Proverbios 15:3 - Qullan Arunaca

³ Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Aymar Bibliia 1986

³ Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Qullan Arunaka DC

³ Tatitux taqi chiqankiwa; aski jaqinakampiru, ñanqha jaqinakampiruw uñch'ukiski.

Proverbios 15:3 Jak'a apnaqawi uñst'ayäwi

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

Job 24:23

“Diosawa jupanacarojj sumaqui jacayasqui, ucampisa sapa chellktäwipwa uñjascaraqui.

Job 28:24

Jupajj acapachjja mä thiyata mä thiycama uñji, uqhamaraqui alajjpachat aynacharu utjqui ucanacsa.

Job 31:4

¿Diosajj janicha luräwinacajj uñjqui? ¿Janicha take sarnakäwejjsa uñtanqui?

Salmos 33:13

Tatitojj alajjpachatpach uñtani, take jakenacaruw uñjaraqui;

Proverbios 15:4

Suma arunacajj jacaña kokjamawa, ucampis jan wali arunacajj jaken chuymaparojj usuchjiwa.

Proverbios 5:21

Jaken sarnakäwipasti Tatitun suma uñjatawa, jupasti take luräwinacapwa uñji.

Jeremías 16:17

Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Jeremías 23:24

¿Qhitis nayan nayräjjatjja imantasispajja? Alajjpachasa, acapachasa nayampi phokhantatawa. Naya Tatituw ucjja sista.

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Zacarías 4:10

Qhitinacatejj jani yäkapcänti jisc'a kalltäwinacjja, ucanacasti jichhajj cusisipjjaniwa Zorobabelan uca luräwinac tucuyjjatapatjja’ sasa. Uca khepatsti angelajj yapt'araquiwa: “Aca pakallko lamparanacasti Tatitun nayranacapawa, ucasti uñch'uquiyasquiwa take acapacharu.”

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.