1 Corintios 3:13 - Qullan Arunaka DC

¹³ ukampis sapa maynin luräwipax taripañ urun qhanpach uñstani; uka urux ninampiw jutani, ukatsti ninax sapa maynin luratap yant'ani.

Aymar Bibliia 1986

¹³ Sapa maynin luräwipasti taripañ urunwa sum uñstjjani. Uca urojj ninampiwa sapa maynin luräwipajj yant'atäni, uca ninaraquiwa khanstayani cunjämas sapa maynin luräwipajj ucjja.

Qullan Arunaca

¹³ Sapa maynin luräwipasti taripañ urunwa sum uñstjjani. Uca urojj ninampiwa sapa maynin luräwipajj yant'atäni, uca ninaraquiwa khanstayani cunjämas sapa maynin luräwipajj ucjja.

1 Corintios 3:13 Jak'a apnaqawi uñst'ayäwi

Isaías 28:17

Uka utachäwinsti plomada lantix chiqapar uñjañäniwa, nivel lantisti kunatix chiqapäki ukarakïniwa” sasa. Jumanakax Egipto markaruw arxatayasiñatak katuyasipxtaxa, ukampis wali ch'aman Asiria ejercitow uka arxatirirux q'al tukjawayani.

Isaías 8:20

ukhamat mä kuna yatiyäwsa katuqañatakisti?” sasa. Ukhampun arsupxanixa, uka arsutanakapax mä luqhi jaqin arsutanakapjamawa.

Jeremías 23:28

¡Mä profetatix mä samka samkaschi ukaxa, qhanak sispan mä samkakïtapa, ukampis arunakaxtix katuqchi ukasti, kunjämtix katuqki ukhampach yatiypan! Trigo jipimpi trigo achumpix janiw mayakïkaspati. Arunakaxax ninjamawa, qarqanak jisk'a jisk'a tukjir martilljamawa. Naya, Tatituw uk arsta.

Malaquías 3:17

Taqi ch'aman Tatitux siwa: “Niyaw urux purisinki, jupanakax wasitat nayankxani uka uruxa. Jupanakax nayatakix mä suma imat qurïkaspas ukhamäniwa, janiw kunampis jupanakar ñanqhachkäti; kunjämtix mä awkix wawapat khuyapayaski ukhamaw jupanakat khuyapayasirakï.

Malaquías 3:2

Ukampis, ¿khitirak jutañap urumpi q'iwtasispasti? ¿Khitirak jupa nayraqatan sayt'asispasti? Ninar uñtataw jupax purinini, jiwasar q'umachañataki, jabonar uñtataw q'añunak jiwasan chuymasat apaqani.

Mateo 10:15

Qhanak sapxsma, taripäwi urunxa, uka markanakan mutuñapax Sodoma, Gomorra uka markanakat sipan juk'ampïniwa.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Lucas 2:35

ukhamat kuntix sapaqat maynix chuymapan lup'ki ukax yatisini. Jumatakisti taqi akanakax wali llakisiñäniwa.

Romanos 2:16

kunürutix Diosax taqinin jamasan luratanakap taripkan ukapacha, Cristo Jesús tuqi, nayax Diosan suma yatiyäwi arunakap yatiykta ukarjama.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

1 Corintios 1:8

Diosax jumanakarux tukuykamaw ch'amañchapxätam, ukhamat jan khitis jumanakar juchañchaskañapataki, Jesucristo Tatitusan kutiniñapkama.

1 Corintios 3:12

Uta qalltatxarusti, maynix qurimpi, qullqimpi, suma qalanakampi, lawampi, jichhumpi, suqusampi, taqi ukanakampiw utachaspa;

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

2 Timoteo 1:18

Taripäwi urunxa Tatitux jupat khuyapt'ayaspan. Jumax askiw yattaxa, Éfeso markan yanapkistän ukanakxa.

2 Timoteo 3:9

Ukampis janiw nayrar juk'amp sarantapkaniti, taqi jaqiw jupanakan pisi amuyun jaqinakätap amuyapxani, kamisatix Moisesar saykatapkän uka jaqinakan pisi amuyupax qhanstkän ukhama.

2 Timoteo 4:8

Jichhax mä suma pilluw suyt'askitu, chiqapar taripir Tatituw khä urun churitani. Janiw naya saparukit churkitani, jan ukasti, taqi khitinakatix munasiñampi Tatitun jutañap suyt'asipki ukanakarux churarakiniwa.

Hebreos 10:25

Janipun tantachasïwinakasar sarañ armasiñäniti, kunjämtix yaqhipanakax armasipki ukhama, jan ukasti, maynit maynikam ch'amañchasipxañäni; Tatitun urup jak'ankatap yatisina.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Pedro 4:12

Munat jilatanaka, uka jach'a yant'anak jumanakxar jutatapatxa, jan mayjt'asipxamti, mä kuna jan walis jutkaspa ukhama.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

2 Pedro 3:7

Ukampisa, Tatitun arunakaparjamax aka uraqimpi alaxpachampix, ninampi t'unjatäñatak imatäskiwa. Uka ninaw taripäwi urun q'al nakhantani, jan walinak lurir jaqinakarus tukjarakini.

Apocalipsis 20:12

Ukatsti taqpach jiwirinakaruw uñjta, jisk'arusa, jach'arusa qhapaq qunuñan nayraqatapan sayt'atäskiri. Ukatsti qillqatanakaw jist'arasïna, ukhamarak yaqha qillqatasa, uka qillqatasti wiñay jakañ qillqata, satawa. Jiwirinakasti qillqatanakan qillqatäki uka lurataparjam taripataw uñjasipxäna.