Proverbios 10:6 - Qullan Arunaca

⁶ Asqui jakjjaruwa Tatitun bendicionanacapajj juti, ucampis ñankha jakerusti jan wali luräwinacawa aynacht'ayi.

Aymar Bibliia 1986

⁶ Asqui jakjjaruwa Tatitun bendicionanacapajj juti, ucampis ñankha jakerusti jan wali luräwinacawa aynacht'ayi.

Qullan Arunaka DC

⁶ Aski jaqirux Tatituw aski waxt'äwinakapamp phuqt'i, ñanqha jaqirusti, jan wali luräwinakapaw aynacht'ayi.

Proverbios 10:6 Jak'a apnaqawi uñst'ayäwi

Ester (hebreo) 7:8

Reyisti jardinata cutt'anisasti mantjjänwa mank'añ fiesta lurapcäna uca utaru, ucatsti uñjänwa Amán chacharu reina Esterajj cawqhantejj winct'atacäna uca jipïña jac'aru quillcatata. Ucat uqham uñjasinsti reyejj jach'at art'äna: —¿Jumasti reinaru p'enkachañti munaraquicta nayan nayrakatajjana uqhamarac utajjana? —sasa. Uqhama reyin jach'at arsutap ist'asinsti janc'aquiw guardiancapqui uca oficialanacajj Amán chachan ajanupa imantapjjäna.

Job 29:13

Qhititejj aynacht'atäcän ucasti nayarojj yuspagaritänwa; yanapatajjasti ijma warminacarojj cusisiyänwa.

Salmos 107:42

Asqui jakenacajj uc uñjasajj cusisipjjewa, ñankha lurir jakenacasti lacap lluphantasipjje.

Proverbios 10:11

Asqui jaken arunacapajj, jacañ churir arunacawa, ucampis ñankha jakerusti jan wali luräwinacawa aynacht'ayi.

Proverbios 10:5

Qhititejj waquisitaparu yapu apthapqui ucajja, amuyt'asiri jakewa, ucampis qhititejj yapu apthapiña horasana iquisqui ucajja p'enkachatäniwa.

Proverbios 11:26

Qhititejj trigonac catuntasin imantqui ucajja, jaken uñisitawa, ucampis qhititï masipar aljqui ucajja, suma jaket uñt'atawa.

Proverbios 24:25

Ucampis qhitinacarutejj mutuyapcani ucanacajja cusisitaw jacapjjani, jakenacasa jupanacarojj bendiciraquini.

Proverbios 28:20

Cheka lurir jakejj jach'añchatäniwa; qhititejj sallkjañampi mäqui kamiriptqui ucajja, juchañchatäniwa.

Proverbios 3:33

Ñankha lurir jaken utaparojj ñankhachiwa, ucampis asqui jaken utaparojja asquimpiw phokt'i.

Isaías 3:10

Ucampis cusisiñaniw asqui jakejja, jupataquisti take cunas waliquïscaniwa. Asqui luratanacapatsti cusisiraquiniwa.

Abdías 1:10

“Jichhajj sinti p'enkachjataw uñjasïta, uqhamarac wiñayatac tucjatäyätawa, Jacob jilamaru chhojjriñchjatamata, uqhamarac jupar jiwayatamata.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

Deuteronomio 28:2

Ucampis take aca bendicionanacaw jumataqui jutani, Diosamar ist'atam laycu.