Proverbios 2:3 - Qullan Arunaca

³ Ch'iqhi chuymanïñarusa chekap sarnakañarusa take ch'amamampi,

Aymar Bibliia 1986

³ Ch'iqhi chuymanïñarusa chekap sarnakañarusa take ch'amamampi,

Qullan Arunaka DC

³ jumatix ch'ikhi kankaña mayïta amuyt'añ kankañsa mayirakïta;

Proverbios 2:3 Jak'a apnaqawi uñst'ayäwi

1 Crónicas 22:12

Tatitojj jumar churpan ch'iqhi cancaña, uqhamarac yatiñanïña, cunapachatï jupajj Israel marcar apnakañamataqui utt'aycätam ucqhajja, uqhamata Tatit Diosaman leyipa phokhañamataqui.

Salmos 119:125

Nayajj juman loktirimätwa: amuyt'a cancañay churita, arsutanacam yatiñ munta.

Salmos 119:169

Tatay, arnakasitajjajj nayrakatamaruy purinpan, arunacamarjamay amuyt'a chuym churita.

Salmos 119:34

Munañam phokhañay yatichita, takpach chuymampiw arunacam imä.

Salmos 119:73

Jumaw nayarojj irnokesta, sayt'ayaraquista: arsutanacam yatekañajjataquejj ch'iqhi chuymay churita.

Proverbios 2:2

yatiñarusa ist'araquïta; ch'iqhi chuymanïñsa jicjjatañ munaraquïta.

Proverbios 2:4

kollkerjama, jila alani imat yänacarjama, thakaraquïta ucqhajja,

Proverbios 3:6

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Proverbios 4:1

“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui.

Proverbios 8:17

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Lucas 11:13

Jumanacatejj khorücasin wawanacamarojj sumanac churirïpjjstajja, ¡kawkha juc'amps alajjpachanquir Awquimajj Kollan Ajayjja churanejja mayipqui ucanacarojja!

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.