Números 5:21 - Qullan Arunaca

²¹ ucapachasti Tatitojj jumarojj take jakenac nayrakatana maldispan, uqhamarac puracamas p'usutataracpan, wawamas puracamanjja usuchjata naciñapataqui.

Aymar Bibliia 1986

²¹ ucapachasti Tatitojj jumarojj take jakenac nayrakatana maldispan, uqhamarac puracamas p'usutataracpan, wawamas puracamanjja usuchjata naciñapataqui.

Qullan Arunaka DC

²¹ ukapachasti, Tatitux marka nayraqatan jumar ñanqhachpan, purakamas ch'itkatpan, janirak wawanïkamsa.

Números 5:21 Jak'a apnaqawi uñst'ayäwi

2 Crónicas 21:15

Ucatjja jumarojj walja usunacampiwa usuntayätam. Jumasti puracamatwa mä jan apaktir usumpi usuntäta, jiphillamajj jumat misttañapcama’ ” sasa.

Nehemías 10:29

mayachasipjjänwa familianacaparu, uqhamarac jilïrinacaparu, ucatsti amtasipjjänwa suma arust'äwir mantañataqui. Jupanacasti juramento lurapjjäna suma sarañataqui, cuntejj Diosajj churcäna leyinaca Moisés sirvirip toke, uqhamat suma phokhapjjañapataqui take camachi arunacapa, suma arsüwinacapa, uqhamarac Tatitusan leyinacapsa.

Proverbios 10:7

Asqui jaketjja suma amtañaw utji, ucampis ñankha jakerojja mäquiwa armatäjje.

Isaías 65:15

Nayan ajllitanacajjasti sutinacamwa aytasipjjaraquini, mayninacaru ñankhachañataqui, uqhamaraqui jiwañap munañataquisa, ucampis sirvirinacajjarojj yakha sutinacampiw suticht'äjja.

Jeremías 29:22

Ucatsti, cawquïrinacatejj Judá oraketa Babilonia orakeru apanucuyatäpqui ucanacajj cunapachatejj mayniru maldeciñ munapjjani ucqhajj sapjjaniwa: Tatitojj jumampejj lurpan cunjämtejj Sedequías, Acab, uca paniniru Babilonianquir reyejj ninaru cancantcänjja, uqhamaraqui jumampejj lurpan, sasa.

Números 5:27

uca warmitejj chachaparu engañchïna ucapachajj uca c'allc'u maldición apanir umajj wali c'allc'uw tucurapini, ucatsti puracapjja p'usuntayaniwa, uqhamaraquiw wawapasa usuchjasiraquini, ucapachasti warmejj take jaketaqui uñtcaya maldicitaw tucuraquini.

Mateo 26:74

Ucapachaw jupajj juramento luräna, uqhamarac maldiciraquïna aqham sasa: —Janipuniw uca jakerojj uñt'cti —sasa. Ucspachaw wallpajj art'äna.

Josué 6:26

Josué chachasti uca tiemponjja aca arunacwa Israel marcarojj arsuwayäna: “Diosasti maldispan cawquïri jaketï aca Jericó marca wastat sayt'ayani ucarojja; utan cimientopas jilïr yokap patjjaruraqui sayt'ayaspan, puncunacapasa sullca yokap pataruraqui sayt'ayaspan” sasa.

1 Samuel 14:24

Ucampisa israelita jakenacajj uca urojj wali karjtatäpjjänwa, janiraquiw qhitis cunsa mank'cänti, Saúl reyin juramentompi arsutap laycu, take jakenacaru aqham sasa: “Jiwayatäpan qhititejj janïr jayp'untquipan mä cunsa mank'antani ucajja, janïra nayan uñisirinacajjar phoksusquipana” sasa.