Proverbios 4:4 - Qullan Arunaca

⁴ awquejjasti aqham sasaw yaticharaquitäna: ‘Arunacajjsti chuymamar imam; cuntï siscäma ucaraqui luram, ucatwa jacäta.’

Aymar Bibliia 1986

⁴ awquejjasti aqham sasaw yaticharaquitäna: “Arunacajjsti chuymamar imam; cuntï siscäma ucaraqui luram, ucatwa jacäta.

Qullan Arunaka DC

⁴ awkixasti akham sasaw yatichitäna: “Arunakay chuymamar imam; arsutanakaxar jaysam, ukat jakäta.

Proverbios 4:4 Jak'a apnaqawi uñst'ayäwi

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

Salmos 119:11

Chuymajjaruw arunacam imta, juma contra juch jan lurañajjataqui;

Salmos 119:144

Arsutanacamajj chekapapuniwa; amuyt'a cancañay churita, nayasti jacañ jicjjatä.

Salmos 119:168

Arunacamarojj jaystwa, jumaw take sarnakäwejj yatistajja.

Proverbios 22:6

Wawarojja suma sarnakañapataquejja jisc'atpach sum yaticham, ucatsti awquëjjan ucqhajja janiw uca yatichäwinacatjja armascaniti.

Proverbios 23:26

Munat wawajjay, take chuymamampi yatichäwinacajja catokam, ucatsti uqhamar sarnakaraquim.

Proverbios 3:1

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

Proverbios 3:2

ucatsti jaya maranacaw jacasïta, cusisitaw sarnakasiraquïta.

Proverbios 7:2

Ewjja arunacajjarusa, yatichäwinacajjarusa ist'amaya; sum imaraquim wali suma munata yänacäcaspas uqhama, ucatsti jacätawa.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Jeremías 38:20

Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Juan 12:50

Nayajj yattwa Awquejjan camachipajja wiñay jacañataquiwa. Uqhamwa nayajj sista cunjämtejj Awquejjajj sisquitu uqhamarjama.”

Efesios 6:4

Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

Deuteronomio 4:9

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.

Deuteronomio 6:6

“Juman chuymamaruy catokam cawquïri camachi arunactï jichhüruna churcsma ucanacjja.

2 Timoteo 1:5

Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.

2 Timoteo 3:15

Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

Jueces 13:12

Ucampis Manoa chachajj sänwa: —Cunapachatejj arsutamarjamajj phokhasini ucqhajja, ¿cunjämsa uca wawarojj uywapjjäjja? Uqhamarac, ¿cuns jupampejj lurapjjaraquëjja? —sasa.