Oseas 7:8 - Qullan Arunaca

⁸ “Efrainajj yakha marcanacampiw sarnakjje. Efrainajj maysäjjat khatit tortjamaquiwa tucuwayjje.

Aymar Bibliia 1986

⁸ “Efrainajj yakha marcanacampiw sarnakjje. Efrainajj maysäjjat khatit tortjamaquiwa tucuwayjje.

Qullan Arunaka DC

⁸ “Israel markax yaqha markanakampiw mayachasxi. Jan suma qhatit t'ant'jamaw tukuwayxi, maysäxax suma qhatita, maysäxasti ch'uqïskaraki ukhama.

Oseas 7:8 Jak'a apnaqawi uñst'ayäwi

1 Reyes 18:21

Ucatsti Eliasajj take jakenacar jac'achasisajj sänwa; —¿Cunapachcamasa jumanacajja pä chuyma sarnakapjjätajja? Tatitutejj cheka Diosächi ucajja, jupar arcapjjam, jan ucajj Baal diosatï chekächi ucajja, juparuwa arcapjjañamajja —sasa. Jakenacasti janiw camsapcänsa.

Esdras 9:1

Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Esdras 9:12

Ucjjarusti sapjjaraquistawa jan phuchanacajja yokanacapampi casarañanacajja, ni phuchanacapsa yucanacajjampi casaraña munañanacajjsa, uqhamarac janipuni cunapachas jupanacan samarañanacapa, sumancañanacapsa munañanacajja, uqhamata nanacajj ch'amani sarantañanacajjataqui, orakena suma cusisita jacañanacajjataqui, ucatsti nanacat saraker wawanacajjsa jupan herenciapata wiñayataqui jaytañanacajjataqui.

Salmos 106:35

Diosar jan uñt'ir jakenacampiw chicachasipjjäna, luräwinacap yatekasipjjäna:

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 5:7

Tatitutaquejj janiw take chuymäpcänti, ucatpï wawanacapas yakha awquinïpjjaraquejja. Uqham yakhampïpjjatap laycusti, mä phajjsinacwa orakenacapajj k'ala tucjatäni.

Oseas 7:9

Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Sofonías 1:5

Uqhamaraquiwa tucjaraquï cawquïri jakenacatï uta patanacar mistusina warawaranacar yupaychapqui ucanacarusa, ucatsti cawquïri jakenacatï quillt'asisina juramento lurapqui nayan sutejja aytasisina, uqhamarac Milcom sat diosan sutip aytasisasa, ucanacarojja.

Malaquías 2:11

Judá marcasti janiw phokcjjeti Diosampi arust'äwiru mantatapjja, ucatsti wali jach'a juchanacaw Jerusalén marcana, uqhamaraqui Israel orakensa lurasi. Judá marcasti jan wali sarnakañanacampiw Diosan munat kollan templopjja k'añuchi, Judá marcanquir jakenacajj yakha c'ari diosanacar yupaychir warminacampiraquiw casarasipjje.

Mateo 6:24

“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.