1 Corintios 4:5 - Qullan Arunaka DC

⁵ Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Aymar Bibliia 1986

⁵ Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

Qullan Arunaca

⁵ Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

1 Corintios 4:5 Jak'a apnaqawi uñst'ayäwi

Job 12:22

Kunanakatix jan yatitäkän ukanak qhanar apsu, kunanakatix jamasan luratäkän ukanaksa qhanaruw apsuraki.

Proverbios 12:8

Yatiñan jaqix, yatiñ kankañapatjam jach'ar aptatäni, jan amuyt'an jaqisti, jan amuyt'asirïtapat jisk'achatäni.

Eclesiastés 11:9

Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.

Eclesiastés 12:14

Diosax taqi luratanakasat wayt'istani, walitsa, jan walitsa, jamas chiqan luratanakasatsa.

Jeremías 16:17

Nayasti taqi jupanakan luratanakap uñjtwa; janiw kuna luratanakapas nayat imt'askiti, juchanakapas janirakiw nayan nayraqataxat imt'askaspati.

Jeremías 23:25

“Uka k'ari profetanakan parlatanakap nayax ist'twa, jupanakax nayan sutixaruw parlañ munapxi, samkanak tuqsa nayampis parlapkaspa ukham parlapxi.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Malaquías 3:18

Ukapachaw jumanakax amuyasipxäta kunatix askïki, kunatix jan askïki uka, ukhamaraki, khititix Diosar yupaychki, khititix jan yupaychki ukanaka” sasa.

Mateo 10:26

“Jupanakarux jan axsarapxamti. Janiw kuna imantatas jan uñjatäkaniti, janirakiw kuna jamasankiris jan yatitäkaniti.

Mateo 24:30

Ukapachaw Jaqin Yuqapat alaxpachan mä unañchäwix uñstani, taqi markan jakir jaqinakasti ukapachaw jachapxani, Jaqin Yuqaparusti, jach'a ch'amapampi, k'ajkir kankañapampi qinay patan jutaskir uñjapxani.

Mateo 24:46

Uywiripampi sum phuqkir jikxatayaski uka uywatax, kusisiñaniwa.

Mateo 25:21

Uka jilïristi juparux sänwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Mateo 25:23

Uywiripasti uk ist'asin sarakïnwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Lucas 6:37

“Jan yaqhanakarux juchañchapxamti, Diosasti janirakiw jumanakarux juchañchapkätamti. Pampachapxam, Diosasti pampachapxarakïtamwa.

Juan 21:22

Jesusasti juparux sänwa: —Nayatix kutiniñaxkam jupan jakañap munirista ukasti, ¿kuna lurañamas juman utji? Jumax nayar arkita —sasa.

Juan 21:23

Jupanak taypinsti, uka yatiqirix janis jiwkaspa ukhamaw yatisïna. Ukampis Jesusax janiw siskänti: “Janiw jiwkaniti” sasaxa, jan ukasti sänwa: “Nayatix kutiniñaxkam jupan jakañap munirista ukasti, ¿kuna lurañamas juman utji?” sasa.

Juan 5:44

¿Kamisarak jumanakasti maynit maynikam jach'añchasiñ katuqirïkasina, mä sapa Diosat jutir jach'añchäwi jan thaqhapktasti?

Romanos 14:4

¿Khitirakït jumasti maynin yanapiripar jisk'achañatakisti?, wal luratapasa, jan wal luratapas uywiripatjamawa. Yanapiripasti sumaw sayt'ani, ukampis walikiw uñstani, Tatitux ch'amaniwa jupar sum sayt'ayañataki.

Romanos 2:1

Jumasti mayninakar taripatam laykuxa, janiw jan juchanit uñt'atäkasmati, khitïskamsaya. Mayninakar taripasax jumapachaw juchañchjastaxa, jumax jupanakjamaw luraraktaxa.

Romanos 2:16

kunürutix Diosax taqinin jamasan luratanakap taripkan ukapacha, Cristo Jesús tuqi, nayax Diosan suma yatiyäwi arunakap yatiykta ukarjama.

Romanos 2:29

Jan ukasti chiqpach judío jaqïñax, taqi chuymampi iyawsañawa. Circuncisión katuqañasti chuymatäñapawa. Ukasti janiw kuna kamachitsa jutkiti, jan ukasti ajayutwa juti. Khititix ukhamäki ukax Diosampi katuqatawa, janiw jaqinakampiti.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

1 Corintios 1:7

Ukhamat Diosan luräwipax jan pist'apktamti, Jesucristo Tatitusax uñstankan uka uru suyäwimana.

1 Corintios 11:16

Ukampis maynitix aka tuqit ch'axwañ munchixa, yatiñapawa, janiw nanakasa, janirakiw Diosan iglesianakapas yaqha saräwi uñt'apkti.

1 Corintios 11:26

Ukhamasti, jumanakax sapa kuti aka t'ant'a manq'apkäta, aka qirut umapkät ukkhaxa, Tatitun jutañapkamax jiwatap qhanañchasipktaxa.

1 Corintios 15:23

Ukampis sapa maynitakiw wakisitarjam lurasini: Cristow nayraqat jakti, nayrïr achur uñtata, ukxarusti kunapachatix Cristox kuttankan ukkhaxa, jupar iyawsirinakaw jaktapxarakini.

1 Corintios 3:13

ukampis sapa maynin luräwipax taripañ urun qhanpach uñstani; uka urux ninampiw jutani, ukatsti ninax sapa maynin luratap yant'ani.

1 Corintios 3:14

Maynin luräwipatix suma luratächixa, payllap katuqani;

1 Corintios 3:8

Yapuchirinakasa, qarpirinakas kipkakïpxiwa, sapa maynirus Diosaw luräwipatjam churani.

2 Corintios 10:18

Khititix jupapachpat jach'achaski ukax, janiw aski jaqit uñt'atäkiti, jan ukasti khitirutix Tatitux jach'achki ukaw aski jaqit uñt'ataxa.

2 Corintios 10:9

Janirakiw jumanakar qillqatanakaxamp axsarayapkirisma ukham amuyapxañam munkti.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

2 Corintios 5:10

Taqiniw Criston taripäwip nayraqatar uñstañäni, sapaqat maynis luräwipatjam katuqañapataki, janchinkkasin walsa jan walsa lurataparjama.

1 Tesalonicenses 5:2

Jumanakax askiw yatipxtaxa, Tatitux kutinkan uka urux jan suyat urüniwa, kunjämatix mä lunthatax arum jutki ukhama.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

Santiago 4:11

Jilatanaka, jan jumanakax mayninakat jan wal parlapxamti. Khititix jilapat jan wal parlixa, jan ukax, jisk'achisa, ukampix Diosan kamachiparus jan wal parlasin jisk'achapkasma ukhamawa. Jumanakan luräwinakamax Diosan kamachipar phuqhañawa.

Santiago 5:7

Ukampis jilatanaka, jumanakax Tatitun jutañapkamax llamp'u chuymanïpxam. Yapuchir jaqix achunak apthapiñatakix llamp'u chuymampiw jallupachan qalltañap suyt'i.

Santiago 5:9

Jilatanaka, janirak jumanakkamax chaxwapkamti, ukhamat jan juchañchayasiskañataki; Taripiristi niyaw punkunkxi.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Pedro 5:4

Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.

2 Pedro 3:12

Tatitun jutañap urun jank'akïñap munas suyt'apxam. Uka urusti alaxpachanakax ninampi nakhantatäniwa, taqi kunas ninampi umatatayatarakïniwa;

2 Pedro 3:4

akham jiskt'apxarakïtam: “¿Kawkirak Criston ‘jutäwa’ satapasti? Awkinakasas jiwarawayxiwa, aka uraqix utjki ukkhatpach taqi kunas pachpakïskarakisä” sasa.

Judas 1:14

Adán qhipat utjir Henoc chachasti, Tatitun amuyt'ayataw uka jaqinakat akham säna: “Tatituruw jutaskir uñjta, waranqa waranqa angelanakamp chikt'ata

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.

Apocalipsis 20:12

Ukatsti taqpach jiwirinakaruw uñjta, jisk'arusa, jach'arusa qhapaq qunuñan nayraqatapan sayt'atäskiri. Ukatsti qillqatanakaw jist'arasïna, ukhamarak yaqha qillqatasa, uka qillqatasti wiñay jakañ qillqata, satawa. Jiwirinakasti qillqatanakan qillqatäki uka lurataparjam taripataw uñjasipxäna.