Oseas 10:6 - Qullan Arunaca

⁶ Uca pachpa vaca kallus Asiriaru apataraquïniwa, ucan jach'a reyiru churañataqui. Uqhamwa Efrainajj p'enkachjat uñjasini; Israelasti uca yakha diosapatjja p'enkasiraquiniwa.

Aymar Bibliia 1986

⁶ Uca pachpa vaca kallus Asiriaru apataraquïniwa, ucan jach'a reyiru churañataqui. Uqhamwa Efrainajj p'enkachjat uñjasini; Israelasti uca yakha diosapatjja p'enkasiraquiniwa.

Qullan Arunaka DC

⁶ Uka pachpa vaca qallux Asiria markar jach'a reyir churañatak apatarakïniwa. Israelasti ukham p'inqachjataw uñjasini; uka yaqha diosapat p'inqasirakiniwa.

Oseas 10:6 Jak'a apnaqawi uñst'ayäwi

2 Reyes 17:3

Ucatjja Oseas reyirojj Asirianquir Salmanasar sat reyiw jutasina nuwantäna; Oseasasti jupar jaysasajj impuestonacwa jupar pagäna.

Job 18:7

Cayunacapas qhatatjjaquiniwa, pachpa sipitaparuw jalt'araquini.

Isaías 1:29

Jumanacajj uca kokanacatjja pankar yapunacamatsa, cawquïrinacatejj wali cusisiyapctam ucanacatjja p'enkasipjjätawa, uca chekanacanwa yakha diosanacamarojj yupaychapjjayätajja.

Isaías 30:3

Ucampis faraonan arjjatañapajj jumanacarojj sallkjapjjätamwa, Egipton ch'iwiparu samart'apjjatanacamas jumanacataquejj mä p'enkäniwa.

Isaías 45:16

Take qhitinacatejj c'ari diosanac lurasipqui ucanacajj p'enkachjata, jisc'achjataraquiw uñjasipjjani.

Jeremías 48:13

Ucapachaw Moab marcajj amuyasini Quemós sat diosapajj sallkjatapa, cunjämatejj Israel marcajj Betel chekan sallkjata uñjasïnjja uqhama, Israel marcasti uca Betel chekaruw alcatasiraquïna.

Jeremías 7:24

Ucampisa janiw nayarojj ist'apquituti ni jaysapcaraquitusa, jan ucasti kala chuymanacapar jaysasaquiwa ñankha lurañanacaru catuyasjjapjjejja. Nayaru uñtañcamayasti, nayatjja maysaruw uñtapjjänjja.

Ezequiel 16:28

Uqham catokcasasa, asirio jakenacampiraquiw k'añu lurañanacan sarnakaractajja; janiraquiw ucanacampis sisthapctati.

Ezequiel 36:31

Cunapachatejj jan wali sarnakäwinacamata, uqhamaraqui jan wali luräwinacamata amtasipjjäta ucapachasti jumanacpachawa p'enkasipjjaraquïta jan wali lurañanacana, juchanacana sarnakapjjatamata.

Daniel (hebreo) 11:8

Uqhamarusa, diosanacaparojj Egiptoruw apasjjani, metalat lurat diosanacapa, cunanacatejj korita, kollketa, wali jila alani yänacapas utjqui ucanacampi chica.

Oseas 4:19

¡Mä thayaraquiw jupanacarojj apasjjani, yakha diosanacar yupaychapjjatapatsti p'enkasipjjaraquiniwa!”

Oseas 4:7

“Sacerdotenacan waljanïpjjatapatsti, juc'ampiracwa naya contrajj juch lurapjje; uca laycuw nayajj jach'añchäwipsa p'enkaru tucuyaraquï.

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 8:6

Samarianquir uca vaca kallojj janiw Diosäquiti, jaken lurataquiwa, ucatwa jichhajj t'unjataraquïni.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”