Proverbios 12:13 - Qullan Arunaca

¹³ Ñankha lurir jakejj jupa pachpan c'arisitanacapampiwa q'ituntasisqui, ucampis asqui jakejja t'akhesiñatjja mistuquipuniwa.

Aymar Bibliia 1986

¹³ ñankha lurir jakejj jupa pachpan c'arisitanacapampiwa q'ituntasisqui, ucampis asqui jakejja t'akhesiñatjja mistuquipuniwa.

Qullan Arunaka DC

¹³ Ñanqha lurir jaqix pachpa k'arisitapampiw k'ithuntasi, aski jaqisti jan walt'añanakatxa mistukipuniwa.

Proverbios 12:13 Jak'a apnaqawi uñst'ayäwi

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

2 Samuel 4:9

Davidasti saraquïnwa: —Nayasti juramentompiw sapjjsma Tatitun sutipjjaru, jupaw nayarojj take jan walt'añat khespiyitu,

1 Reyes 2:23

Uqham sasinsti, Salomón reyejj Tatit laycuw juramento luräna: “Diosajj nayarojj mutuyitpan uqhamarac juc'amp yapt'araquitpan, aca arunacjja Adoniasajja jacañapa tokequiwa parli.

Salmos 34:19

Asqui jakejj jan walinacamp t'akhescchi ucasa, Tatituw take ucanacat waysu;

Salmos 34:20

jupaw takpach ch'aqhanacap imasqui, janiw mä ch'aqhapas p'acjatäcaniti.

Salmos 5:6

c'arinacarojj t'unjtawa; ch'ojjña chuyman jakenacampiru, jake jiwayirinacampirojj uñisnuctawa.

Salmos 59:12

Take arsutanacapampiw juch lurapjje, jach'a jach'a tucuñapar chincatatäpjjpan, c'ari juramentonacamp chinuntayasipjjpan.

Salmos 59:13

K'apisiñamajj jupanacar tucjpan, jupanacajj jiwarapjjpan, Jacobon marcapar Diosan apnakatap yatipjjpan, acapach tucuscam apnakerïtap yatipjjaracpan.

Salmos 64:8

pachpa arunacapaw aynacht'añarojj puriyani, jupanacar uñjirinacasti larusipjjaniwa.

Proverbios 10:8

Yatiñanïqui ucajj yatichäwi arunacjja catokasiwa; jan wali parlir jakesti tucusiñaruwa puri.

Proverbios 11:8

Diosajj asqui jakerojj t'akhesiñatjja khespiyiwa, ucatsti jupa lantejj jucharar jakeruwa t'akhesiñaru uchi.

Proverbios 15:2

Yatiñan jakenacajj yatiñ cancañampiw parlapjje, ucampis jan amuyt'an jakenacajja lokhe arunacacwa parlapjje.

Proverbios 18:21

Jiwañas jacañasa parlatatjamwa waquisi; qhitinacatejj sinti parlapqui ucanacajj jan walt'añampiwa t'akhesini.

Proverbios 21:23

Qhititejj suma amuyt'ampi cunsa parlqui ucajja, janipuniw jan walt'añanacarojj mantquiti.

Proverbios 6:2

juma pachpawa sipita uscusisctajja; juma pachpan arunacamaruraquiw jalantasctajja.

Eclesiastés 7:18

Jan sinti inampst'añampi atipjayasimti, jan ucasti wali amuyt'asisa sarnakam. Qhititejj Diosar ajjsarqui ucajja, take acanacampejja asquiruw mistsuni.

Daniel (hebreo) 6:24

Uca khipatsti reyin arsutapatwa, cawquïri jakenacatejj Daniel toke jan wali amtapcatayna ucanac jawsayanitayna, warminacapa, wawanacapamppacha, jupanacasti leonanacan putunacaparu jakontatäpjjänwa; janïraw leonanacan putunacapa mankharu puripcänti ucapachaw jupanacjjaru leonanacajj jaljjatasin jisc'a jisc'a wicanokapjjäna.

Mateo 27:25

Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.

2 Pedro 2:9

Uqhampï Tatitojj wawanacapar jan walinacat khespiyañ yatejja, uqhamarac jan wali jakenacar taripäwi urutac imañsa, mutuyatäpjjañapataqui.