Proverbios 24:16 - Qullan Arunaca

¹⁶ asqui jakejj pakallk cutis aynacht'canejja, cutjtascaquiniwa, ucampis jucharar jakejj jan walt'añapanjja k'alawa aynacht'ani.

Aymar Bibliia 1986

¹⁶ asqui jakejj pakallk cutis aynacht'canejja, cutjtascaquiniwa, ucampis jucharar jakejj jan walt'añapanjja k'alawa aynacht'ani.

Qullan Arunaka DC

¹⁶ aski jaqix paqallq kutis aynacht'kanixa, kutjtaskakiniwa, ñanqha lurir jaqisti jan walt'añapan aynacht'ani.

Proverbios 24:16 Jak'a apnaqawi uñst'ayäwi

Génesis 19:35

Uca arumpachaw awquiparojj wasitat vino churapjjäna, sullca phuchasti awquipampiw iquintaraquïna, ucampisa Lot chachajj janiraquiquiw amuycänti cunapacha phuchapan iquintatapsa, uqhamarac sartjjatapsa.

Ester (hebreo) 7:10

Uqhamaw Amán chacharojj warccatapjjäna, cawquïr jaychcatañtejj Mardoqueotaqui waquichaycäna ucaru. Uqham lurayasinwa reyejj colerapa apjtayasïna.

Job 5:19

Mayampsa, mayampsa jan walt'añatjja khespiyascaquïtamwa, janiraquiw ñankhan jumjjaru jutañapsa muncaniti.

Salmos 34:19

Asqui jakejj jan walinacamp t'akhescchi ucasa, Tatituw take ucanacat waysu;

Salmos 34:21

Ñankha lurir jakerojj pachpa ñankha luratapaw jiwayi, asqui jaker uñisirinacasti mutuyatäpjjaniwa.

Salmos 37:24

lanctasin ucasa, janiw tinccaniti, Tatituw amparapat wayjjäsisqui.

Salmos 52:5

Diosasti wiñayataquiw tucjätam, t'akhesiyasin utamat jakonucütam; aca oraket jacañam apakaraquïtam.

Salmos 7:16

¡Ñankha luratanacapajj p'ekepjjaruw cutjjatani, khoru cancañapajj p'eke ch'aqhapjjaruw jaljjattani!

Salmos 79:12

Tatay, marca masinacajjarojj pakallk cutimp cutiyam, jumar jan walinac luratapata.

Proverbios 13:17

Jan wali yatiyirejj jan walt'añanacaruw puriyi; cheka yatiyiristi sumaruwa puriyaraqui.

Proverbios 13:21

Jucharar jakenacajja jan walt'añampi arcnakatäpjjewa, ucampis asqui jakenacajja asquinacwa catokapjjani.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Proverbios 24:22

Jupanacan tucusiñapajj acatjamatwa purinini, ucatsti Diosampi, reyimpi mutuycani ucjja janiw qhitis yatquiti.

Proverbios 6:15

Ucatsti juparojj jan walt'añajj acatjamatwa catuntani; jupajj mä nayra ch'ipjjtanac tucjatäni, jan cutjcay tucjataw uñjasini.

Jeremías 18:17

Inti jalsu toket jutir thayjamaw Israelarojj ananucu; uñisirinacapatsti jaltayaraquïwa. Nayajj jupanacataquejj mayswa uñtäjja, janiw uñcatcäti, mutuyäwipajj purincani uca urojja.”

Jeremías 8:4

“Jumasti Jeremías aca arunacajj naya toket aca marcaru yatiyam: ‘Cunapachatejj maynejj liwisi ucapachajj, wasitat sayt'asjje; cunapachatejj thaqui chhaktayasi ucapachasti wasitat jicjjatjje.

Ezequiel 7:5

“Naya Tatituw arsta: Amuyasim, tucuyan puriniñapajj jac'ancjjewa, jan walt'añanacasti may mayaraquiw jutani, juman tucusiñamasti niyaw jac'ancjjaraqui.

Amós 5:2

Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.

Amós 8:14

Samaria marcanquir c'ari diosanacat juramento luririnacajja, qhitinacatejj sapqui: ‘Dan marcan diosap laycu,’ ‘Beerseba marcan diosanacap laycu’ sasa; ucanacajj jan mayamp sartquiriw tincurapjjani.”

Números 32:23

Ucampisa janitejj uqham lurapcäta ucqhajj Tatitu contraw jucha lurasipcta, ucatsti mä uruw uca juchanacatjja mutuyäwejj purinini.

Hechos 12:23

Ucspachaw Tatitun angelapajj Herodesar usuntayäna, Diosan sutip jan jach'achatap laycu. Ucatsti jisc'a lak'onacan mank'antataw Herodesajj jiwjjäna.

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

1 Samuel 26:10

Nayajj juramentompiw arsta. Pachpa Tatituquiw juparojj jacañapjja apakjjani, jiwañapajj purinjjani ucapacha, jan ucajj cunapachatejj guerran nuwasïwiru mantani ucapachasa.

1 Samuel 31:4

Ucatwa Saúl reyejj yanapiriparojj säna: “Espadam apsusim ucatsti ucampi jiwayita, uqhamat aca Dios jan uñt'ir jakenacajj jutasin nayaru jiwayapjjañapataqui, ucatsti nayar jiwayasin cusisipjjañapataqui” sasa. Ucampisa yanapiripajj janiw lurañ muncänti, wali ajjsarañapajj utjatap laycu. Uqhamasti Saúl reyejj jupapachaw espadap catusina uca pataru liwjjattäna.