Proverbios 28:4 - Qullan Arunaca

⁴ Leyi contra sayt'irinacajj, jucharar jakeruw jach'achi; ley phokherinacasti, jucharar jake contraraquiwa.

Aymar Bibliia 1986

⁴ Leyi contra sayt'irinacajj, jucharar jakeruw jach'achi; ley phokherinacasti, jucharar jake contraraquiwa.

Qullan Arunaka DC

⁴ Kamachi arunak apanukurinakax, ñanqha lurir jaqiruw jach'achapxi; kamachi arunakarjam phuqhirinakasti, ñanqha lurir jaqitakiw sayt'asipxi.

Proverbios 28:4 Jak'a apnaqawi uñst'ayäwi

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

1 Reyes 18:21

Ucatsti Eliasajj take jakenacar jac'achasisajj sänwa; —¿Cunapachcamasa jumanacajja pä chuyma sarnakapjjätajja? Tatitutejj cheka Diosächi ucajja, jupar arcapjjam, jan ucajj Baal diosatï chekächi ucajja, juparuwa arcapjjañamajja —sasa. Jakenacasti janiw camsapcänsa.

Nehemías 13:15

Qhaya urunacanjja Judá orakenjja uñjtwa yakhepanacajj samarañ urunjja uvanac taquiri vino lurañataqui, uqhamarac trigo pichunaca apnakeri asnonacatsa qhumunakeriraqui uvanaca, higonaca, uqhamarac take casta carganaca, uqhamarac samarañ urunaraqui Jerusalenar apapjjäna. Ucatsti nayajj tokenoktwa uca urun aljañanac aljasipjjatapata.

Nehemías 13:28

Eliasib sumo sacerdoten Joiada yokapan maynïr yokapasti, horonita Sanbalat chachan tollkapänwa. Juparusti jaltaytwa nayan nayrakatajjata.

Salmos 10:3

Ñankha lurir jakejj, munapayañ cancañapat jach'achasi, munapayir jakejj, Tatituruw ñankhachi, jisc'acharaqui.

Salmos 49:18

Jaccasajj cusisitas sarnakascpan: kamirïtapat jach'ar aptatas uñjasiscpan,

Jeremías 5:30

“Maya ajjsarcaña, sustjascañaw aca marcanjja pasasqui.

Mateo 14:4

Juanasti Herodesarojj aqham sataynawa: “Janiw jilaman warmipampi utjasiñamajj waquisctamti” sasa.

Mateo 3:15

Jesusasti ucjjarojj saraquïnwa: —Jichhajj uqhamaquïpsama, waquisiw Diosan munañap phokhañasajja —sasa. Ucatwa Juanajj Jesusar bautisäna.

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Hechos 12:22

Ucapachasti jakenacajj jach'atwa art'apjjäna: ¡“Aca arojj janiw jaken arupäquiti, jan ucasti mä diosan arupaw”! sasa.

Hechos 15:2

Pablompi Bernabeampisti ucjjat uca jakenacampi wal ch'ajjwapjjäna. Ucatwa Pablo, Bernabé uqhamarac mä kawkha jilatanacaru ajllipjjäna, Jerusalenar sarapjjañapataqui uca toket apostolonacampi jilïr jilatanacampi uca marcan khanañchasiñapataqui.

Hechos 19:9

Ucampis yakhepanacajj chuymanacap kalarayasisinjja, janiw iyawsañ munapcänti, jan ucasti jakenacan nayrakatapanjja evangelio contraw jan walinac parlapjjäna. Uqham uñjasinwa Pablojj jupanacatjja jithektawayjje. Iyawsirinacarusti jupamp chicwa irpjjaraqui. Ucatsti sapüruraquiw Pablojj Tirano jaken utapan Diosan arunacap parläna.

Romanos 1:32

Jupanacajj sum yatipjje cuntejj Diosajj jupanacan lurañap munqui ucjja, yatipjjaraquiwa uqham jan walinac luririnacajja jiwayatäñapa ucsa, ucampis jupanacajj lurasipcaquiwa, mayninaca uqhamanaca luripansa juc'ampwa uñjañ munapjjaraqui.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.

1 Juan 4:5

Jupanacajj acapachanquiriwa, ucatpï jupanacajj acapach yänacapatjja parlapjjejja, acapachanquir jakenacasti jupanacarojj ist'apjjaraquiwa.

Judas 1:3

Munat jilatanaca, walpun munapjjäyäsma cunatejj jumanacansa, uqhamarac nayans utjqui uca khespiyasiñ toket kellkaniñjja. Ucampis jichhajj waquisiw jumanacar aca carta kellkaniñajjajja, cunatejj mä cutejj Diosanquirinacarojj catuyatäcäna uca iyawsäw laycu nuwasipjjañamataqui.