1 Corintios 10:4 - Qullan Arunaka DC

⁴ pachpa ajay uma umapxarakïna. Jupanakax ajay qarqat umapxäna, uka qarqaw jupanakamp chik saräna. Uka qarqasti Cristo Tatitünwa.

Aymar Bibliia 1986

⁴ takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

Qullan Arunaca

⁴ takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

1 Corintios 10:4 Jak'a apnaqawi uñst'ayäwi

Génesis 40:12

Ukxaruw Joseax säna: —Juman samkamax akham sañ muni: Uka kimsa layminakax kimsa uruwa.

Génesis 41:26

Uka paqallqu suma vacanakampi, uka paqallqu suma trigo puyanakampix, paqallqu marawa, mä pachpa samkakiwa.

Salmos 105:41

Qarqaruw jist'jäna, umasti qarqat jalsunïna, wasaran jawir umanakax jaltäna.

Salmos 78:15

Wasaran payaruw qarqa jaljtayäna, jupanakarusti jilarkir uma umapxañapatak churäna.

Salmos 78:20

Chiqansa jupax qarqaruw sak'antäna, umasti waljapuniw uka qarqat jalsüna, ukampis, ¿t'ant'a churarakistaspati?, ¿markapatak aycha utjayarakispati?” sasa.

Éxodo 17:6

Nayasti khaya Horeb sat qullun mä qarqa patan suyäma. Uka qarqar jach'a thujrumamp jisktkät ukkhasti, umaw ukat mistunini, jaqinakan umt'apxañapataki —sasa. Moisesasti Israelan jilïrinakap nayraqatan ukham luräna.

Isaías 43:20

Qamaqinakasa, suri jamach'inakasa, montenkir taqi animalanakasa, wasaran uma jalsuyataxat jach'añchapxitani, jan achuri uraqinakan jawiranak jist'arataxat jach'añchapxitani, ajllit markaxar uma churañataki,

Isaías 48:21

Tatitux jumanakarux wasara chiqanjam irpanipxtam, ukampis janiw umat pharjayasipktati; jupax mä jach'a qarqa jaljasaw jumanakatakix walja uma jalsuyi.

Daniel (hebreo) 2:38

kawkha chiqanakantix jaqinakasa, animalanakasa, jamach'inakasa jakapki uka chiqanak amparamaruw katuytam; jupaw ukanak apnaqañamatak taqpach katuytam.

Daniel (hebreo) 7:17

“Uka pusi jach'a axsarkañ jach'a laq'unakax, aka uraqpach apnaqapkani uka pusi jach'a reyinakawa.

Números 20:11

Uka arunak arsusasti, Moisesax amparap aytäna, ukatsti pä kutiw qarqar thujrump jisktäna, ukatsti walja umaw jalsüna. Ukat jaqinakampi, uywanakampix umarapxäna.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 7:37

Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

Gálatas 4:25

Agar warmix Arabia uraqinkir Sinaí qullumpi sasiwa, ukax jichhürun Jerusalén markawa, wawanakapamp chika kamachin t'aqhisiyat jakapxatap layku.

Deuteronomio 9:21

Ukatsti lurasipkatäta, jucha lurañar puriyapktam uka vaca qallu katusinxa, ninaruw jaquntäyäta, ukatsti ñut'u laq'ar tukuyasin qullut saraqanki uka jisk'a jawir umaruw warantäyäta.

Colosenses 2:17

Taqi akanakasti mä ch'iwjam jutañapäki ukhamakiwa, ukampis Cristow chiqpachaxa.

Hebreos 10:1

Moisesan kamachipax jutañapäkän uka askinakat mä unañchäwikïnwa, janiw chiqpachäki ukäkänti. Ukat uka kamachix jan q'umachkaspati, khitinakatix sapa mara Diosar jak'achasis uka pachpa wilañchanak luqtapki ukanakaruxa.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.