Números 9:6 - Qullan Arunaca

⁶ Ucampisa mä kawkha jan k'omachat jakenacaw utjäna, jupanacan jiwat jaquir llamct'atanacap laycu; jupanacasti janiw uca urunjja Pascua fiestancapjjañapäcänti. Jupanacasti uca urpachaw Moisesan uqhamarac Aaronan ucaru sarapjjäna.

Aymar Bibliia 1986

⁶ Ucampisa mä kawkha jan k'omachat jakenacaw utjäna, jupanacan jiwat jaquir llamct'atanacap laycu; jupanacasti janiw uca urunjja Pascua fiestancapjjañapäcänti. Jupanacasti uca urpachaw Moisesan uqhamarac Aaronan ucaru sarapjjäna.

Qullan Arunaka DC

⁶ Ukampisa, mä qawqha jan q'umachat jaqinakaw utjäna, jupanakan jiwat jaqir llamkt'apxatap layku; ukat ukürux Pascua jan uruyapkänti. Jupanakasti Moisesampiru, Aaronampir parliriw sarapxäna,

Números 9:6 Jak'a apnaqawi uñst'ayäwi

Éxodo 18:15

Moisesasti awcch'iparojj saraquïnwa: —Nayan ucarusti jakenacajj jutapjjewa Diosan munañapa yatjjatañataqui.

Éxodo 18:19

Jichhasti sum ist'ita cuntejj nayajj amuyt'aycäma ucjja, Diosawa jumampïscani. Jumaw, marca lantjja Diosaru maqhatañama cuna jan walinacatejj utjqui ucanac yatiyañataqui.

Éxodo 18:26

Jupanacawa jakenacarojj take horasana jan walt'äwinacapanjja uñjapjjäna. Ucampis sinti jan walinacsti Moisesaruw yatiyapjjäna; jupanacasti cunatejj jisc'a jan walt'añanacäqui ucacwa asquichapjjäna.

Levítico 21:11

janiraquiw cawqhantejj mä amayajj callnokatäsqui ucarusa mantañapäquiti, uca amayajj awquipan jan ucajj taycapan amayapäscpasa; janipuniw ucanacampejj k'añuchasiñapäquiti.

Números 15:33

Cawquïri jakenacatejj uñjapjjäna ucanacajj Moisesampina, Aaronampina nayräjjapjjaruw irpapjjäna, uqhamarac take jakenac nayräjjaru.

Números 19:11

“Cawquïritejj mä jiwat jaken janchipa llamct'cani ucajj pakallko urunacaw k'añuchata uñjasini.

Números 19:14

“Acaw leyinacajja cunapachatejj maynejj carpa mankhen jiwani ucanacataquejja: Take cawquïrinacatejj carpa mankhen jicjjatasipjjani, uqhamarac take cawquïrinacatejj ucaru mantapjjani, ucanacajj k'añuchataw pakallko uru uñjasipjjani.

Números 19:16

“Cawquïritejj pampan mä jaken jiwayat jiwat janchipa, jan ucajj jupapachpa jiwata jaken janchipa llamct'cani, uqhamaraqui jaken ch'aqhanacapsa, sepulturanacsa llamct'cani ucasti pakallko uruw k'añuchata jicjjatasini.

Números 19:18

Ucatsti mä k'omachat jakew mä hisopo rama aptasinjja umaru juricht'ani, ucampiw carparu ch'allaquipani, vasijanacaru uqhamarac cawquïri jakenacatejj ucan jicjjatasipqui ucanacaru, uca quipcaraqui cawquïritejj ch'aqhanacsa, jiwayat jaken janchinacapsa, jupa quipca jiwcatayna ucan janchipsa, sepulturanacsa llamct'catayna ucarusa.

Números 27:2

Aca pheska cullacanacajj Tatitumpi Jiquisiñ Carpan mantañaparuw sarapjjäna, Moisesampi, Eleazar sacerdotempi, uqhamarac marcan jilïrinacapampi parliri, ucatsti aqham sapjjänwa:

Números 27:5

Moisesajj Tatituruw yatiyäna, uca warminacan mayitanacapjja.

Números 5:2

“Israelitanacarojj saraquim campamentota jakonucupjjañapataqui cawquïri jaketï lepra usunïchi, uqhamarac chhojjorasiñapatsa aywiychi, uqhamarac jiwat jaken janchipa llamct'asin k'añu tucupjje ucanacarusa.

Números 9:7

Moisesarusti sapjjaraquïnwa: —Nanacajj mä jiwat jake llamct'apjjta, ucatwa jan k'omachasipcti. ¿Uqhamasti janit nanacasti Tatitu Diosaru ofrenda loktapquiriststi, cawquïri urutejj amtatäqui uca urunjja, mayni israelitanacampi chicajja? sasa.

Juan 18:28

Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.