1 Corintios 3:10 - Qullan Arunaka DC

¹⁰ Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,

Aymar Bibliia 1986

¹⁰ Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

Qullan Arunaca

¹⁰ Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

1 Corintios 3:10 Jak'a apnaqawi uñst'ayäwi

2 Crónicas 2:12

12 (11) Ukxarusti saskakïnwa: “¡Israelan Tatit Diosapax qullanäpan, jupaw alaxpachsa akapachsa luri, juparakiw David reyirux wali yatiñani, ch'ikhi kankañan wawa apayi, Tatitutakisti mä uta lurayani, jupatakisti uta lurayasirakini!

Éxodo 36:4

Ukat khitinakatix qullan chiqawjatak wakiski ukanak lurasipkän ukanakasti, lurañanakap apanukusaw Moisesan ukar sarapxäna,

Proverbios 12:8

Yatiñan jaqix, yatiñ kankañapatjam jach'ar aptatäni, jan amuyt'an jaqisti, jan amuyt'asirïtapat jisk'achatäni.

Proverbios 9:1

Yatiñ kankañax utap utachasi, ukarusti paqallqu sayirinakampiw k'achacht'i;

Eclesiastés 12:9

Arunak Yatiyirix juk'amp yatiñanïsax juk'amp yatiñanakxat jaqinakar yatichäna. Ukhamarak walja säwi arunak yatiqañaruw uchasïna, ukat sapa maya chiqaparuw uskurakïna.

Daniel (hebreo) 12:3

Yatiñani jaqinakasti, waljaniru chiqa thakhinjam irpirinakasti, alaxpach qhanjamaw k'ajapxani; ¡warawaranakjamaw wiñayatak k'ajapxarakini!

Zacarías 4:9

“Zorobabel chachaw Tatitun utapan qallta qalap uchantawayi, jupa kipkarakiw tukuyani” sasa. Ukat jumanakax uñt'apxäta, taqi ch'amani Tatitun nayar khithanitapa.

Mateo 24:45

“¿Khitirak aski amuyt'an suma uywatasti? Juparuw uywiripax utapankirinakar wakisitaparjam manq'a churañapatak jayti.

Mateo 7:24

“Khititix ist'kitu ukat kuntix siskta uk lurki ukax, qarqa patar utachasir amuyt'an jaqir uñtatawa.

Lucas 11:35

Amuyasim, janchiman utjki uka qhanarak ch'amakar tukuskaspa.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Hechos 18:27

Ukatsti Apolox Acaya tuqinakaruw sarañ munäna, ukat iglesiankir jilatanakax sarañapatak ch'amacht'apxi. Khurinkir iyawsirinakatakisti mä qillqat apayapxi, jupar sum katuqapxañapataki. Acaya markar purisinsti, Apolox wal yanapt'äna, Diosan munasiñap layku iyawsapkatayna uka jilatanakaru.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

Romanos 15:15

ukampis aka qillqat tuqix qhanak qillqanipxsma, jumanakan ukanak jan armasipxañamataki. Uksti kamisatix Diosax munasiñapan churkitu ukarjamaw lurta,

Romanos 15:20

Ukampis Criston suma yatiyäwi arup yatiyañatakiw ch'amachasiyäta, kawkhantix nayrax Cristot jan ist'apkatayna ukawjanakana, ukhamat yaqhan qalltatapxar jan utt'ayaskañataki,

1 Corintios 3:11

janiw khitis uta qallta uchatarux yaqha qalltxa uchkaspati, nayrïr uta qallta uchatäki ukax Jesucristowa.

1 Corintios 9:2

Mayninakatakix inas nayax jan apostolüksti; ukampis jumanakatakix apostolütwa, jumanakan Tatitunkapxatamaw nayan apóstol kankañax uñachayi.

2 Corintios 10:15

Janirakiw yaqhanakan luratanakapat jach'achasipkti nanakan luratanakaxäkaspas ukhama. Jan ukasti, nanakax jumanak taypin juk'ampi irnaqañ munapxta, iyawsañanakaman jiltañapkama, kawkhakamatix wakiski ukkhakama.

Efesios 2:20

Jumanakax mä jach'a utar uñtatäpxtawa, uka utasti apostolunakana, profetanakan yatichäwipxar utachatawa, pachpa Jesucristorakiw utar thurxäsir jach'a qalaxa.

Colosenses 1:29

Ukatakiw nayax ch'am tukus irnaqta, kuna ch'amtix Tatitux churkitu uka ch'amampi.

Colosenses 4:17

Arquipo jilatarusti akham sapxam: “Kuna lurañtix Tatitux churktam uk sumpun phuqham” sasa.

1 Tesalonicenses 3:2

ukat Timoteo jilatar khithaniñataki, jupasti Criston suma yatiyäwi arunakap parlañan Diosan yanapiripawa. Juparusti jumanakan iyawsäwim thurt'ayañataki, ch'amañchañatakiw khithanipxta,

1 Timoteo 4:16

Juma pachpay uñjasim, mayninakar yatichatam amuyasim, ukarjam sarnaqarakim. Ukhamtix lurätaxa, qhispiyasïtawa, jumar ist'irinakas qhispiyasirakiniwa.

2 Timoteo 2:15

Kunäkipansa, Diosan nayraqatapan suma irnaqirjam uñstañatak ch'amachasim, jan kunat p'inqa tukur irnaqir jaqjama, Tatitun chiqa arunakap yatichirjama.

Santiago 3:1

Munat jilatanakaxa, jumanak taypin yatichirinakax jan waljan utjpanti, niy yatipxtawa, khitinakatix yatichirïpktan ukanakax jan khuyapt'ayasiñampi taripatäñäniwa.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

2 Pedro 3:15

Amuyasipxam, Jesucristo Tatitusax suma chuymapampiw uñjaskistu, ukax jiwasan qhispiyasiñasatakiwa. Ukhamarak Pablo jilatasas Tatitun amuyt'ayataparjamaw jumanakar ukxat qillqt'anipxtam.

Apocalipsis 21:14

Markar muyuntir pirqapasti tunka payan jach'a qalanakxar utt'atänwa, uka qalanakasti Corderon tunka payan apostolunakapan sutinakapampi qillqantatänwa.

Apocalipsis 21:19

Pirqan utt'at jach'a qalanakasti kunayman k'ajkir qalanakampi k'achachatänwa: Nayrïrix, diamante qalampi; payïristi, zafiro qalampi; kimsïristi, ágata qalampi; pusïristi, esmeralda qalampi;