Proverbios 10:25 - Qullan Arunaca

²⁵ Cunjämatejj jach'a tutucajja mäqui pasawayejja, uqhamawa jucharar jakejj mäqui chhaktawayjje, ucampis asqui jakejj wiñayataquiwa jacasqui.

Aymar Bibliia 1986

²⁵ Cunjämatejj jach'a tutucajja mäqui pasawayejja, uqhamawa jucharar jakejj mäqui chhaktawayjje, ucampis asqui jakejj wiñayataquiwa jacasqui.

Qullan Arunaka DC

²⁵ Jach'a tutukax mäkiw sarakipi, ñanqha jaqisti mäkiw chhaqtawayxi, aski jaqikiw wiñayatak jakaski.

Proverbios 10:25 Jak'a apnaqawi uñst'ayäwi

Job 17:9

Jupanacajj asquitwa uñt'asipjje, jan cuna jucha luririw tucupjjaraqui.

Job 20:8

Samcjamaquiw chhaktawayjjani, aruma samcar uñtata, janipuniw qhitis jicjjatirjamäcaniti.

Job 21:18

¿Cunapachas jupanacajj t'unar uñtata willinucutäpjjänjja? ¿Cunapachas jupanacarojj thayas aparaquejja?

Salmos 125:1

Tatitur takpach chuymamp iyawsirinacajj jan onjjtcayäpjjewa; Sión kollur uñtatäpjjewa, wiñayataquiw sayt'asipjje.

Salmos 15:5

qhititejj kollke mayt'asin jalaktap jan apsqui uca, jan juchanir aynacht'ayañatac kollk jan catokasqui uca. Qhititejj uqham lurasapun sarnakqui ucajja, janipuniw aynacht'caniti.

Salmos 58:10

Asqui jakesti, uqhämat uqhäm apsur uñjasajj cusispan, ñankha luririnacan wilapamp cayunacap wilachsuspan.

Salmos 58:9

Janïr sum alintquipan ch'aphinacjam naqhantapjjpan, ch'ojjña korar uñtat jiq'inucutäpjjaracpan.

Proverbios 1:27

uqhamarac cunapachatï jumanacar jutcani ajjsarañanacasa, jan walt'añanacasa, llaquisiñanacasa, aykoñanacasa, mä take tucjiri jach'a tutucjama ucqhajja!

Proverbios 10:30

Asqui jakejj janipuniwa aynacht'añaru purcaniti, ucampis ñankha jakejj janiw aca oraken jaccaniti.

Proverbios 12:3

Jan wali lurañajj janiw qhititaquis suma kalltäquiti, ucampis asqui jakenacajja asqui luratapampejja sumaw sayt'ani.

Proverbios 12:7

Ñankha jakenacajj aynacht'apjjewa, ucatsti ucaraquiw tucuyapajja, ucampis asqui jaken utapasti janiw tucjatäcaniti.

Isaías 40:24

Ucqha horasa ayruntata chhuyu alinacampi sasiwa, jichhaquis saphintasipcaspa uqhama. Diosatejj jupanacjjaru phust'anchejja, jupanacajj ancuntjjapjjaquiwa, tutuca thayasti jupanacarojj mä t'unäcaspas uqhamwa apasjjaraqui.

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

1 Timoteo 6:19

Uqhamatwa yänacapajj utjani khepüru sum sayt'añapataqui, uqhamata wiñay jacaña catokapjjañapataqui.

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.