Rut 4:14 - Qullan Arunaca

¹⁴ Ucatsti Noemí warmirojj warminacajj sapjjänwa: —¡Diosasti jach'achatäpan jichhüruna, mä allchhi churtam, jumaru khespiyañataqui! ¡Uca allchhimajj Israel marcana wali aytat jakëpan!

Aymar Bibliia 1986

¹⁴ Ucatsti Noemí warmirojj warminacajj sapjjänwa: —¡Diosasti jach'achatäpan jichhüruna, mä allchhi churtam, jumaru khespiyañataqui! ¡Uca allchhimajj Israel marcana wali aytat jakëpan!

Qullan Arunaka DC

¹⁴ Wawax yurkäna ukkhasti, Belenankir warminakax Noemí mamarux sapxänwa: —¡Tatitux jach'añchatäpan, jupaw jichhürux mä allchhi apayantam, jumar uywañapataki! ¡Uka allchhimasti Israel markan wali aytat jaqïpan!

Rut 4:14 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 24:27

saraquïnwa: “¡Kollanäpan Abraham uywirejjan Diosapajja, jupajj chekapapuniwa, qhuyapayasiriraquiwa Abraham uywirejjataquejja, thaquinsa juparaquiw irpasinquitu, uywirejjan familianacapan utapar puriñajjcama!” sasa.

Génesis 29:35

Leajj ucjjarus yakha wawampjja wawachasiscaquïnwa, ucarusti Judá sasaw suticharaquïna, saraquïnwa: “Jichhajj Tatituruw yupaychä” sasa. Ucatsti janiw juc'ampi wawanëcjjänti.

Lucas 1:58

Uta jac'anacapasa, uqhamarac familianacapasa yatipjjänwa Tatitojj jupat qhuyapayasitapa. Ucat jupanacajj Elisabetampejj wal cusisipjjäna.

Romanos 12:15

Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.

1 Corintios 12:26

Cuerposan mayawjatejj t'akheschi ucqhajj takpacharaquiw t'akhesi, mayawjatejj suma yäkatächejja, takpacharaquiw cusisipjje.

1 Tesalonicenses 5:18

Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

2 Tesalonicenses 1:3

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.