1 Corintios 3:12 - Qullan Arunaka DC

¹² Uta qalltatxarusti, maynix qurimpi, qullqimpi, suma qalanakampi, lawampi, jichhumpi, suqusampi, taqi ukanakampiw utachaspa;

Aymar Bibliia 1986

¹² Ucampis maynejj uca cimientjjarojja perka sarayaspawa: korimpi, kollkempi, suma kalanacampi, jan ucajj maderampisa, jichhumpisa, jan ucajj sokosampisa.

Qullan Arunaca

¹² Ucampis maynejj uca cimientjjarojja perka sarayaspawa: korimpi, kollkempi, suma kalanacampi, jan ucajj maderampisa, jichhumpisa, jan ucajj sokosampisa.

1 Corintios 3:12 Jak'a apnaqawi uñst'ayäwi

Salmos 119:72

Yatichäwinakamaw nayatakix taqi kunatsa askixa, waranq waranqa qurit sipansa, qullqit sipansa.

Salmos 19:10

10 (11) ¡suma qurit sipan juk'amp sumawa!, ¡chhuyu misk'it sipan juk'amp muxsawa!

Éxodo 5:12

Israelitanakasti Egipto uraqpachan taqi tuqiruw sarapxäna waña ch'allpha t'unanak thaqhiri, ukanak jichhu lanti uchañataki.

Proverbios 16:16

Qurit sipansa yatiñ kankañ jikxatañaw juk'amp askixa; qullqit sipansa amuyt'a kankañanïñaw askixa.

Proverbios 30:6

Jupan arunakapar jan kunsa yapxatamti, jan ukasti jumarux tuqiristamwa, k'arit uñt'ayarakiristam.

Proverbios 8:10

Qullqit sipana, suma qurit sipansa, yatichäwinakampi, yatiñ kankañamp jikxatapxam” sasa.

Isaías 60:17

“Bronce lantix quri churäma, hierro lantisti, qullqi churarakïma, lawa lantix, bronce churäma, qala lantisti, hierro churarakïma. Sumankañampiw apnaqayäma, kunatix chiqapäki ukaw irpätam.

Jeremías 23:28

¡Mä profetatix mä samka samkaschi ukaxa, qhanak sispan mä samkakïtapa, ukampis arunakaxtix katuqchi ukasti, kunjämtix katuqki ukhampach yatiypan! Trigo jipimpi trigo achumpix janiw mayakïkaspati. Arunakaxax ninjamawa, qarqanak jisk'a jisk'a tukjir martilljamawa. Naya, Tatituw uk arsta.

Hechos 20:30

Jumanak taypinpach yaqhipanakax sartani, k'arinak yatichasa, chiqäkaspas ukhama, iyawsirinakampi arkayasiñ munasa.

Romanos 16:17

Jilatanaka, khitinakatix iglesian jan wal lurapki ukanakat sum amuyasipxam, jupanakax jaljtañanakaru, jan walt'añanakaruw puriyapxiristam, taqi akanakasti kuntix jumanakax yatiqapktas ukanakar jan walt'ayañatakiwa. Jupanakat jithiqtapxam,

1 Corintios 3:11

janiw khitis uta qallta uchatarux yaqha qalltxa uchkaspati, nayrïr uta qallta uchatäki ukax Jesucristowa.

1 Corintios 3:13

ukampis sapa maynin luräwipax taripañ urun qhanpach uñstani; uka urux ninampiw jutani, ukatsti ninax sapa maynin luratap yant'ani.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

Colosenses 2:8

Wal amuyasipxam: jan khitis sallqa arunakampi, jaqin amuyuparjam k'ari amuyunakampi, jumanakar sallqantpati, jupanakasti janiw Tatitur jaysapkiti, jan ukasti jaqinakan sarnaqäwiparu, amtäwiparukiw jaysapxi.

1 Timoteo 6:3

Maynitix k'ari yatichäwinak yatichchixa, ukat janirak Tatit Jesucriston suma yatichäwinakaparusa, jiwasan ajay tuqi saräwisarus yäqkchixa,

2 Timoteo 2:20

Mä jach'a utanxa janiw qurit qullqit lurat yänakakit utjkixa, jan ukasti lawata, ñiq'it lurat yänakax utjarakiwa; mayanakax jach'a urunakan apnaqañatak uchatawa, mayanakasti inürunakan apnaqañatak uchatarakiwa.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

2 Timoteo 3:7

yatiqasipkiwa, ukampis janiw kunapachas chiqa arunak amuyt'añar puripkiti.

2 Timoteo 4:3

Jaqinakax, aski yatichäwir jan ist'añ munapkan uka urux purininiwa; jupanakax munañaparjamakiw kunayman yatichirinak thaqhasipxani; kunjämtix jupanakax yatichayasiñ munapkan uk ist'añatakiki.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

Apocalipsis 2:14

Ukampisa, jumatak arsuñaxaw utjitu: Balaam sat jaqin yatichäwinakap jan apanukuñ munirinakaw ukan utjaski, jumasti janiw kamsktasa. Uka Balaam jaqix Balac chacharuw amtayäna israelita jaqinakar juchar puriyañataki, idolonakar luqtatäkis ukanak manq'ayasa, uka idolonak nayraqatan wachuqa jucha lurayasa.

Apocalipsis 21:18

Markan pirqapasti diamante qalat luratänwa, markax quritkamakïnwa, llijsuyat qhispir uñtata.

Apocalipsis 3:18

Ukatpï nayax amuyt'aysmaxa: ninar naksuyat suma quri nayat alasita, ukampi qamiriptañamataki, isthapisiñamatakisti, janq'u isinak nayat alasita, uka p'inqa q'alal janchim imxatañataki, ukatsti nayramatak qulla nayat alasita, nayramar ch'aqt'ayasisin uñjañamataki.