Proverbios 21:21 - Qullan Arunaca

²¹ Qhititejj chekana, asquina sarnakañ thakqui ucajja, jacañwa jicjjatani, jach'ar aptataraquïniwa.

Aymar Bibliia 1986

²¹ Qhititejj chekana, asquina sarnakañ thakqui ucajja, jacañwa jicjjatani, jach'ar aptataraquïniwa.

Qullan Arunaka DC

²¹ Chiqana, askin sarnaqañ thaqhir jaqixa, jakañampi, jach'ar aytatäñamp jikxati.

Proverbios 21:21 Jak'a apnaqawi uñst'ayäwi

Salmos 112:4

Qhuyapayasiñan asqui jakejj, ch'amacan khantir khanjamaw c'ajti.

Proverbios 10:16

Asqui jaken catokäwipajj jacañawa; jucharar jaken apthapïwipasti jucha lurañaquiwa.

Proverbios 11:19

Cheka cancañampi sarañajj suma jacañwa churi, ucampis jan wal sarnakañasti jiwañaruwa irpi.

Proverbios 15:9

Tatitusti ñankha jakenacan sarnakatanacapjja janiw uñjañ munquiti; qhititejj cheka cancañana sarnakqui ucaruw munasiraqui.

Proverbios 22:4

Llamp'u chuymampi Tatitur ajjsaras sarnakañajja, kamir cancaña, jach'ar aptatäña jacaña catokañawa utji.

Proverbios 3:22

ucasti jumarojj jacañwa churätam, mä collarjamawa c'achacht'araquïtam.

Isaías 51:1

“Ist'apjjeta take qhitinacatejj cheka chuymampi thakapquista, jacañsa munapjjaracta ucanaca —siw Tatitojja—. Uñtapjjam cawquïri karkat qhuchsutäpctatejj uca; cawqha kala ch'iyañat apsutäpctatejj uca;

Oseas 6:3

¡Ch'amacht'asipjjañäni Tatitur uñt'jjañasataqui! Tatituw jiwasanacan ucar jutani, cunjämtejj intejj jalsunqui uqhama, cunjämtejj jallojj purjjatanqui tucuyarusa, kalltarusa uqhama.

Mateo 5:6

“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.

Romanos 14:19

Uqhamasti jiwasanacajj cunanacatejj sumancaña apanqui ucanac thakascaquiñäni, ucampiraquiw ajayu token jiltañanjja maynit maynicama yanapt'assnajja.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

Filipenses 3:12

Janiw: “Take acanacjja jicjjatjjtwa” siscti, ni ucampejj: “Wali k'omätwa” sañs muncaractti, jan ucasti nayrakataruw sarantascta Cristo Jesusar jicjjatañcama. Jupajj niyaw nayarojj jicjjatjjetu.

1 Tesalonicenses 5:21

Take cun yant'apjjam, ucatsti cunatejj asquïqui ucana catjjarupjjam.

1 Timoteo 6:11

Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

2 Timoteo 2:22

Waynanacan jan wali luräwinacapatjja jithektam, k'oma jacañan sarnakam, uqhamarac iyawsañana, munasiñana, sumancañana, qhitinacatejj Tatitur k'oma chuymampi mayipqui ucanacamp chica.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.