Tito 2:11 - Qullan Arunaca

¹¹ Diosasti uñachayistuwa qhuyapayasiñapjja khespiyasiñap apanisa take jaketaqui.

Aymar Bibliia 1986

¹¹ Diosasti uñachayistuwa qhuyapayasiñapjja khespiyasiñap apanisa take jaketaqui.

Qullan Arunaka DC

¹¹ Tatitusti khuyapayasiñapxa, taqi jaqitak qhispiyasiñap apanisaw uñacht'ayistu.

Tito 2:11 Jak'a apnaqawi uñst'ayäwi

Salmos 67:2

orakenquirinacajj thaquim uñt'apjjpan, take marcanacasti munañamampi, khespiyäwimamp uñt'apjjaracpan.

Salmos 84:11

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Salmos 96:10

Marcanacarojj sapjjam: “Tatituw reyejja” sasa. Jupaw acapacharojj jan onjjtañapatac utt'ayi; jupaw marcanacarojj chekapar uñjas apnake.

Isaías 45:22

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Isaías 49:6

“Janiw Jacobon marcanacap sayt'ayañataquic sirvirejjäctati. Ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 52:10

Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Zacarías 4:7

¿Qhitïtas jumajj jach'a kollu? ¡Pamparu tucutaw uñjasïtajja Zorobabelan nayrakatapanjja! Jupaw jilïri kaljja apsuni, jakenacan arnakasiñapcama: ¡Cunj sumas acajja! ¡Cunj sumasa!’ ”

Mateo 28:19

Take acapachanquir jakenacar yatiyir sarapjjam, nayar arquir tucuyapjjam; bautisapjjam Dios Awquina, Dios Yokana, Dios Kollan Ajayun sutiparu.

Marcos 16:15

Ucjjarusti Jesusajj jupanacarojj saraquïnwa: —Take acapachar sarapjjam take jakenacar khespiyasiñ arunac yatiyiri.

Lucas 24:47

sutipanaracwa take marcanacarojj parlasini, Jerusalenat kalltasina, aqham sasa: ‘Jan wali jacäwinacamatjja arrepientisipjjam juchanacamajj perdonatäñapataqui’ sasa.

Lucas 3:6

Ucatsti take orakpacharaquiw Diosajj churqui uca khespiyasiñ uñjapjjani’ ” sasa.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 1:9

Take jakenacar khant'qui uca chekpach khanawa acapacharojj purisincäna.

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 13:43

Sinagoga tantachasïwi tucuyjjatatsti, judionacat waljaniw Pablompi Bernabeampirojj arcapjjäna. Judionacan sarnakäwinacaparjam suma judío tucurinacasa arcapjjaraquïnwa. Pablompi Bernabeampisti jupanacarojj ewjjt'apjjaraquïnwa Diosan munasiñapan ch'aman sayt'apjjañapataqui.

Hechos 13:47

Tatitusti aqham sasaw nanacarojj sapjjetu: ‘Marcanacan khanapataquiw jumarojj uchsma. Uqhamaraquiw juma toke take acapachanquir jakenacan khespiyasiñapataqui’ sasa.

Hechos 17:30

Diosajj nayra jaquir jakenacan pisi amuyump jacatanacapjja janis cunäcaspa uqhamwa imantäna. Jichhasti takeniruw take token yatiyi, uca jan wali sarnakäwinac apanucupjjañapataqui.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Romanos 10:18

Jisct'aractwa: “¿Janipunit uca Diosan suma arunacapjja ist'apcpacha?” sasa. ¡Ist'asipquiwa! Kellkatanjja saraquiwa: “Jupanacan parlatapajj take tokenwa ist'asi, arunacapasti take orakpachanracwa yatisi” sasa.

Romanos 5:15

Ucampis Adanan juchapjja janiw cuntejj Diosajj churquistu ucampejj mayachcsnati. Mä jaken juchar puritap laycojja walja jakenacaw jiwari. Ucampis Diosajj ina ch'usataqui khespiyasiña churquistu mä jake Jesucristo toke ucasti, chekpachansa juc'amp jach'awa, uqhamarac walja jakenacatac asquiraquiwa.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Gálatas 2:21

Janiw Diosan qhuyapayasiñapjja apanucuñ muncti. Maynitejj Diosampi catokatäspa leyiru ist'atap laycu ucajja, janiw cunataquis Criston jiwatapajj asquïcaspati.

Efesios 2:5

Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Efesios 2:8

Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:6

Aca pachpa Diosan arunacapasti take chekanwa wali jiltasqui, take chekan parlataraquiwa, take chekanracwa apthapitäscaraqui. Uqhamaw jumanac taypinsa lurasiscaraquejja cunapachattï jumanacajj Diosan munasiñapat ist'apjjäyäta, uca munasiñapajj chekätap yatipjjaraquïyäta ucqhatpacha.

2 Tesalonicenses 2:16

Tatit Jesucristos pachpa, uqhamarac Dios Awquisasa qhuyapayasiñapampiw munasistu wiñay chuymachäwi churasa, uqhamarac mä suma suyt'añampi.

1 Timoteo 1:14

Ucatwa nayataquejj Tatitun bendicionapajj wali jach'änjja, uqhamarac iyawsañasa munasiñasa jiwasan utji Tatit Jesucristoncatas laycu.

1 Timoteo 2:4

Jupajj takenin khespiyatäñapwa muni, cunatejj chekäqui uc uñt'apjjañaparaqui.

2 Timoteo 1:10

Ucampis jichhajj uca munasiñapjja uñacht'ayiwa Khespiyiri Jesucristosan jutäwipampi, cawquïritejj jiwañan ch'amapjja t'unjawayi khespiyasiñ arunac toke, uqhamarac jan t'unjatäcani uca jacañjja khanaruw apsuraqui.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

Hebreos 2:9

Ucampis Jesusarojj uñjtanwa, juparusti Diosajj angelanacat sipansa menosaruw tucuyi mä juc'a tiempotaqui. Diosajj munasiñapatwa munäna taketac jiwañapa, jichhasti jach'a cancañapampi uqhamarac jach'añchäwimpi coront'atawa jiwañan t'akhesitap laycu.