Sofonías 1:8 - Qullan Arunaca

⁸ “Sacrificio urunjja, nayajj mutuyaraquïwa jach'a jilïrinacarusa, uqhamaraqui reyin wawanacaparusa, take qhitinacatï yakha marcat apanit isinacampi uchasipqui ucanacarusa.

Aymar Bibliia 1986

⁸ “Sacrificio urunjja, nayajj mutuyaraquïwa jach'a jilïrinacarusa, uqhamaraqui reyin wawanacaparusa, take qhitinacatï yakha marcat apanit isinacampi uchasipqui ucanacarusa.

Qullan Arunaka DC

⁸ “Uka urunxa, jach'a jilïrinakarusa, reyin wawanakaparus mutuyäwa, nayar jan iyawsirinakaru, jan wali luräwinakapan sarnaqirinakarus mutuyäwa.

Sofonías 1:8 Jak'a apnaqawi uñst'ayäwi

2 Reyes 10:22

Jehú reyisti isinaca uñjir chacharusti sänwa: “Culto lurañ isinaca apsunim Baal diosar take yupaychirinacapataqui” sasa. Isinaca uñjiristi uqhamwa luräna.

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Isaías 2:6

Tatitu, wawanacamarojj apanuctawa, Jacobon marcaparojja; marcasti inti jalsu toket yatiri jakenacan phokhantatawa, filisteo yatiri jakenacan phokhantatjamawa, jaya marcanquir jakenacampiraquiw arust'äwinacas lurasi.

Isaías 24:21

Uca urunsti Tatitojj mutuyaniwa, alajjpachan utjir ch'amaninacarojja, uqhamaraqui aca orakenquir reyinacarusa;

Isaías 39:7

Yakhepanacat pachpa wawanacamarus Babiloniaruw apapjjaraquini capsupjjaraquiniwa, ucatsti reyin palaciopan sirviñapataquiw uscupjjaraquini.’

Habacuc 1:10

Reyinacatsa, jilïr jakenacatsa larusipjjewa, uqhamarac jach'a alto uyunacapatsa larusipjjaraqui, ucarusti lak'ampi phokcatasaraquiw uca pat mantasa catuntapjjaraqui.

Deuteronomio 22:5

“Mä warmisti janiw mä chachan isipjja uchasiñapäquiti, ni mä chachas warmin isipampejj uchasiñapäquiti, Tatitu Diosataquejj ucanac lurañajj ajjtasiñätap laycu.