Sofonías 1:7 - Qullan Arunaca

⁷ “¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Aymar Bibliia 1986

⁷ “¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Qullan Arunaka DC

⁷ ¡Tatit nayraqatan amukt'apxam, Tatitun mutuyañ urupaw jak'achasini! ¡Taqi kunas wakicht'atawa! ¡Jawsatanakax akankxapxiwa, ¡Markaxarux q'al jiwarayä!

Sofonías 1:7 Jak'a apnaqawi uñst'ayäwi

Job 24:1

“¿Cunatsa take ch'amani Diosajj mä urunaca juchañchañataqui jan amtejja, uqhamat qhitinacatejj juparu munqui ucanacan uñjapjjañapataquejja?

Salmos 46:10

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Isaías 13:3

Wali ch'amani jakenacajjarojj niyaw jawsjjta, guerran alek nuwasirinacajjarusti arojja churaractwa, qhitinacatejj atipjatajjat cusisipqui ucanacaru, mutuyäwejja uñacht'ayañapataqui.”

Isaías 13:6

Wararipjjam, Tatitun urupajj jac'anquiwa, take ch'amani Tatitun lekt'asinitapawa purini.

Isaías 2:12

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Isaías 29:2

nayasti Arielarojj jan walt'añaruw uchascäjja, warariñanacampi aykoñanacampiraquiw utjani. Marcasti nayataquejj chekpachansa Arieljamapuniraquïniwa.

Isaías 34:5

Jïsa, Tatitun espadapajj alajjpachan uñsti, Edom marcjjaruraquiw purini, uca marcasti jiwañar catuyatawa.

Isaías 34:6

Tatitun espadapajj wilarara, liq'inacampi chhaktayatäniwa, cunjämatejj ovejanacas cabritonacas sacrificiotaqui qharsutajj uqhama. Tatitusti Bosra sisqui uca chekanjja mä sacrificio lurani, Edom sisqui uca chekansti mä jach'a jiwarayäwi.

Isaías 6:5

Nayasti saraquïyätwa: “¡Ay, cunaquïcan nayataquejja, jichhajj jiwapunchëjjaya! Nayrajjampiw take ch'amani Tatitu Reyerojj uñjta, nayasti jucharar jakëstjjaya jucha parliriraqui, jucha parliri marca taypinrac jacaractsa” sasa.

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Ezequiel 7:10

“¡Acajj uca urojja! ¡Purinjjewa! ¡T'unjatäñasti purinjjewa! Take chekansa ñankha lurañanacaquiw utjasqui, jakenacan ñankha luratanacapasti sintipunëjjaraquiwa.

Ezequiel 7:7

Aca oraken utjir jakenaca, t'unjatäñajj purinjjewa. Horasajj purinjjewa, jan walt'aña urunacaw jac'ancjje. Kollu tokenacansti cusisiñajj tucusjjaraquiniwa.

Joel 1:15

¡Ay cunaquïcani, Tatitun urupajj jac'achasinjjewa! ¡Ajjsarcañ uruwa, take ch'amani Diosasti t'unjatäñaswa apaniraqui!

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Amós 6:10

Ajjsarañasti wali jach'apunïniwa, cunapachatï qhitis mayni familiapa waytani jiwataru utat apsjjañataquejja, ucatsti utanquirirojj saraquiniwa: “¿Qhitimpich utjasqui?” sasa. Utanquiristi “Janiwa” saraquiniwa. Nayrïristi saraquiniwa: “¡Amuct'am, Tatitun sutipraqui acatjamat arsuscasma!” sasa.

Amós 8:3

Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Habacuc 2:20

Ucampis Dios Tatitojj kollan templopancasquiwa: ¡Jupa nayrakatanjja amuquïpjjam take acapachan jaquir jakenaca!”

Sofonías 1:14

“Jac'anquiwa Tatitun qhä jach'a urupajja. ¡Jac'anquiwa uca urojj, janc'aquiw puriniraquini! Tatitun jutäwip urusti wali jachañ urüniwa, jach'a ch'aman jakenacas ajjsarañat wararipjjaniwa.

Zacarías 14:1

Tatitun urupajj jutasquiwa, Jerusalén, cunapachatejj yänacam aparasajj laquirpayatäcani juma taypinjja uca urojja,

Zacarías 2:13

¡Take acapachanquir jakenaca amuct'apjjam Tatitun nayrakatapana, jupasti kollana jacäwipatpachwa jiwasanac taypiru jutasqui!

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Mateo 22:4

Yakha uywatanacaracwa wastata qhitaraqui jawsaniñapataqui: ‘Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan’ sasa.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

Romanos 9:20

Ay, jake. ¿Qhitiraquït jumasti Diosamp jaychasiñataquisti? ¿Mä ñek'e phuqhojj jupar luririrojj saspati: “¿Cunats uqham lurista?” sasa.

Filipenses 4:5

Suma chuymanïpjjatamajj take jakenacan uñt'atäpan. Tatitojja jac'anquiwa.

Colosenses 1:12

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

1 Samuel 16:5

—Jïsa, uqhamawa. Tatitur mä sacrificio loktiriw jutta. Jichhajj k'omachasipjjam ucatsti nayampi chica sacrificio loktir sarapjjaraquim —sasaw Samuelojj saraquïna. Ucat janc'aquiraquiw Samuelojj Isaí chachampiru, yokanacapampiru k'omachäna, ucat sacrificio loktiri sarañataquiw jupanacarojj jawsaraquïna.

1 Samuel 20:26

Uca urusti Saúl reyejj janiw cunsa camscänti, chuymapansti sascaraquïnwa “Cuna jan wali k'añuchasïwi inas jupajj lurchi, ucat jichhajj k'omachasiscpacha” sasa.