1 Corintios 15:2 - Qullan Arunaka DC

² Aka suma yatiyäwi arunak tuqirakiw qhispitäpxäta, uka arunakarjam sayt'apkäta ukapacha, kunjämtix nayax jumanakar yatiyapksma ukarjama; jan ukhamäkani ukasti, iyawsatamax inamayakïniwa.

Aymar Bibliia 1986

² Uca arunacaraquiw jumanacarojj khespiyapjjtam, parlapcsma uca arunactejj sum catjjäsipcäta ucapacha; jan uqhamäcchi ucasti, iyawsäwisajj inamayataquïspawa.

Qullan Arunaca

² Uca arunacaraquiw jumanacarojj khespiyapjjtam, parlapcsma uca arunactejj sum catjjäsipcäta ucapacha; jan uqhamäcchi ucasti, iyawsäwisajj inamayataquïspawa.

1 Corintios 15:2 Jak'a apnaqawi uñst'ayäwi

Proverbios 23:23

Chiqa kankañampi, yatiñ kankañamp jikxatam, yatichäwimpi, amuyt'a kankañampi, ¡ukanaksti jan chhaqhayasimti!

Proverbios 3:1

Munat wawaxay, janiy yatichäwinakaxat armasimti; kamachi arsutanakax chuymamarupun imam,

Proverbios 4:13

Yatichäwinak sum katxarusim, jan apanukumti; uka yatichäwirjam sarnaqam, ukaw jakañamaxa.

Lucas 8:13

Qala taypir purir jathasti, khitinakatix Diosan arup ist'apki, kusisiñamp katuqapki jupanakawa, ukampis janiw wali saphintatäpkiti, mä qawqha urunakatakikiw iyawsapxi, yant'anak sartipansti qhiparuw kutt'awayxapxi.

Hechos 2:47

Diosar yupaychasa, taqi jaqinakamp munayasisa; Tatitusti sapüruw qhispiyasirinakamp iglesiar yapxattayäna.

Hechos 8:13

Uka Simón chachas iyawsasin bautismo katuqarakïnwa, ukatsti Felipempi chikaw jupax sarnaqxäna, muspharkañ luräwinakampi, unañchäwinakamp uñjatap layku.

Romanos 1:16

Janiw nayax Diosan suma yatiyäwi arunakapat p'inqaskti, ukasti Diosan ch'amapawa, taqi khitinakatix iyawsapki jupanakan qhispiyasiñ jikxatañapataki, nayraqatax judionakaru, ukhamarak jan judiöpki jupanakarusa.

Romanos 11:22

Uñtam, Diosax kunja munasirisa, ukhamarus qhuru kankañampi uñjirirakiwa. Pantjasirinakatakix qhurünwa, jumatsti khuyapt'ayastamwa. Ukampis jumax munasiñaparjamaw jakañama; jan ukasti khuchhuqataw uñjasirakïta.

1 Corintios 1:18

Criston cruzan jiwatapat yatiyäwixa, chhaqhañar sarir jaqinakatakix luqhi kankañäkaspas ukhamawa; ukampis jiwas qhispiyat jaqinakatakix aka yatiyäwix Diosan ch'amapawa.

1 Corintios 1:21

Diosax yatiñ kankañap uñachaykäna ukapachaxa, janiw akapachankirinakax jaqin yatiñ kankañap tuqi Diosar uñt'apkänti, ukat Diosax munasiñapan jupar iyawsirinakarux yatiyäwip tuqi qhispiyañ amtäna, uka yatiyäwix luqhi kankañar uñtatäpasaya.

1 Corintios 11:2

Jilatanaka, nayat amtasipxatamata, yatichäwinakaxar ist'apxatamat walikiw sapxsmawa.

1 Corintios 15:14

Cristotix jan jaktkchixa, yatiyktan uka arunakax janiw kunatakis askïkiti, jumanakan iyawsäwimas inamayakirakiwa.

2 Corintios 2:15

Jiwasax Cristox Diosar luqtki uka suma incienson q'aphipjamätanwa. Ukasti qhispiyatanak taypiru, jan qhispiyatanak taypiruw puri.

2 Corintios 6:1

Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

Gálatas 3:4

¿Ukataq t'aqhisitanakamax inamayakïxiti? ¡Janiw ukax inamayatakïkaspati!

Efesios 2:8

Diosan munasiñapat jumanakax, iyawsañ tuqi qhispiyasiñ katuqapxtaxa. Aksti janiw jumanak pachpat jikxatapktati, jan ukasti Diosan churäwipawa.

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.

2 Tesalonicenses 2:15

Ukhamasti jilatanaka, ch'aman sarantasipkakim, kuna yatichäwinaktix naya kipka yatichapksma, qillqat tuqis yatichapksma, ukanak jan armasipxamti.

2 Timoteo 1:9

Diosaw qhispiyistu, ukatsti qullan markap sayt'ayañatakiw jawsistu, ukasti janiw jiwasan kuna aski luratas laykükiti, jan ukasti jupan amtäwip laykuwa, Diosasti aka uraqix janïra utjkän ukkhatpach munasistäna, ukkhatpacharak Jesucristompix mayachatäxtan.

Hebreos 10:23

Ch'aman sayt'asipxañäni, jan pächasisa, kuntix suyktan uk iyawsasina, Diosasti kuntix arsuwaykistu uk phuqhaniwa.

Hebreos 2:1

Jiwasanakax uka yatiyäwi ist'asax wali amuyumpi jaysañasaw wakisi, ukhamat thakhit jan maysar saranukuñasataki.

Hebreos 3:14

Jiwasanakax Cristompi chika katuqirïpxtanwa, jiwasatix tukuykam arkañän ukapacha, kunjämatix qalltatpach iyawsktan ukarjama.

Hebreos 3:6

Ukampis Cristox Yuqjamax Diosan utapan phuqhäna, uka utasti jiwasanakätanwa, tukuykamatix jupar iyawsañäni, kusisiñampi katuqañatak suyt'añän ukapacha.

Hebreos 4:14

Diosan Jesús Yuqapaw jiwasan jach'a Jilïr sacerdotesaxa, jupax alaxpachkamaw puri. Ukat juparux taqi iyawsañampi arkañasa.

Santiago 2:14

Munat jilatanakaxa, ¿kuna askirakïspa maynitix saspa: “Nayax iyawsañanïtwa” sasa, ukat janirak lurañamp phuqkaspa ukasti? ¿Uka iyawsañapasti qhispiyaspati?

Santiago 2:17

Iyawsañampix ukhamaw lurasi: janitix iyawsäwix luräwinïkaspa ukaxa, uka iyawsañ sapakix jiwatawa.

Santiago 2:26

Kamisatix jan ajayun janchix jiwataxa, ukhamarakiw jan luräwini iyawsäwix jiwata.