Proverbios 20:1 - Qullan Arunaca

¹ Vinojj jakerojj jan amuyun tucuyi, machjasiña umañanacasti jan walinacwa parlayaraqui; qhititejj uqhama machjasiñana sarnakqui ucajja, janiw yatiñ cancañampi cuns lurquiti.

Aymar Bibliia 1986

¹ Vinojj jakerojj jan amuyun tucuyi, machjasiña umañanacasti jan walinacwa parlayaraqui; qhititejj uqhama machjasiñana sarnakqui ucajja, janiw yatiñ cancañampi cuns lurquiti.

Qullan Arunaka DC

¹ Vinox jaqirux jan amuyun tukuyi, machjayir umañanakasti jan walinak parlayaraki; machjasisin janiw khitis kuns yatiñ kankañamp lurkiti.

Proverbios 20:1 Jak'a apnaqawi uñst'ayäwi

2 Samuel 11:13

Davidasti jupampi chica mank'añapataqui, umañapataquiraquiw jawsayäna, machjayaraquïnwa. Arumäjjepansti Uriasajj mistuwayasinjja palacion guardia luriri soldadonacampi chicaraquiw icjjäna, janiraquiw utaparojj sarcänti.

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: ‘Jiwayapjjam’ sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

Proverbios 23:20

Machir jakenacampejj jan mayachasimti, janirac sinti mank'eri jakenacampisa.

Proverbios 31:4

Lemuel, janiraquiw walïquiti reyinacasa, jilïrinacasa machjasiña vinonacampi machañapajja,

Isaías 28:7

Utjaraquiwa vinor arquirinacajja, jupanacasti vinotjamaw liwinaktapjje, wali umjayasir umañanac laycuraquiwa kheparus cuttapjje; sacerdotenacasa, profetanacasa vinotjamaw liwinaktapjje, umjayasir umañanacwa munapjje, vinompisti lokherapjjaraquiwa; uca umjayasir umañanacampiw pantjasipjje, visionanac uñjasasti liwinaktapjjewa, cuna queja uñjañataquisa machatäpjjaraquiwa.

Isaías 5:11

¡Ay, cunaquïcani jumanacataquejja alwatpach sartasin machasipcta, ucatsti janiraqui arumcama uca umañjja apanucupqui ucanacataquejja!

Isaías 5:22

¡Ay, cunaquïcani jumanacataquejja wali chacha chacha vino umasa tucupqui, alcohol umañanaca waquichasiñsa sum yatipjjaraqui ucanacataquejja!

Isaías 56:12

Sapjjaraquiwa: “Vinomp, wali umjayasir umañanacamp thakhasir sarapjjañäni ucat machapjjaraquiñäni, kharürusa, jichhürjamaraqui lurapjjañäni, ucat sipansa juc'ampi lurapjjañäni” sasa.

Oseas 4:11

“Wachoka juchanacan sarnakañampi, vino machañanacampejja, jakerojj jan amuyun tucuyi.

Oseas 7:5

Reyisajj corona catokcän uca urojja, jilïrinacajj vino umantayasaw usjayapjjaraqui. ¡Jupasti amparapjja loktaraquiwa qhitinacatejj jupat larusipcän ucanacarojja!

Levítico 10:9

“Cunapachatejj jumasa, uqhamarac wawanacamasa Tatitumpi Jiquisiñ Carparu mantañataquïpjjäta ucapachasti janiw vino umapjjätati ni cuna casta p'osktata umañanacsa, ucataraqui jiwarasipcasma. Aca arsüwisti mä leyiwa, wawanacaman wawanacapataqui,

Habacuc 2:5

“Jach'a jach'a tucuri jakenacajj ch'amanïñwa munapjje; jan samart'asaw thakapjje, ucatsti juc'amp munasipcaquiwa, ch'amanïñajj jan walirus puriychi ucasa. Lacapsti sepulturjamaw jist'arapjje, jiwaru uñtataw jan ist'asipquiti, ucatwa sarapjje catuntañataqui marcat, marcaru.

Gálatas 5:21

envidiasiñanaca, [jake jiwayañanaca,] machañanaca, jiljas mank'añanaca, acanacaru uñtat yakha lurañanacampi. Ewjjt'apjjsmawa, niya sapjjaracsmawa, qhitinacatejj acanac lurapqui ucanacajja janiw Diosan reinopanjja catokatäpcaniti.

Efesios 5:18

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.