Oseas 7:1 - Qullan Arunaca

¹ cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Aymar Bibliia 1986

¹ cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Qullan Arunaka DC

¹ Nayax markaxaruw qhispiyañ munta, ukampis jupanakax walja juchanak lurapxi. Taqinis k'arikamakiwa; utanakar mantasin lunthatsupxi, marka thakhinakan jaqinakat lluch'supxi.

Oseas 7:1 Jak'a apnaqawi uñst'ayäwi

Isaías 28:1

¡Ay Samaria, Efrainan jach'a jach'a tucuñapa, uqhamaraqui machiri marca; ancuntat pankaranacampi lurat pankar arco, uca suma valle patan utjasiri jakenacapas vinompi atipjata jakenaca!

Isaías 59:12

Nanacaw jumarojj wal chuyma usuyapjjsma, pachpa juchanacajjaraquiw jichhajj juchañchasipquitu; nanacan jucha luratanacajjasti nanac chicaraquiwa, ñankha luratanacajjsti uñt'asipjjaractwa.

Isaías 59:13

Tatitutaquiw sayt'astanjja, chuymanacasansti janiraquiw jupatacjamäctanti, Diosasarusti janiraquiw arcañ muncayätanti, jaker nuwañampita jan wali lurañampitacpunwa parlascayätanjja, mayninacar sallkjañataquiquiw take cunsa amtascäyätanjja.

Isaías 59:14

Cunatejj chekapäqui ucasti jisc'achataraquïnwa, cunatejj chekapäqui ucsti jayaruquiw utjaytanjja, cheka chuymanïñasti plazanjja janiw walt'ayquistänti, jan lunthatäñasti janiraquiw acanccaspati.

Jeremías 51:9

Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Ezequiel 16:46

Amsta tokensti jilïri cullacamaw ucancänjja, ucasti Samaria marcawa, jisc'a marcanacapampi cuna, aynach tokensti sullca cullacamaw ucancaraquïnjja, ucasti Sodoma marcaraquiwa, jisc'a marcanacapampi cunaraqui.

Ezequiel 23:4

Jilïristi Ahola satänwa, (ucajj Samaria marcaruw uñtasi), cullacapasti Aholiba sataraquïnwa (ucasti Jerusalén marcaruw uñtasiraqui). Jupanacasti nayan warminacajjänwa, nayataquisti yokall wawanaca, uqhamaraqui imill wawanaca utjayarapipjjetänjja.

Ezequiel 24:13

“Jerusalén marca, nayajj munañamaru sarnakasin k'añuchasitanacamatjja k'omachañwa munayäsma, ucampisa janiw k'omachatäctati. Cunapachatejj nayajj jumjjaru colerasiñajja wartanï ucapachaquiw k'omachata uñjasïta.

Oseas 10:5

Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.

Oseas 11:12

“Efrainajj c'arimpiw muyuntitu; Israel marcasti sallkjañampiraqui. Judästi Diosatjja jithekjjaraquiwa, jichhasti yakha diosanacaruw take chuyma arcaraqui.”

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Oseas 12:2

Tatitojj Israelampejj ch'ajjwaniwa. Jacobon marcaparusti sarnakäwipatjamawa mutuyani; luräwinacapatjamracwa pago catokapjjani.

Oseas 4:17

Efrainajj yakha diosanacar yupaychañaruw catuyasjje takeniw umat tama jakenacäpcaspas uqham liwirtawayapjje. Mayampi mayampwa wachoka jucha lurapjje, suma jach'añchäwit sipansti p'enkachatäñacwa munapjje.

Oseas 4:2

C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Oseas 6:4

Tatitojj siwa: “¿Cunsa lurä jumampejj, Efraín? ¿Cunsa lurä jumampejj, Judá? Jumanacan munasiñanacamajj nayataquejj alba urpur uñtataquiwa, khantati sullar uñtataquiraquiwa, ucatsti mäquiraquiw chhaktawayjje.

Oseas 7:13

“¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Oseas 8:5

¡Samaria, jumajj vaca kalluru yupaychcta ucajj ajjtasiyituwa! Colerasiñajjasti jupa contraraquiw sarti. ¿Cunapacharac israelitanacasti k'oma uñjasjjapjjpachäni?

Oseas 8:9

Asiriaru yanapa mayir saratap laycu, mä jan amuyani monte asnöcaspas uqhama. Efrainasti wajjt'äwinacwa churi munirinacap alasiñapataquejja.

Amós 3:10

Aqham siw Tatitojja: “Janiw cheka lurañjja yatipquiti, palacionacaparusti ch'amamp lunthatat yänacaqui imapjjejja.”

Amós 3:9

Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Amós 8:14

Samaria marcanquir c'ari diosanacat juramento luririnacajja, qhitinacatejj sapqui: ‘Dan marcan diosap laycu,’ ‘Beerseba marcan diosanacap laycu’ sasa; ucanacajj jan mayamp sartquiriw tincurapjjani.”

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Mateo 23:37

“¡Jerusalén, Jerusalén, jumawa profetanacarojj jiwaytajja, Diosan qhitanitanacaparusti kalampiraquiw c'upjaractajja! ¡Nayasti kawkha cutiraquiw jumanacarojj tantacht'añ munapjjäyäsmajja cunjämtï mä wallpajj jisc'a chhiwchhinacaparojj jawsthapqui uqhama, ucampis janiw munapctati!

Lucas 13:34

“¡Jerusalén, Jerusalén, jumajj profetanacarus jiwayta, Diosajj qhitanctam ucanacarus kalampiraquiw c'upjta! ¡Kawkha cutiraquiw nayajj jumanacar anthapiñjj munäyäta, cunjämtejj wallpajj chhiwchhinacapjja chhekhap mankherojj khomjjarusi uqhama, ucampis janiw munctati!

Lucas 19:42

saraquïnwa: —¡Jichhüru urumanacsa suma amuyt'asisma cunatejj jumarojj sumancañ churiristam ucjja! Ucampis jichhajj imantataw ucajja, janiw uñjcasmati.