Proverbios 13:21 - Qullan Arunaca

²¹ Jucharar jakenacajja jan walt'añampi arcnakatäpjjewa, ucampis asqui jakenacajja asquinacwa catokapjjani.

Aymar Bibliia 1986

²¹ Jucharar jakenacajja jan walt'añampi arcnakatäpjjewa, ucampis asqui jakenacajja asquinacwa catokapjjani.

Qullan Arunaka DC

²¹ Jucharar jaqinakax jan walt'añampi arknaqatäpxiwa, aski jaqinakasti suma churäwi katuqapxani.

Proverbios 13:21 Jak'a apnaqawi uñst'ayäwi

Génesis 4:7

Jumatejj cunatajj asquïqui uc lurasma ucqhajja ¿Janit jach'ar aptatäcaraquismajja? Ucampisa juman jan asqui luratam laycojja juchajj jac'amancascaraquiwa, jumar apnakañ munaractam, ucampis jumajj atipjañamawa” sasa.

Salmos 140:11

Lacarar jakejj oraken jan acht'pati, khoru jakerusti chijejj arctpan.

Salmos 32:10

Ñankha lurir jakenacajj llaquinacampiw t'akhesipjjani; Tatitur iyawsir jakenacarusti qhuyapayasiñapaw muyunti.

Salmos 54:5

Jupaw uñisirinacajjan ñankha luratanacapjja, jupanac pachpar cutt'ayani. ¡Arsutam phokherïtam laycuy jupanacar t'unjam! Nayasti chuymajjat mistquir loktäwi catuyäma, asqui sutimar yuspagarasaw k'ochüma;

Proverbios 11:31

Asqui jaketejj aca oraken mutuñ catokchejja, ¡ucat juc'ampwa ñankha jakesa, jucharar jakesa mutuñ catokani!

Proverbios 13:13

Qhititejj yatichäwiru jisc'achcani ucajja, t'akhesiniwa, ucampis qhititejj camachi arunacaru ist'cani ucajja, churäwi catokani.

Proverbios 17:13

Qhititejj asqui luratata ñankhampi cutiyqui ucan utapatjja, janipuniw jan wali lurañanacajj saraktcaniti.

Proverbios 24:16

asqui jakejj pakallk cutis aynacht'canejja, cutjtascaquiniwa, ucampis jucharar jakejj jan walt'añapanjja k'alawa aynacht'ani.

Isaías 47:11

Ucampis jumjjarojj jan walt'añaw jutani, ch'amacaninacan luratapampisti janiw jarct'cätati; jumjjarojj mä jach'a jan walt'añapuniw jutani, janiraquiw ucat khespcätati; mä jach'a t'akhesiñaw jutani, ucsti janiw jumajj suycäyätati, acatjamatwa jumjjaru jutani.

Ezequiel 7:5

“Naya Tatituw arsta: Amuyasim, tucuyan puriniñapajj jac'ancjjewa, jan walt'añanacasti may mayaraquiw jutani, juman tucusiñamasti niyaw jac'ancjjaraqui.

Números 32:23

Ucampisa janitejj uqham lurapcäta ucqhajj Tatitu contraw jucha lurasipcta, ucatsti mä uruw uca juchanacatjja mutuyäwejj purinini.

Hechos 28:4

Uca islanquirinacasti uqham Pablon amparapan catari warcusir uñjasinjja, jupanac puraw parlarasipjje: —Aca chachajj jake jiwayirïpachawa. Kotat khespincchi ucasa, juchapat jiwañapapunïpachawa —sasa.