Oseas 7:9 - Qullan Arunaca

⁹ Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Aymar Bibliia 1986

⁹ Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Qullan Arunaka DC

⁹ Jaya markankir jaqinakaw ch'amapsa tuksuwayxi, jupasti uk janiw amuyaskiti. ¡Ñik'utanakapas qaqakamakïxiwa, ukatsa janikiw amuyaskiti!

Oseas 7:9 Jak'a apnaqawi uñst'ayäwi

2 Reyes 13:22

Siria marcanquir Hazael reyejj Israel marcaruw t'akhesiyäna, Joacaz reyejj jacascäna ucqhajja.

2 Reyes 15:19

Ucatsti Asiria marcana Pul sat reyipawa Israel oraker catuntir jutäna. Ucatsti Manahem reyejj juparojj quimsa tunca quimsani waranka kilo kollkenaca churäna jupan apnakäwiparu ch'amañchasin yanapt'añapataqui.

Proverbios 23:35

ucatsti sätawa: “Nuwapjjetuwa, ucatsti janiw usquituti; jawk'apjjetuwa, janiw amuyascti, ucampis iquit sartasinjja wastataw juc'amp vino thakeri sarä” sasa.

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 48:8

Jumajj janipuniw cunapachas ucanacatjja ist'cayätati, yatcaraquiyätasa, okarapun ucanacataquejj tucutam laycu. Nayajj yatiyätwa juman jan cheka chuymanïtamjja, nacïwimatpachwa jan ist'asirit uñt'atätajja.

Isaías 57:1

Asqui jakenacajj jiwarawayjjapjjewa, janiraquiw qhitis llact'asquiti; suma jakenacasti chhaktawayjjapjjaraquiwa, janiraquiw qhitis ucjja amuyquiti, jupanacan ñankhata khespitäjjapjjatapjja,

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.