Proverbios 18:1 - Qullan Arunaca

¹ Qhititejj jupataquiqui cuns munqui ucajja, munañaparuquiwa sarnake, ucatsti take suma amtäwinac contraw tucu.

Aymar Bibliia 1986

¹ Qhititejj jupataquiqui cuns munqui ucajja, munañaparuquiwa sarnake, ucatsti take suma amtäwinac contraw tucu.

Qullan Arunaka DC

¹ Jupatakik kuns munir jaqix, munañaparukiw sarnaqi, suma iwxt'anaksa janiw katuqaskiti.

Proverbios 18:1 Jak'a apnaqawi uñst'ayäwi

Éxodo 33:16

Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa.

Proverbios 14:10

Chuymawa jupan pachpa llaquisitapjja yatisi; cusisiñapsa janiraquiw jan uñt'atanacarojj yatiyquiti.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 20:19

Arunac apnaker jakejj jan arsuñäqui uca arunacjja arsuscaquiwa, uqhamajj arunac apnaker jakenacampejj jan mayachasimti.

Proverbios 20:3

Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Proverbios 24:21

Munat wawajjay, Diosarusa, reyirusa ajjsaram; uñisirinacamampejj jan mayachasimti.

Proverbios 26:17

Qhititejj mayninacan ch'ajjwañanacapar mantasin ch'ajjwasqui ucajja, mä anurusa jinchunacapata catthapcaspa uqhamawa.

Proverbios 3:21

“Munat wawajjay, ch'iqhi cancañampipuni sarnakam, ewjja arunacarjama sarnakaraquim,

Proverbios 8:14

Nayanwa utji amtäwisa, lurasïwisa, nayätwa chekapar suma sarnakañajja, uqhamarac ch'amasa.

Jeremías 15:17

Qhitinacatejj aleka cusist'añaqui munapjje, ucanacampi chicachasiñsti janiw muncaractti; cunapachattejj jumajj nayaru catuntasista ucat acsarusti, sapaquiw sarnakjjta, colerasiñamampi nayar phokhantatam laycu.

Zacarías 7:3

jisct'añapataquiraqui profetanacaru, sacerdotenacampiru take ch'amani Tatitun templopjjata: “¿Imasipcaquïti sapa mara pheska phajjsi sarakataru amtasis jachañampi ayunañampjja, cunjämatï jichhacama lurarapipjjta uqhamjja?” sasa.

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Mateo 13:44

“Diosan reinopajj cunjämatejj mä korejj oraken imantatäquis ucamp sasiwa. Mä jakew uca imantat kori jicjjati, ucatsti uca pachparuw wasitat imantjjaraqui, ucatsti cusisitaw take cunatejj jupan utjquis ucanac aljantasin uca orakjja alasjje.

Marcos 1:35

Willjtanjjepansti Jesusajj ch'amac ch'amacaw marca thiyaru mistüna mä wasar chekaru, ucansti Diosat mayisïna.

Marcos 4:11

Jesusasti jupanacarojj sänwa: —Jumanacarupï khanpach yatiyatajja jan amuyt'caya Diosan reinopatjja, ucampis mayninacarojj take cunas uñtasïwinac tokwa yatiyasi,

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Deuteronomio 14:6

Jumanacasti puedipjjtawa pasto mank'asin qhisthupquis uca animalanac mank'aña, cawquïrinacantejj sillunacapas payaru jaljtatäqui ucanaca.

Judas 1:19

Acanacaw jaljtañar puriyirinacajja: janchin munañanacaparjamaquiw sarnakapjje, jan Diosan Ajayupani.