1 Corintios 5:10 - Qullan Arunaka DC

¹⁰ Ukampix janiw sapkäyäsmati akapachan wachuq jucha luririnakata, mich'anakata, lunthatanakata, yaqha diosar yupaychirinakat jan mayampitak jithiqtapxam sasaxa, ukhamäspa ukkhax, jumanakan aka uraqit mistxapxañamaw wakisispa.

Aymar Bibliia 1986

¹⁰ Ucampejj janiw sapcäyäsmati: “Aca oraken wachoka juch luririnacampi, mich'anacampi, lunthatanacampi, yakha diosanacar yupaychirinacampejj janipuni parlapjjamti” sasajja. Uqhamäspa ucqhajj janiw aca oraken jacañasäcaspati.

Qullan Arunaca

¹⁰ Ucampejj janiw sapcäyäsmati: “Aca oraken wachoka juch luririnacampi, mich'anacampi, lunthatanacampi, yakha diosanacar yupaychirinacampejj janipuni parlapjjamti” sasajja. Uqhamäspa ucqhajj janiw aca oraken jacañasäcaspati.

1 Corintios 5:10 Jak'a apnaqawi uñst'ayäwi

Lucas 18:11

Fariseox sayt'asisin Diosat mayisïna, akham sasa: ‘Diosaxay, yuspagarsmawa, nayax janiw yaqhanakjamäkti, lunthatasiri, jan wali jaqi, wachuq juchan sarnaqiri, janirakiw aka qullqi apthapir jaqjamäktsa.

Juan 15:19

Jumanakatix akapachankirïpxasmaxa, akapachankir jaqinakax jupankirinakarjamaw munasipxiristam. Ukampis nayaw jumanakar akapach taypit ajllisipxsma, ukat akapachankirinakax uñisipxtam, jumanakan jan akapachankirïpxatam layku.

Juan 17:6

“Nayar arkirinak churkista ukanakarux khitïktatix jumax uk yatiyta. Jupanakax jumankirïnwa, jumarakiw nayar churista, juman arunakamsti phuqhapxarakiwa.

Juan 17:9

“Nayax jupanakatakiw maysma, janiw akapachankirinakatak mayksmati, jan ukasti, churkista ukanakatakiw maysma, jumankirinakätap layku.

Juan 8:23

Jesusax jupanakarux sarakïnwa: —Jumanakax akapachankirïpxtawa, nayasti alaxpachankirïtwa, jumanakax aka uraqinkirïpxtawa, nayasti janiw aka uraqinkirïkti.

1 Corintios 1:20

¿Kawkinkarak yatiñani, yatichiri, akapach yänakat ch'axwir jaqisti? ¡Diosasti akapach yatiñ kankañ luqhi kankañaruw tukuyi!

1 Corintios 10:27

Cristor jan iyawsir jaqitix manq'asir jawsayapxätam, ukat jumanakax sarañ munapxarakït ukaxa, kunanaktix churapkätam uk manq'asipkakim, chuymaman jan mayjt'asiskañapatakisti jan kunsa jiskt'apxamti.

1 Corintios 5:11

Jan ukasti, sapxäyäsmawa: Cristor iyawsirïkasin wachuq juchan sarnaqaski, mich'asiski, yaqha diosar yupaychaski, ñanqhachaski, machaski, lunthatasiski ukanakampix jan chikachasipxamti, sasa. Ukham jaqinakampix janipun manq'apxamsa.

1 Corintios 5:9

Apayanipksma uka maynïr qillqataxan sapxsmawa: “Wachuq jucha luririnakampix jan chikachasipxamti” sasa.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

Efesios 2:2

jiwatäsipkäyätawa, akapach amtäwinakaparjamaw arkasipkäyätaxa, kawkïr ajayutix alaxan apnaqki, Diosar jan jaysirinakar ch'amañchki ukan munañap lurasipkäyätaxa.

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,

1 Juan 4:5

Jupanakax akapachankirïpxiwa; ukat jupanakax akapach yänakat parlapxi, akapachankir jaqinakasti jupanakarux ist'apxiwa.

1 Juan 4:7

Munat jilatanaka, maynit maynikam munasiñasawa, munasiñax Diosat juti. Taqi khititix munaski ukax Diosan wawapawa, Diosarusti uñt'arakiwa.

1 Juan 5:19

Jiwasax Diosankatas yattan, taqi akapachankirix supayan apnaqatawa.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.