Números 9:14 - Qullan Arunaca

¹⁴ “Cawquïri jaya marcat jutir jakenacatejj jumanac taypina jacasipqui ucanacasti Pascua fiestjja amtapjjaraquiniwa, nayan jach'a cancañajjaru, take cawquïri yatichäwinactï churcta uqhamarjama. Uca quipca yatichäwinacaraquiw lurasini yakha marcat jutir jakenacampejja, uqhamarac marca quipcan nacir jakenacampisa.”

Aymar Bibliia 1986

¹⁴ “Cawquïri jaya marcat jutir jakenacatejj jumanac taypina jacasipqui ucanacasti Pascua fiestjja amtapjjaraquiniwa, nayan jach'a cancañajjaru, take cawquïri yatichäwinactï churcta uqhamarjama. Uca quipca yatichäwinacaraquiw lurasini yakha marcat jutir jakenacampejja, uqhamarac marca quipcan nacir jakenacampisa.”

Qullan Arunaka DC

¹⁴ “Jumanak taypin jakasir jaya markat jutir jaqinakax, Pascua uruyapxarakiniwa, nayar jach'añchasa, kawkïr yatichäwinaktix churkta ukhamarjama. Uka yatichäwinakax yaqha markat jutir jaqinakatakisa, pachpa markan yurir jaqinakatakis pachpakïniwa.”

Números 9:14 Jak'a apnaqawi uñst'ayäwi

Esdras 6:21

Pascuana mank'añäqui uca mank'atjja take israelitanacaw mank'apjjäna, qhitinacatejj jayar apayatäsina cutt'anipcäna ucanaca, take qhitinacatejj saraktanipcäna jucharar marcana jucha lurañanacapata ucanacamp chicaraqui, jupanacasti chicachasipjjänwa Israelan Diosapar yupaychañana.

Éxodo 12:43

Tatitusti Moisesampiru, Aaronampirojj sänwa: “Acawa leyejj Pascua toketjja: Janiwa qhiti jaya marcanquir jakesa, uca sacrificio loktat uywjja mank'añapäquiti.

Éxodo 12:47

Uqhamsti take israelitanacaw lurapjjäta.

Levítico 19:10

Uva yapumatsti janiw takpacha apthapïtati, janiraquiw cuna uvanacatejj willirtqui ucanacsa k'ala pallthapisïtati; ucanacjja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacan Tatitu Diosamajja.

Levítico 22:25

Uca casta uywanacsti janiraqui catokapjjamti yakha marcat jutir jakenacatjja Tatitutaqui mä mank'añäcaspas uqhama, ucanacasti usuchjata uywanacawa, uca laycu janiw jumanacatjja uca casta uywanacajj catokatäcaniti.”

Levítico 24:22

“Aca leyisti cawquïri jakenacatejj yakha marcat jutasin jumanac taypin jacqui ucanacataquiwa, uqhamarac pachpa jumanaca israelitanacataquisa. Nayätwa jumanacan Tatitu Diosamajja.”

Levítico 25:15

qhititejj alascani ucasti mä suma alapa pagañapawa, kawkha maratejj pasqui ucat suma jact'asina, cunapachatejj khespiyasiñ marajj utjcän ucqhatpacha, aljiristi kawkha maranacas uca oraket cosechsuñajj utjascaraqui ucarjamaraquiw aljañapa;

Números 15:15

Quipca leyinacaw jumanacataqui, yakha marcat jutirinacataquisa churata, uca leyisti wiñayataquïniwa, awquinacamat wawanacamaruw pasaraquini.

Números 15:16

Mä sapa ley, mä sapa luräwiquiraquiw jumanacataqui, yakha marcat jutiritaquis utjani” sasa.

Deuteronomio 29:11

wawanaca, warminaca, uqhamarac jumanac taypin yakha marcat jutir jakenaca, lawa apanirit sipana uma apanirimppacha,

Deuteronomio 31:12

Ucapachasti takpach marcaw tantachasiñapa, take jakenaca, warminaca, wawanaca, uqhamaraqui cawquïri yakha marcat jutir jakenacatï jumanac taypin jacqui ucanacasa, uqhamat uca leyinac leet'asiri ist'apjjañapataqui, uqhamat Tatitu Diosamar jaysaña yatekapjjañapataqui, uqhamaraqui uca leyinacas sisqui uqhamarjam sarnakapjjañapataqui.