Números 7:89 - Qullan Arunaca

⁸⁹ Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.

Aymar Bibliia 1986

⁸⁹ Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.

Qullan Arunaka DC

⁸⁹ Moisesax Tatitump parlañatak Jikisiñ Carpar mantkän ukapachasti, Tatitun jupar parlaskatap ist'äna, arust'äwi arcan qhuphiñ patapankir pä querubines sat chhiqhaninak taypita.

Números 7:89 Jak'a apnaqawi uñst'ayäwi

1 Reyes 6:23

Ucjjarusti luraraquïnwa olivo maderata pä angelanaca chhekhancama Kollana Chekawjataqui. Sapa maya angelanacasti altorojja pusi metro chicatancamänwa,

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Salmos 99:1

¡Tatitojj reyiwa! Reyi konuñapajj angelanacjjar utt'atawa. Marcanacajj qhathatipjjpan, takpach orakes onjjtaracpan.

Éxodo 40:34

Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Éxodo 40:35

Ucampis Moisesajj tantachasiña chekarojj janiw mantaña puedcänti, kenayawa uca patjjarojj urpjjatäna, uqhamarac Tatitun jach'a cancañapaw uca carparojj phokhantaraquïna uca laycu.

Levítico 1:1

Tatitojj Moisesaruw jawsäna Diosamp Jiquisiñ Carpatpacha, ucatsti aqham saraquïnwa:

Números 1:1

Payïri phajjsita mä uru sarakataru, pä mara pasjjän ucqhajja, cunapachatejj israelitanacan Egipto marcat mistunitanacapajj niya mä marat pasascäna, ucapachaw Tatitojj Moisesarojj parläna Sinaí sat wasara kolluna, Diosampi jiquisiñatac lurat carpäquis ucqhana, ucatsti aqham sänwa:

Números 11:17

Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Números 12:8

Jupampisti ajanuy ajanuwa parlapjjtjja, khana arunacampi. Jupasti ajanuy ajanuw uñjitu, ¿cunatarac jumanacasti jupjjata jan wali arunac parlapjjtasti?” sasa.

Números 8:1

Tatit Diosajj Moisesarojj sänwa:

Hebreos 4:16

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

1 Samuel 4:4

Ucatsti israelitanacajj Silo sat uca chekarojj mä kawkha jakenacwa qhitapjjäna, ucatsti uca chekatjja aptanjjapjjänwa take ch'amani Tatitun Arust'äwi Arcapa, uca take ch'amani Diosasti querubines sat angelanacampi yupaychataraquïnwa. Ofni, Finees sat Elí sacerdoten yokanacapasti uca arca apaniñanjja ucancapjjaraquïnwa.