Oseas 12:3 - Qullan Arunaca

³ Jacobojj, janïra nascasapuniw jilaparojj ñankha luränjja, chachäjjän ucqhasti Diosampiw nuwasiraquïna.

Aymar Bibliia 1986

³ Jacobojj, janïra nascasapuniw jilaparojj ñankha luränjja, chachäjjän ucqhasti Diosampiw nuwasiraquïna.

Qullan Arunaka DC

^3-4 3-4 (4-5) Jacobux, janïra yurkasapuniw jilaparux sallqjäna, jach'äxän ukkhasti Tatituw jupar Betel chiqan uñstäna. Ukansti mä angelampiw nuwasïna, ¡juparusti atipjänwa! Ukatsti jacht'asisaw juchapat pampachayasiñatak Tatitur mayisïna, Tatitusti pampachänwa.

Oseas 12:3 Jak'a apnaqawi uñst'ayäwi

Génesis 25:26

Ucjjarusti jilaparaquiw nacïna, Esaú jilapan cayupat catt'ata, ucatwa Jacob sasa sutichapjjäna. Isaacasti sojjta tunca maranïnwa cunapachatejj Rebeca warmipajj wawachascän ucapachajja.

2 Reyes 17:18

Ucatwa Tatitojj colerasïna Israel marcataquejja, ucatsti jupan nayrakatapatjja jakonucünwa, Judá tribu sapacwa jilt'ayäna.

2 Reyes 17:20

Ucatsti Tatitojj jakonucünwa israelitanacata sarakeri take familianacaparu, jisc'ar tucuyañcama, lunthatanacan amparanacaparu catuyasina, jupan nayrakatapata jakonucuñcama.

2 Reyes 17:23

Tucuyarusti Tatitojja jupan nayrakatapatjja apakänwa Israel marcaru, cunjämatï Tatitojj yatiycäna sirviri take profetanacap toke, ucatsti Israel marcajj Asiria marcaruwa preso apayatäna, ucanracwa jichhürcama jicjjatasisqui.

Jeremías 2:9

“Ucatwa naya, Tatitojj, arsta: Mä juchañchäwi lurä jumanacampi uqhamarac allchhinacamampisa.

Ezequiel 7:3

Israel, juman tucusiñamajj purinjjewa. Jumjjarusti colerasiñajjwa wartanëjja; sarnakäwinacamatsti wayt'araquïmawa, ajjtascaña luräwinacamatsti mutuyaraquïmawa.

Ezequiel 7:8

Jichhpacha, janc'aquiraquiw colerasiñajj jumjjaru warjjatanëjja, ucqhaqui sañcama, take sarnakäwinacamatsti cuenta wayt'araquïma, take ajjtascaña luräwinacamatsti mutuyaraquïmawa.

Oseas 4:1

Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Oseas 4:9

Aca marcarusa, sacerdotenacarjamaraquiw mutuyaraquëjja jan wali sarnakäwinacapatjja,

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Miqueas 6:2

Jumanacas kollunaca, ist'apjjaraquim, uqhamarac jumanacas oraken kalltäwinacapa; Tatitojj marcapar juchañchañataquiw sarti; Israelampisti ch'ajjwañaruw mantapjjani.

Romanos 9:11

Janïra jupanac nasquipanwa, janiraqui walsa jan walsa lurcän ucapachaw Diosajj Rebecarojj aqham säna: “Jilïri wawamajja sullca wawaman sirviripäniwa” sasa. Acasti cunatejj kellkatäqui ucampejj phokhasiraquiwa: “Wal munäyät Jacoborojja, ucampis uñisïyätwa Esaurojja” satampi. Uqhamatwa Diosan munañaparjam ajllisiñajj phokhasjje jupan amtataparjama, qhitinacarutejj jawsqui ucanacan luratanacap jan yäkasa.