam: “Aka aychax yaqha diosanakar wilañcha luqtatawa” sasaxa, ukhamax jan uk manq'apxamti, uk arsuriru jan mayjt'ayañataki, jumanakas jan mayjt'asisipkañamataki.

1 Corintios 14:20

Jilatanaka, janiy jumanakax wawanakjam lup'ipxamti. Jan ukasti, jan walinak lurañatakik wawjamäpxam; amuyt'asiñansti jach'a jaqinakjamäpxam.

1 Corintios 15:34

Jumanakax sum amuyasipxam, janirak juch lurkxapxamti, jumanakat yaqhipanakax janïraw Diosar uñt'apkiti. Uksti jumanakan p'inqa tukuñamatakiw sapxsma.

1 Corintios 4:10

Cristor iyawsapxatax laykux luqhinakarjamaw jaqinakax uñjapxitu; ukatsipana, jumanakarux Cristo laykux ch'ikhinakarjamaw jaqinakax uñjapxtam. Nanakax pisi ch'amanïpxtwa, ukampis jumanakax wali ch'amanïpxtawa. Nanakarux jisk'achapxituwa, jumanakarusti yäqapxtamwa.

1 Corintios 4:18

Jumanakat yaqhipanakax jach'a jach'aw tukupxi; janis jumanakar uñjir purinkirista ukham amuyapxaraki;

1 Corintios 4:6

Jilatanaka, akanaksti jumanakan askimatakiw parlapxsma, Apolosampita naya pachpampit amuyt'ayasa. Nanakat yatiqasis kunatix qillqatäki ukat jumanakan jan saranukuñamatakiw sapxsma, ukhamat maynir munatap laykux jan khitis jach'achasiskañapataki, maynir jan walt'ayasa.

1 Corintios 5:2

¡Ukhamäkasinsa jumanakax jach'achasisipkaktawa! ¡Ukhamïpansti llakitäsipkañamawa! Ukham sarnaqir jaqix jumanak taypit alisnukutäñapawa.

1 Corintios 5:6

Jumanakasti janiw kunat jach'achasiñamas utjkiti. Aka säwi yatipxtawa: “Mä juk'a levadurax taqpach t'ant'a masaruw puqtayi” sasa.

1 Corintios 8:2

Maynitix kunsa yatitap amuyaschixa, janïraw yatkiti kunjämtix yatiñapäki ukxa.

1 Corintios 8:4

Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

1 Corintios 8:7

Ukampis janiw taqin chiqa kankañat yatipkiti. Yaqhipanakax yaqha diosanakar yupaychañ yatitäpkän ukanakaxa, uka manq'anakat manq'asipkakiwa, diosanakar luqtatätap amuyasina; ajay tuqin t'ukhätap laykusti, chuymanakapan juchanjamaw amuyasipxi.

Efesios 4:16

Cristo tuqiw iglesiankirinakax luräwinakaparjam mayachat uñjasi, jupa tuqirakiw mayar tukt'as sumankañan irnaqapxi; ukhamat munasiñ layku iglesian jiltañapataki, ch'amañchasiñapataki.

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Apocalipsis 2:14

Ukampisa, jumatak arsuñaxaw utjitu: Balaam sat jaqin yatichäwinakap jan apanukuñ munirinakaw ukan utjaski, jumasti janiw kamsktasa. Uka Balaam jaqix Balac chacharuw amtayäna israelita jaqinakar juchar puriyañataki, idolonakar luqtatäkis ukanak manq'ayasa, uka idolonak nayraqatan wachuqa jucha lurayasa.

Apocalipsis 2:20

Ukampis jumatak arsuñaxaw utjitu. Jumax uka Jezabel warmirux janiw kamsktasa. Uka warmix ‘Diosaw khithanitu’ sasaw sarnaqi, yatichäwipampix luqtirinakaxaruw pantjayaski, wachuqa juchan jakayasa, idolonakar luqtatäkis ukanak manq'ayasa.