Tito 1:11 - Qullan Arunaca

¹¹ Ucanacarojj amuct'ayañaw waquisi. Familiapachanacwa mayjt'ayapjje, cunatejj jan walïqui ucanac yatichasina, jan wali chuymampi kollke jicjjatasiñ laycuqui.

Aymar Bibliia 1986

¹¹ Ucanacarojj amuct'ayañaw waquisi. Familiapachanacwa mayjt'ayapjje, cunatejj jan walïqui ucanac yatichasina, jan wali chuymampi kollke jicjjatasiñ laycuqui.

Qullan Arunaka DC

¹¹ Ukanakarux amukt'ayañaw wakisi, taqpach wila masinakaruw mayjt'ayapxi, kunatix jan walïki ukanak yatichasina, jan wali chuymampi qullqi jikxatasiñ laykuki.

Tito 1:11 Jak'a apnaqawi uñst'ayäwi

Salmos 107:42

Asqui jakenacajj uc uñjasajj cusisipjjewa, ñankha lurir jakenacasti lacap lluphantasipjje.

Salmos 63:11

Reyisti Diosancasaw cusisini, sutip laycu juramento luririnacajj k'ochupjjaniwa, c'arinacan lacapasti llupt'atäniwa.

Jeremías 8:10

Ucatpï jichhajj warminacapjja yakhanacaru catuyäjja. Orakenacapsa yakhanacaruw catuyaraquëjja. Cunjämatejj jisc'as jach'asa, lunthatasiñampi ganañacwa amtasipqui; profetanacasa, sacerdotenacasa takeniw lunthatasiñaru catuyasipjje.

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Ezequiel 16:63

Jumasti amtasisajj wal p'enkasïta, jisc'achatäcasmas uqhamaw amuyasiraquïta, janiw arsuscaraquïtasa cunapachatejj nayajj jumar perdoncäma ucapachajja. Naya Tatituw ucjja arsta.’ ”

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Miqueas 3:5

“Marcajjasti pantat thaquinacanjamwa sarasqui, cawquïri profetanacatejj sallkjapqui ucanac laycu, uca profetanacasti, qhitinacatejj jupanacar mank'ayqui ucanacarojj suman sarnakasiñwa yatiyi, ucampis qhitinacatejj jan mank'añ churqui ucanacarusti ‘nuwasiñaw utjani’ sapjjaraquiwa. Tatitusti uca profetanacarojj siwa:

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Lucas 20:40

Ucatsti janiw juc'ampi jisct'añaru uchascjjapjjänti.

Juan 10:12

Ucampis qhititejj pago laycuqui awatqui uquïrejj kamaker jutir uñjasinjja ovejanacjja anarpäwayasina jaltawayjjaquiwa, jan cheka awatirïtap laycu ni ovejanacas jupanccaraquiti. Ucatsti kamakejj munañaparuw ovejanacjj caturi uqhamarac anatati.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

2 Corintios 11:10

Cunjämatejj Criston cheka cancañapa sum uñt'tjja, uqhamaraquiw yatta janiw qhitis nayarojj aca cusisiñajj-jja apakquitaspati take Acaya tokenjja.

1 Timoteo 5:13

Ucat juc'ampisa, utat uta sarnakasajja jayraw tucupjje, ucatsti janiw jayraquit tucupqui, jan ucasti arunacwa apnakapjje, take cun yatjjatañ munasa, jan waquisqui ucanac parlasaraqui.

1 Timoteo 5:4

Ucampis mayni ijma warminacajj wawanïscchi jan ucajj allchhinïscchi ucajja, jupanacpachpa yatekapjjpan pachpa familiapar yanapaña, cunja munasiñampitejj awquinacapajj munasïna uca pachpa munasiñampi. Acajj asquiwa, Diosarojj cusisiyaraquiwa.

1 Timoteo 6:5

uqhamaraqui alekat jan wali amtañani jakenacampi nuwasiñasa. Janiw cuna cheka arunacsa yatquiti, jan ucasti amuyatanacapatjja saräwipajj kollke jicjjatañäcaspas uqhamawa. [Acanacatjja jithektam.]

2 Timoteo 2:18

Jupanacajj cheka arutjja maysaruw saranucupjje: ‘Jiwatat jactañajj pasawayjjewa’ sasa. Uca arunacampiw sarnakapjje mayninacan iyawsäwinacap mayjt'ayasina.

2 Timoteo 3:6

Acanacasti utanacaru mantasinjja uca jucharar warminacaru sallkjerinacawa. Aca warminacajj take casta janchin munañapampi wayutäpjjewa,

Tito 1:7

Qhititejj obispot uchatäqui ucajj Diosan yänacap uñjirit uchatawa, ucatwa waquisi chekap jacañapajja. Janiw jalta chuymäñapäquiti, jan wali chuymanïñapäquisa, machirïñapäquisa, ch'ajjwañ munirïñapäquisa, janiraquiw lunthatasiñampi jicjjatat kollksa munañapäquiti.

Tito 1:9

Uqhamaraquiw catjjäsiñapa yatichatäqui uca cheka arunaca, uqhamat yakhanacar waytt'añapataqui uca suma yatichäwimpi, uqhamarac qhitinacatejj jan Diosar ist'añ munapqui ucanacar iyawsayañapataquisa.

Tito 3:10

Maynitejj iglesian jan walt'aycchi jaljtayasa, ucarojj mä pä cuti ewjjt'am, ucattejj jan ist'ätam ucqhajja, ankar jakonucjjam.