1 Corintios 10:3 - Qullan Arunaka DC

³ Uka kipkarakiw jupanakax pachpa ajay t'ant'a manq'apxäna,

Aymar Bibliia 1986

³ Takeniw pachpa ajay mank'a mank'apjjänjja,

Qullan Arunaca

³ Takeniw pachpa ajay mank'a mank'apjjänjja,

1 Corintios 10:3 Jak'a apnaqawi uñst'ayäwi

Nehemías 9:15

Manq'at awtjatäpkäna ukkhasti sist'asipxañapatakix alaxpachat t'ant'a churantaxa, umat pharjatäpkäna ukkhasti umt'apxañapatakix qarqat uma jalsuyaraktaxa. Ukatsti jupanakar churañatak arsut uraqiruw mantayaraktaxa.

Nehemías 9:20

Ukhamarus jumax suma chuymanïtam jupanakar uñacht'aytaxa, khuyapayasir ajayumampisti jakañ yaticharaktaxa; janipuniw alaxpach t'ant'a manq'añapataki pist'ayktati, umat pharjatäpkäna ukkhas uma churaraktaxa.

Salmos 105:40

Manq'añ mayitaxa, khullunak apayanïna, alaxpach t'ant'ampiw sisarayäna.

Éxodo 16:15

Israelitanakasti janiw kunätapsa yatipkänti, ukat uk uñjasax maynit maynikam jiskt'asipxäna “¿Kunarak akasti?” sasa, Moisesasti jupanakar sänwa: —Akax t'ant'awa, Tatituw manq'añatak uk churapxtam.

Éxodo 16:35

Israelitanakax pusi tunka maraw maná t'ant'a manq'apxäna, jaqinakan utjantat uraqir puriñkama, Canaán uraqin qurpanakapar puriñkama.

Éxodo 16:4

Ukat Tatitux Moisesar säna: —Nayax alaxpachat t'ant'a jalluyanï, jaqinakax sapüruw apthapisipxani, qawqhatix uka urutak wakiski ukhamarjama. Ukhamat nayax uñjä arunakaxar jaysirïpxatapsa, jan jaysirïpxatapsa.

Deuteronomio 8:3

Diosax t'aqhisiyapkchïyätam, manq'atsa awtjayapkchïyätam ukasa, jupax maná sat manq'añ manq'ayapxtam, uka manq'añsti janiw jumanakasa, nayra awkinakamas uñt'apkataynati, ukhamat jumanakan yatipxañamataki: jaqix janiw t'ant'a sapampiki jakkiti, jan ukasti Tatitun lakapat mistki uka arunakampiw jakaraki.