Proverbios 11:11 - Qullan Arunaca

¹¹ Asqui jakenacan suma luratanacapampiwa marcajj jach'ar aptasi, ucampis jucharar jakenacan arunacapasti tucjiwa.

Aymar Bibliia 1986

¹¹ Asqui jakenacan suma luratanacapampiwa marcajj jach'ar aptasi, ucampis jucharar jakenacan arunacapasti tucjiwa.

Qullan Arunaka DC

¹¹ Aski jaqinakan suma luratanakapampiw markax jach'apti, ñanqha lurir jaqinakan arunakapasti markarux tukjiwa.

Proverbios 11:11 Jak'a apnaqawi uñst'ayäwi

Génesis 45:8

Uqhamasti Diosaw aca chekarojj qhitanitu janiw jumanacati. Juparaquiw faraonan utapansa mä jach'a jilïrit uscutu, uqhamaraqui aca Egipto marcan gobernadorapatsa ucharaquitu.

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

Job 22:30

Jupaw khespiyascätam jan juchanïcsta ucajja, juchamatsa k'omachatästa ucajja.”

Proverbios 11:10

Asqui jakenacan nayrar sartatapatjja marcajj cusisiwa; ñankha jakenacan jiwatapatjja cusisiñat t'iscti.

Proverbios 11:12

Jan amuyt'an jakejj jake masiparojj jisc'achiwa, ucampis amuyt'ani jakejja amuquïsquiwa.

Proverbios 14:34

Cheka cancañajj mä marcarojj jach'aptayiwa, ucampis juchajj p'enkachayiwa.

Proverbios 28:2

Cunapachatejj mä marcan jan walt'añanacajj utji ucqhajja, apnakerinacapajja waljaw jakortapjje, ucampis suma yatiñampi apnakerejj yatiwa sum apnakaña.

Proverbios 29:8

Ojjoñanacan sarnaker jakenacasti marcarojj ch'ajjwanacwa apti, ucampis yatiñan jakenacajj marcarojj sumancañwa utjayi.

Eclesiastés 9:15

Ucampis uca marcanjja yatiñan mä pobre jakew utjäna, yatiñapampejj uca marcarojj khespiyasapänwa, ucampis janiw qhitis jupatjja amtascänti.

Santiago 3:6

Lajjrajj mä ninampi sasiwa. Mä jan walinac luririwa janchisanqui, ucatsti cuerppachwa k'añuchejja. Pachpa infiernon aktayatawa, ucatsti take jacañasanwa naqharaqui.