1 Corintios 15:3 - Qullan Arunaka DC

³ Nayraqatasti, kuna yatichäwinaktix nayax yatiqkta ukarak jumanakarux yatichapxsma, ukasti akhamawa: Qillqatanakarjamax Cristox juchanakas laykuw jiwawayi;

Aymar Bibliia 1986

³ Nayrakatajja cuna yatichäwinactï nayajj yatekctjja ucaracwa jumanacarojj yatichapjjsma; ucasti aqhamawa: Cristow Kellkatanacarjamajj crusan jiwawayi juchanacas laycu.

Qullan Arunaca

³ Nayrakatajja cuna yatichäwinactï nayajj yatekctjja ucaracwa jumanacarojj yatichapjjsma; ucasti aqhamawa: Cristow Kellkatanacarjamajj crusan jiwawayi juchanacas laycu.

1 Corintios 15:3 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Ezequiel 3:17

“Jaqin yuqapa, nayax Israel markan uñjiripat usksma. Nayax kunsa jumar yatiykäma ukkhasti, jank'akiw Israel markarux yatiyañama, ukhamat jupanakan taqi kunsa suma yatipxañapataki.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Mateo 26:24

Jaqin Yuqapax Qillqatarjamaw phuqhaski, ukampis ¡kunakïkan Jaqin Yuqapar katuntayir jaqitakixa! Jupan jan yuriñapax walïsapänwa —sasa.

Mateo 26:28

akax machaq arust'äwi wilaxawa, ukasti walja jaqinakan juchanakap qhispiyañatak wartatäniwa.

Lucas 24:25

Ukapachaw Jesusax jupanakar sarakïna: —¡Pisi amuyt'an jaqinaka, taqi kuntix profetanakax yatiyapkän uk iyawsañatak jan amuyt'an jaqinaka!

Juan 1:29

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Hechos 17:2

Pablosti saraparjamaw sinagogar saräna. Ukansti kimsa sábado urunakaw ukankir judionakar parläna, Qillqatanakarjam jupanakar yatiyasa.

Hechos 3:18

Ukampis Diosax ukhamat phuqhawayi kuntix profetanakap tuqi arskatayna, Criston t'aqhisiñap wakisitapa.

Hechos 8:32

Qillqatan ullarkän ukasti akänwa: “Jiwayañatak apat ovejar uñtatänwa; t'awra yawirinakan nayraqatapan jan wararir ovejar uñtataw jan kuns arskänti, janirakiw jupax lakapsa jist'arkänti.

Romanos 3:25

Diosasti Criston wila wartatap tuqiw juchat pampachasiñ utjayi. Juchat pampachatäñsti iyawsäwi tuqikiw jikxatsna. Diosax ukham tuqiw aski jaqïtas uñacht'ayañ munäna: nayra pachan juchanak lurkäyätan uk pampachasa,

Romanos 4:25

jupax juchanakas laykuw jiwar katuyat uñjasïna, ukatsti aski jaqinakat katuqatäñasatakiw jaktayat uñjasirakïna.

1 Corintios 11:2

Jilatanaka, nayat amtasipxatamata, yatichäwinakaxar ist'apxatamat walikiw sapxsmawa.

1 Corintios 11:23

Nayax yatichapksma ukxa, Tatitut katuqta. Tatit Jesusax aljantatäñapäkän uka arumaw t'ant'a irtäna,

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Gálatas 1:12

Janiw nayax khiti jaqitsa katuqkti, janirakiw khitis yatichkituti, jan ukasti, pachpa Jesucristow nayar yatichitu.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Hebreos 5:1

Taqi Jilïr sacerdotew jaqinak taypit ajllita, Diosan nayraqatapan jaqinak lanti arsuñapataki, taqi juchanakat waxt'äwinaka, wilañchanak luqtañapataki.

Hebreos 5:3

uka t'ukhasiñap laykuw juchanakapat wilañchanak luqtañapax wakisi, kamisatix jaqinakan juchanakapat luqtki ukhama.

1 Pedro 1:11

Jesucriston Ajayuparakiw profetanakarux nayratpach Criston t'aqhisiñapxata, kuna jach'a kankañatix uka qhipatsa jutañapäkän ukanakat yatiyäna. Uka profetanakasti, Mesiasax khitïnisa, jutäwipax kunapachänisa taqi ukanak yatxatañ munapxarakïna.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Juan 2:2

Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,