Proverbios 28:1 - Qullan Arunaca

¹ Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Aymar Bibliia 1986

¹ Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Qullan Arunaka DC

¹ Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Proverbios 28:1 Jak'a apnaqawi uñst'ayäwi

1 Reyes 1:49

Adonías ucan jawsatanacapasti qhatatiñwa kalltapjjäna, ucatsti takeni sayt'asjjasinjja sapa mayniwa sarañaparcama sarjjapjjäna.

2 Reyes 7:15

Jupanacasti Jordanaru puriñcamawa sirionacana saratanacapa arctapjjäna, ucansti jupanacajj uñjapjjänwa uca thacpachana sirionacajja mäqui jaltjjañataquejj isinacapa, yänaka willtawayapjjatapa. Ucatsti reyin qhitatanacajj cutt'anjjasinjja, reyirojj yatiyapjjänwa cuntejj uñjanipcäna ucanaca.

Nehemías 6:11

Nayasti juparojj sistwa: —Nayjam chachanacajj janiw jaltapquiti, janiraquiw templorusa imantasipquiti jacañapa khespiyasiñataquejja. Nayajj janipuniw imantasquiristti —sasa.

Job 15:21

Sustjiri ch'ajjwanacwa ist'i, cunapachatejj sumaqui samart'asisqui ucapachaw lunthatanacas jaljjatapjjaraqui.

Salmos 112:7

Jan wali yatiyäwinacarojj janiw ajjsarquiti, chuymapajj Tatituncasajj wali thurt'atawa.

Salmos 53:5

Jupanacajj ajjsarañat qhathatipjjani, Diosajj uñisirin ch'aqhanacap willitatani, jupanacasti mä p'enkaw atipjat uñjasipjjani, Diosan jupanacar jan catokatap laycu.

Salmos 53:6

¡Israel marcan khespiyasiñapajj Sión marcat jutaquispa! Diosajj marcapar wasitat cusisiycan ucapachajja, Jacobon wawanacapajj cusisiniwa, Israel marcajj c'uchirt'asiniwa.

Éxodo 11:8

Ucapachaw nayan ucar take sirvirinacamajj jutapjjani, ucatsti quillt'asisaw nayar sapjjetani: ‘Sarjjapjjam jumampi, jakenacamampejja’ sasa. Ucampis janiw nayajj sarcäti. Ucatsti Moisesajj wali coleratawa faraonan ucat sarjjäna.

Proverbios 10:9

Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Proverbios 27:27

kachu cabritonacatjja jilarquiri lechwa catokaraquïta, jumasa, familiamasa, uywatanacamasa mank'apjjañamataqui.

Isaías 30:17

Warankanacaw mä sapa jaken ajjsarayata jaltjjapjjani, take jumanacasti pheskanin ajjsarayataquiw jaltjjapjjäta, juc'aniqui kheparapjjañamcama, cunjämatejj mä lawajj mä kollu patan sayt'jjejj uqhama, jan ucajj cunjämatejj mä chimpojj sayt'ayatajj mä kollu patan uñstejj uqhama.

Isaías 7:2

Ucapachawa rey Acazaru familiapampiru aca yatiyäwi yatiyapjjäna: —Siria jakenacajj Efraín marcampiw mayacht'asjje —sasa. Ucapachasti reyisa, take jakenacasa ajjsarañat qhathatipjjäna cunjämatejj kokanacajj montenjja thayataquejj qhathatejj uqhama.

Jeremías 20:4

Tatitusti siwa: ‘Jumarusti mä ajjsarcañaruw juma pachpataqui, take amigonacamataquisa tucuyäma. Juman uñjcatawa amigonacamajj uñisirinacan espadanacapampi jiwarayata uñjasipjjani. Take Judá oraken utjirinacarusti Babilonianquir reyin amparaparuw catuyaraquëjja, juparaquiw preso aparaquinejja Babilonia orakcama, jan ucasti cuchillompi thiyat jiwarayaracchini.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Levítico 26:36

“Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Hechos 14:3

Ucatwa Pablompi Bernabeampejj uca marcanjja jaypach urunac kamarapjjäna. Jan ajjsarasaraquiw parlapjjäna Tatitur catuyasisina, Tatituw jupanacarojj ch'am churaraquïna uñacht'äwinacampi milagronacampi lurapjjañapataqui. Uqhamatwa Tatitojj cuntejj jupanacajj Diosan munasiñapat parlapcäna uca arunacan chekätapjja khansuyi.

Hechos 4:13

Ucapachajj jilïrinacajj Pedrompir Juanampir wali ch'amampi parlir uñjasinjja muspharataw uñjasipjje, jan suma yatichata jakenacäpjjatap yatisina. Ucatsti amuyapjjaraquïnwa chekpachapuni Jesusamp chica sarnakerïpjjatapa.

Deuteronomio 28:25

uqhamaraqui uñisirinacaman tucjatäñamcama. Jumasti uñisirimarojj suma formt'ataw nuwantascäta, ucampis janiw amtascätati cunjäm jaltjjatamsa, ucatsti take acapachan jaquir jakenacataquejj ajjsarañjamaraquïyätawa.

Deuteronomio 28:7

“Diosaw amparanacamar catuyätam cunapachatejj uñisirinacamajj nuwantapjjätam ucqhajja. Jumanacampi nuwasiñataquejj suma formt'ataw jutantapjjani, ucampis jumanacar uñjasajj janiw cunjäm jaltjjapjjatapsa amtasipcaniti.

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.