Rut 2:4 - Qullan Arunaca

⁴ Uqhamaruw Booz chachajj Belén marcata purini takpachanir aruntasa: —Diosasti jumanacampïpan —sasa. Jupanacasti sapjjänwa —Diosasti jumarojj bendizpan —sasa.

Aymar Bibliia 1986

⁴ Uqhamaruw Booz chachajj Belén marcata purini takpachanir aruntasa: —Diosasti jumanacampïpan —sasa. Jupanacasti sapjjänwa —Diosasti jumarojj bendizpan —sasa.

Qullan Arunaka DC

⁴ Ukürusti Booz chachax Belén markat yapup uñjiriw purïna, yawthapirinakarusti aruntarakïnwa: —Tatitux jumanakampïpan —sasa. Jupanakasti: —Tatitux askinakap jumar churpan —sasaw aruntapxarakïna.

Rut 2:4 Jak'a apnaqawi uñst'ayäwi

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

1 Crónicas 2:51

Salma chachasti Belén ucan awquipänwa; Haref chachasti Bet-gader ucan awquipänwa.

Salmos 118:26

¡Tatitun sutipar jutirejj kollanäpan! Tatitun utapatpach jach'añchanipjjsma;

Salmos 134:3

Tatitojj Sión kollutpachay jumarojj asquinac apayanpan: jupaw alajjpach acapach lurirejja.

Jeremías 31:23

Israelan Diosapa, take ch'amani Diosasti siwa: “Cunapachatejj nayajj Judá marcanquir jakenacan sarnakäwipa maysaru tucuyjjä, ucat jupanacajj wasitat orakenacapancjjapjjaraquini, uqhamaraqui marcanacapana, ucapachasti wasitatwa sapjjani: ‘¡Tatituy bendispan aca kollan kolluru, cawqhantejj cheka cancañajj utjqui ucaru!’

Números 6:24

‘Tatituy jumaru bendispan, imaracpan.

Lucas 1:28

Angelasti Marian ucar mantasinjja sänwa: —¡Aruntsmawa, María! ¡Diosan asquipamp phokt'ata! Tatitojj jumampiwa, [take warminacat sipana Diosan bendecitaraquïtawa] —sasa.

2 Tesalonicenses 3:16

Pachpa samarañan Tatitojj jumanacarojj samarañ churpan take horasansa, cunayman toketsa. Tatitojj take jumanacampïpan.

1 Timoteo 6:2

Mayninacatejj iyawsir uywirinacanïchejja, janiw iyawsirïtap laycuquiti juc'ac ajjsaratañapäquejja, jan ucasti uywatanacajj juc'amp suma uñjañampiw sirvipjjañapajja, qhitinacatejj jumanacan asqui luräwinacam catokapctam ucanacajj iyawsir uywirinacawa, munat jilatanacaraquiwa.

2 Timoteo 4:22

Tatit Jesucristojj jumampipunïpan, uqhamarac Diosajj qhuyapayasiñapjja churpan take jumanacjjaru.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

Jueces 6:12

Diosan angelapajj uñstasinjj sänwa: —¡Diosajj jumampïsquiwa, ch'amani, jan ajjsarir jake! —sasa.

Jueces 6:16

Diosasti sascaquïnwa: —Lurätawa, nayawa jumampiscäjja jumasti atipjätawa madianitanacarojja cunjämtejj qhitisa mä sapa jakeru atipjqui uqhama —sasa.

Rut 2:3

Uqhamaw Rut warmejj pampar saräna; yawthapirinacajj jalaktayapcäna uca cebada puyanac apthapisaw arcäna. Uca yapusti Booz chachancänwa, jupasti Elimelec chachan familiaparaquïnwa.

Rut 2:5

Ucatsti Booz chachajj cebada yawthapirinacan jilïriparuw jisct'äna, aqham sasa: —¿Qhitin familiapataraqui uca tawakosti? —sasa.

Rut 4:11

Take ucanquirinacasti arsupjjaraquïnwa aqham sasa: —Nanacaw take acanacat uñjapjjta. ¡Diosasti munpan, cawquïri warmitï utamaru mantancani ucasti Raquel, uqhamaraqui Lea warminacjamäpan, jiwasa Israelit jakenacajj jupanacan wawanacapäpjjtanwa! Jumasti suma aytat jakëma aca Efrata sat Belén marcanjja.

1 Samuel 17:37

Tatitojj nayarojj leonan amparapatsa, uqhamarac oson amparapatsa khespiyituwa. Aca filisteo chachan amparapatsti khespiyaraquiquitaniwa. “Ucat Saúl reyejj saraquïna: —Uqhamajj saramaya, Tatitusti juma chicaraquïpan —sasa.