Proverbios 18:3 - Qullan Arunaca

³ Ñankha lurañanjja p'enkachäwiquiwa utji; jach'a jach'a tucuñanjja jisc'achayasiñaquiw utji.

Aymar Bibliia 1986

³ Ñankha lurañanjja p'enkachäwiquiwa utji; jach'a jach'a tucuñanjja jisc'achayasiñaquiw utji.

Qullan Arunaka DC

³ Ñanqha lurañanxa, p'inqachäwikiw utji; jach'a jach'a tukuñansti, jisk'achayasiñakiw utji.

Proverbios 18:3 Jak'a apnaqawi uñst'ayäwi

Nehemías 4:4

Ucatsti nayajj oracionwa lurta: “Nanacan Diosajja, ist'am cunjamtï nanacata larusipquitu uca. Nanac toke arusitanacapajja jupanacjjaru cutjjatpan, uñisirinacapan amparanacaparus puriracpan, uqhamaraqui yakha marcar preso apatäpjjañapataqui.

Salmos 69:20

Jaken toketanacapajj chuymajjaruw t'unanti, jan ch'amanipuniw uñjasta. Qhuyapayasiñ suyta, ucasti janiw jicjjatayasquituti, chuymachirinac suyta, jupanacarusti janiw jicjjatcti.

Salmos 69:9

Utamar munañaw nayar tucuntitu, jumar tokerinacan arunacapajj, nayjjarcamaw wact'i.

Proverbios 11:2

Jach'a jach'a tucuñajja jan walt'añanacwa apani; yatiñ cancañasti llamp'u chuymaninacamp chicawa.

Proverbios 13:5

Cheka jakejj c'ari arunacarojja uñisiwa, ucampis ñankha lurir jakejja jan wali parlatapatwa p'enkachata uñjasi.

Proverbios 18:2

Jan amuyt'an jakejj janiw yatekañ munquiti; jan ucasti jupan amuyt'äwipacwa parlañ muni.

Proverbios 18:4

Jaken arunacapasti walja umanacar uñtatawa, jalir jawirjamawa, jacañ churir phuch'uraquiwa.

Proverbios 22:10

Ñankha jakeru jakonucum, ucatsti tucusjjaniwa jachjayasiñanaca, uqhamarac ch'ajjwañanacasa, tokesiñanacasa.

Proverbios 29:16

Ñankha lurir jakenacan walja utjatap laycusti, walja jucha lurañanacaw utjaraqui, ucampis cheka asqui jakenacajj ucanacan aynacht'apjjatanacapjja uñjapjjaniwa.

1 Pedro 4:14

Tatit laycutejj jumanacar jan wali arunacampi tokepjjätam ucajja, cusisiñanïpjjtawa, Diosan Ajayupasti jumanacjjaruw utt'asi. [Jupanacasti uca Ajayu contraw jan wali parlapjje, ucampis jumanacajj uca Ajayurojj jach'añchapjjaractawa.]

1 Pedro 4:4

Uca jan Diosar uñt'ir jakenacatakejj mayjt'asiñäjjewa jumanacan jupanac chica uca k'añu luräwinacapan jan chicachasjjapjjatamajja, ucatwa jumanacatjja jan walinaca parlapjjejja.

1 Samuel 20:30

Ucatsti Saúl reyejj Jonatanataquejj walpun colerasïna, saraquïnwa: —¡Jan wali warmin wawapa! ¿Janit nayasti yatctsti, jumajj Isaí jaken yokapan suma amigopätamsti, juman p'enkamataqui, uqhamarac taycaman p'enkapataquisa?