Oseas 13:16 - Qullan Arunaca

¹⁶ Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Aymar Bibliia 1986

¹⁶ Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Qullan Arunaka DC

¹⁶ 16 (1) Samaria markasti, Tatitur saykatasitapat mutuyäwi katuqani. Espadampi jiwarayatäpxaniwa, wawanakapas uraqir jisktaskam jiwarayatäniwa, usur warminakas payar kharjatäpxarakiniwa.

Oseas 13:16 Jak'a apnaqawi uñst'ayäwi

2 Reyes 15:16

Ucatsti Manahem reyejj Tifsa marcjja k'alwa tucjäna, uqhamarac apararaquïna cunanacapatejj orakenacapan utjcäna ucanacsa, Tirsa marcat kalltasina, uqhamaraquiw take usur jake warminacarus puracanacapa jist'jäna. Jupasti ucjja luränwa, marcan puncunacapa jan jist'arapjjatap laycu.

2 Reyes 17:18

Ucatwa Tatitojj colerasïna Israel marcataquejja, ucatsti jupan nayrakatapatjja jakonucünwa, Judá tribu sapacwa jilt'ayäna.

2 Reyes 17:5

Ucatjja Salmanasar reyejj Judá orakpacharu mantasinwa Samaria marcar nuwantäna, uqhamsti quimsa maraw jan sayt'asa luräna.

2 Reyes 17:6

Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

2 Reyes 8:12

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Isaías 13:16

Jupanacan uñjcataw jisc'a wawanacaparojj oraker jisctas jiwarayapjjani; utanacapas aparataraquïniwa, warminacapas warmisitaraqui.

Isaías 17:3

Efrainasti, qhititejj Israelan jach'achasiñapäqui ucajj janiw mayampis mä jach'a ch'amani marcapajj utjcjjaniti; uqhamaraquiw Damascosa, cunatejj Siriat kheparqui ucajja, janiw juc'ampi mä reino tucjjaniti. Uqham siw take ch'amani Tatitojja.

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Oseas 10:2

Israelan chuymapajj payar jaljtatawa, jichhasti juchanacapatjja mutuyataraquïniwa. Tatitojj altaranacapjja t'unthapiniwa, kollana kalanacapsa pampa tucjaraquini.

Oseas 11:6

Marcanacapasti espadan tucjataraquïniwa, sayt'asiñ perkanacapasti tucjataraquïniwa, jupanacan pachpa amtatanacap laycu.

Oseas 7:14

Iquiñansti wararisipcaraquiwa, ucampis janiw take chuyma nayar art'asinipquituti, nayat trigsa, vinsa mayiñataquejj yakha diosani jakenacjamaw chhojjriñchnokasipjje. ¡Naya contraw sayt'asipjjaraqui!

Amós 1:13

Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Amós 3:9

Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Amós 9:1

Uñjtwa Tatiturojj altar jac'ana, ucatsti saraquiwa: “Uta perkar c'uphantam umbralanacap onjjtayañcama, ¡ucat uca perkajj jakenacjjaru alljattasin jiwaypan! Kheparapcani ucanacarusti ari espadampcamaw jiwarayäjja; inaquiw jaltañsa munasipcani, janipuniw maynis khespcaniti.

Miqueas 1:4

Jupan jutataparusti kollunacajj pampaw tucuni, cunjämatejj liq'ejj ninar uñacht'ayatajj umatatqui uqhama, vallenacasti payaruw jist'jtapjjani, jalquir uman qharjatjama.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Nahúm 3:10

ucampis wasarar apatänwa; wawanacapas calle esquinanacanjja orakercam jisctatänwa; jach'a jilïrinacapjjarusti suertenacwa jaktapjjänjja, jilïrinacapasti cadenampi ñach'antataraquïnwa.