Proverbios 17:8 - Qullan Arunaca

⁸ Qhititejj cun lurañataquis kollke chilltasa sarnakqui ucajja, take cunataquis ch'amanïcaspa uqhamwa amuyasi; cuna lurañanacansa walt'ascaquiwa amuyatapatjja.

Aymar Bibliia 1986

⁸ Qhititejj cun lurañataquis kollke chilltasa sarnakqui ucajja, take cunataquis ch'amanïcaspa uqhamwa amuyasi; cuna lurañanacansa walt'ascaquiwa amuyatapatjja.

Qullan Arunaka DC

⁸ Yaqhanakar qullqi chilltas sarnaqir jaqix, taqi kunatakis ch'amanïkaspa ukham amuyasi; amuyatapatxa, kuna lurañanakansa walt'askakiwa.

Proverbios 17:8 Jak'a apnaqawi uñst'ayäwi

Génesis 32:14

Pä pataca cabritonaca, pä tunca chivonaca, pä pataca ovejanaca, pä tunca orko ovejanaca,

Génesis 32:21

Uqhamapï wajjt'äwinacajj nayrakata saränjja, jupasti uca arumajj pachpa campamentopanacwa khepararaquïna.

Génesis 43:11

Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

Salmos 18:16

Diosajj alajjpachatpach amparap loktanitu, amparapampiw jach'a lamar kotat waysutu,

Salmos 19:6

Intejj maysa thiyat uñstani, maysa thiyar puriñcamaw muyti: janiw cunas lupi junt'upat imantascaspati.

Salmos 21:13

¡Tatay, ch'amamampiy sayt'asim! ¡nanacasti k'ochunacampiw atipjäwimat cusisipjjä!

Salmos 29:4

Tatitun arupajj wali ch'amaniwa, Tatitun arupajj muspharcayawa.

Éxodo 23:8

“Janipuniw kollke chilltatajj catokasïtati, uca kollkesti chekapar uñjiri jakerojja janis uñjcaspa uqhamwa tucuyi; ucatsti cunatejj cheka asquïqui ucarojja janiw walt'ayquiti.

Proverbios 17:23

Ñankha lurir jakejj jan qhitins uñjcataw kollk chilltayasi, uqhamata cheka lurañäqui uca maysar k'ewiñataqui.

Proverbios 18:16

Mä wajjt'äwi churatapampejja cawqhacamas mantascaquispawa, uqham luratapampejja jilïrinacan ucarus puriscaquiwa.

Proverbios 21:14

Colerata jakeru jamasata wali amuyt'ampi wajjt'añajja, sumaptayiwa.

Eclesiastés 7:7

Jan wali lurañanacajj yatiñan jakerojj pisi amuyt'aniruw puriyi, churäwinaca chilltañasti jan waliruw chuymap tucuyaraqui.

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Amós 5:12

Nayajj yattwa walja ñankha lurapjjatanacama, uqhamarac jach'a juchanacamsa; asqui jakerojj t'akhesiyapjjtawa, kollke catokasina, quejanacansti pobrerojj janiw arjjatapctati.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Deuteronomio 16:19

Cheka cancañsti jan jumanacajj maysaru uñtayapjjamti, janiraqui jumanacajj maynit arjjatasisa, maynirusti uñisisaraqui jakenacarojj uñjapjjamti ni kollksa chilltayasipjjamti, kollke chilltayasiñajj jach'a amuyt'an jakenacarojj juyqhu tucuyi, ucatsti cheka cancañampi parlir jakenacan arunacapsa maysaruw uñtayi.

1 Samuel 25:35

Ucatsti Davidajj janc'aquiw cuntejj uca warmejj apcatayna ucanacjja catokasiraquïna, ucat saraquïnwa: —Jichhajj jan cuna llaquiniqui utamar cuttawayjjam. Cunjämatejj uñjta, arunacamjja ist'smawa, mayitamarusa jaysaracsmawa —sasa.